ជាតិ
សង្គមជាតិ
×![]()
ដោយ: ថ្មីៗ
ក្រុមយុវជនស្ម័គ្រចិត្ត យុវជនដើម្បីយុវជន (YFY) ត្រៀមរៀបចំវេទិកាសាធារណៈស្តីពី «គន្លឹះកសាងខ្លួនជាយុវជនឆ្នើមសតវត្សរ៍ទី២១» នៅថ្ងៃទី២៦ កក្តដា នៅសាកលវិទ្យាល័យបញ្ញាសាស្ត្រ។ វេទិកាយុវជនឆ្នើមរយៈពេលមួយព្រឹកនេះ រៀបចំឡើងក្នុងគោលបំណងពង្រឹងសមត្ថភាពយុវជន ដើម្បីឲ្យពួកគេមានទំនុកចិត្តលើខ្លួនឯង ស្គាល់ខ្លួនឯងកាន់តែច្បាស់ របៀបនៃការកំណត់គោលដៅជីវិត ភាពជាអ្នកដឹកនាំ និងតួនាទីយុវជននៅក្នុងសង្គម។
យុវជន ទីន សុខលីម អ្នកសម្របសម្រួលក្រុមយុវជនស្ម័គ្រចិត្ត YFY និងអ្នកសម្របសម្រួលនៃការរៀបចំកម្មវិធីនេះ បានឲ្យដឹងថា ការរៀបចំវេទិកាយុវជនឆ្នើមសតវត្សរ៍ទី២១នេះឡើង គឺដើម្បីពង្រឹងសមត្ថភាពយុវជន ដើម្បីឲ្យពួកគេមានទំនុកចិត្តលើខ្លួនឯង ស្គាល់ខ្លួនឯងកាន់តែច្បាស់ របៀបនៃការកំណត់គោលដៅជីវិត ភាពជាអ្នកដឹកនាំ និងតួនាទីយុវជននៅក្នុងសង្គម។ ជាពិសេស លើកទឹកចិត្ត និងជំរុញឲ្យយុវជនចូលរួមយ៉ាងសកម្មនៅក្នុងការសិក្សា ការធ្វើការងារស្ម័គ្រចិត្ត និងការងារជួយសង្គមផ្សេងៗ ដើម្បីរួមចំណែកអភិវឌ្ឍន៍សង្គមជាតិឲ្យរីកចម្រើន។
នៅក្នុងវេទិកាយុវជនឆ្នើមសតវត្សរ៍ទី២១ ដែលគ្រោងអ្នកចូលរួមប្រមាណជា ៦០០នាក់នេះ នឹងប្រព្រឹត្តទៅនៅថ្ងៃទី២៦ កក្តដាខាងមុខ នៅសាកវិទ្យាល័យបញ្ញាសាស្ត្រ ក្បែរវិមានឯករាជ្យ។ កម្មវិធីនេះមានវាគ្មិនជាយុវជនឆ្នើម៣រូប ដែលពួកគេជាយុវជនមានពិសោធន៍ជោគជ័យក្នុងការសិក្សា និងមានគោលដៅជីវិតជាក់លាក់។ នេះជាការបញ្ជាក់របស់និស្សិតស្ម័គ្រចិត្ត ទីន សុខលីម។
និស្សិតច្បាប់ ទីន សុខលីម បានដឹងពីសមត្ថភាពវាគ្មិនទាំង៣រូបរួមមាន ១/ កញ្ញា តោ គឹមស៊ី ជាសិស្សតែម្នាក់គត់ដែលប្រឡងសញ្ញាបត្រទុតិយភូមិបាននិទ្ទេស A កាលពីសម័យប្រឡងនៅឆ្នាំ២០១០ និងជានិស្សិតឆ្នើមផ្នែកគណិតវិទ្យានៅសាកលវិទ្យាល័យ Manhattan សហរដ្ឋអាមេរិក។ កញ្ញា តោ គឹមស៊ី មានគោលបំណងចង់ក្លាយជារដ្ឋមន្ត្រីក្រសួងអប់រំ យុវជន និងកីឡានៅកម្ពុជា។ ២/ កញ្ញា អៀង លីនដា ម្ចាស់ជ័យលាភីលេខ១ នៃកម្មវិធី«អ្នកបន្តវេន»ឆ្នាំ២០១៥ និងជាប្រធានសភានិស្សិតសាកលវិទ្យាល័យបញ្ញាសាស្ត្រ។ និងទី៣/ លោក ប៊ិន យ៉ាន ជានិស្សិតឆ្នើមនៅសាកលវិទ្យាល័យបញ្ញាសាស្ត្រ។ និស្សិតជនជាតិដើមភាគតិចគួយរូបនេះមានបំណងចង់ក្លាយជានាយករដ្ឋមន្ត្រីនៃប្រទេសកម្ពុជា។
សូមបញ្ជាក់ថា ក្រុមយុវជនស្ម័គ្រចិត្ត «យុវជនដើម្បីយុវជន (YFY)» មានសមាជិក១៧នាក់ ដែលពួកគេជានិស្សិតមកពីសាកលវិទ្យាល័យផ្សេងគ្នា និងមកតាមបណ្តាខេត្តនានា។ ចំពោះគណៈកម្មការរៀបំវេទិកានាថ្ងៃទី២៦ កក្តដាខាងមុខ មានចំនួន ៦០នាក់ ដែលពួកគេជានិស្សិតមកពីសាកលវិទ្យាល័យផ្សេងគ្នា និងមកតាមបណ្តាខេត្តនានា៕
យុវជន ទីន សុខលីម អ្នកសម្របសម្រួលក្រុមយុវជនស្ម័គ្រចិត្ត YFY និងអ្នកសម្របសម្រួលនៃការរៀបចំកម្មវិធីនេះ បានឲ្យដឹងថា ការរៀបចំវេទិកាយុវជនឆ្នើមសតវត្សរ៍ទី២១នេះឡើង គឺដើម្បីពង្រឹងសមត្ថភាពយុវជន ដើម្បីឲ្យពួកគេមានទំនុកចិត្តលើខ្លួនឯង ស្គាល់ខ្លួនឯងកាន់តែច្បាស់ របៀបនៃការកំណត់គោលដៅជីវិត ភាពជាអ្នកដឹកនាំ និងតួនាទីយុវជននៅក្នុងសង្គម។ ជាពិសេស លើកទឹកចិត្ត និងជំរុញឲ្យយុវជនចូលរួមយ៉ាងសកម្មនៅក្នុងការសិក្សា ការធ្វើការងារស្ម័គ្រចិត្ត និងការងារជួយសង្គមផ្សេងៗ ដើម្បីរួមចំណែកអភិវឌ្ឍន៍សង្គមជាតិឲ្យរីកចម្រើន។
នៅក្នុងវេទិកាយុវជនឆ្នើមសតវត្សរ៍ទី២១ ដែលគ្រោងអ្នកចូលរួមប្រមាណជា ៦០០នាក់នេះ នឹងប្រព្រឹត្តទៅនៅថ្ងៃទី២៦ កក្តដាខាងមុខ នៅសាកវិទ្យាល័យបញ្ញាសាស្ត្រ ក្បែរវិមានឯករាជ្យ។ កម្មវិធីនេះមានវាគ្មិនជាយុវជនឆ្នើម៣រូប ដែលពួកគេជាយុវជនមានពិសោធន៍ជោគជ័យក្នុងការសិក្សា និងមានគោលដៅជីវិតជាក់លាក់។ នេះជាការបញ្ជាក់របស់និស្សិតស្ម័គ្រចិត្ត ទីន សុខលីម។
និស្សិតច្បាប់ ទីន សុខលីម បានដឹងពីសមត្ថភាពវាគ្មិនទាំង៣រូបរួមមាន ១/ កញ្ញា តោ គឹមស៊ី ជាសិស្សតែម្នាក់គត់ដែលប្រឡងសញ្ញាបត្រទុតិយភូមិបាននិទ្ទេស A កាលពីសម័យប្រឡងនៅឆ្នាំ២០១០ និងជានិស្សិតឆ្នើមផ្នែកគណិតវិទ្យានៅសាកលវិទ្យាល័យ Manhattan សហរដ្ឋអាមេរិក។ កញ្ញា តោ គឹមស៊ី មានគោលបំណងចង់ក្លាយជារដ្ឋមន្ត្រីក្រសួងអប់រំ យុវជន និងកីឡានៅកម្ពុជា។ ២/ កញ្ញា អៀង លីនដា ម្ចាស់ជ័យលាភីលេខ១ នៃកម្មវិធី«អ្នកបន្តវេន»ឆ្នាំ២០១៥ និងជាប្រធានសភានិស្សិតសាកលវិទ្យាល័យបញ្ញាសាស្ត្រ។ និងទី៣/ លោក ប៊ិន យ៉ាន ជានិស្សិតឆ្នើមនៅសាកលវិទ្យាល័យបញ្ញាសាស្ត្រ។ និស្សិតជនជាតិដើមភាគតិចគួយរូបនេះមានបំណងចង់ក្លាយជានាយករដ្ឋមន្ត្រីនៃប្រទេសកម្ពុជា។
សូមបញ្ជាក់ថា ក្រុមយុវជនស្ម័គ្រចិត្ត «យុវជនដើម្បីយុវជន (YFY)» មានសមាជិក១៧នាក់ ដែលពួកគេជានិស្សិតមកពីសាកលវិទ្យាល័យផ្សេងគ្នា និងមកតាមបណ្តាខេត្តនានា។ ចំពោះគណៈកម្មការរៀបំវេទិកានាថ្ងៃទី២៦ កក្តដាខាងមុខ មានចំនួន ៦០នាក់ ដែលពួកគេជានិស្សិតមកពីសាកលវិទ្យាល័យផ្សេងគ្នា និងមកតាមបណ្តាខេត្តនានា៕
© រក្សាសិទ្ធិដោយ thmeythmey.com
