ជាតិ
សង្គមជាតិ
×![]()
ដោយ: ថ្មីៗ
លោក សុខ ទូច ដែលបានដឹកនាំក្រុមស្រាវជ្រាវទៅពិនិត្យស្ថានភាពជាក់ស្តែងនៃ គម្រោងសាងសង់ទំនប់វារីអគ្គិសនីដន សាហុងបានបញ្ជាក់ថា រហូតដល់ពេលនេះប្រទេសឡាវមិនទាន់សាងសង់ទំនប់ដនសាហុងនៅឡើយ។ សាស្ត្រាចារ្យវិទ្យាសាស្ត្រនយោបាយ និងជាអ្នកវិភាគសង្គម នយោបាយនៅកម្ពុជារូបនេះ បានបញ្ជាក់ទៀតថា ស្ថានភាពនៅតំបន់នោះ មានការប្រែប្រួលបន្តិចបន្តួចប៉ុណ្ណោះ ហើយក្រុមស្រាវជ្រាវពុំបានរកឃើញឧបករណ៍សម្រាប់សាងសង់ទំនប់វារីអគ្គិសនីទេនៅតំបន់នោះដែរ។ 
បើទោះបីជាមិនទាន់ដំណើរការសាងសង់ ប៉ុន្តែក្រុមអ្នកស្រាវជ្រាវនៅតែបង្ហាញក្តីបារម្ភយ៉ាងខ្លាំងចំពោះគម្រោងនេះ និងទាមទារឲ្យប្រទេសឡាវធ្វើការសិក្សាឲ្យបានស៊ីជម្រៅអំពីផលប៉ពាល់ពីគម្រោងសាងសង់នេះ ហើយគ្រប់ភាគីពាក់ព័ន្ធត្រូវតម្កល់បញ្ហាបរិស្ថាន ជីវចម្រុះ និងពូជសត្វកម្រដែលជានិមិត្តរូបនៃប្រជាជាតិដែលរស់នៅតាមដងទន្លេមេគង្គដូចគ្នា។
លោក សុខ ទូច សាស្ត្រាចារ្យវិទ្យាសាស្ត្រនយោបាយ បានដឹកនាំក្រុមស្រាវជ្រាវចុះទៅពិនិត្យស្ថានភាពជាក់ស្តែងនៃគម្រោងសាងសង់ទំនប់វារីអគ្គិសនីដន សាហុង កាលពីថ្ងៃទី១៤ខែកក្កដា។ តាមរយៈការពិនិត្យ អ្នកវិភាគសង្គម នយោបាយនៅកម្ពុជារូបនេះ បានបញ្ជាក់ថា ក្រុមស្រាវជ្រាវពុំបានរកឃើញឧបករណ៍សម្រាប់សាងសង់ទំនប់វារីអគ្គិសនីទេនៅតំបន់នោះ ដែលនេះបញ្ជាក់ថា ប្រទេសឡាវមិនទាន់សាងសង់ទំនប់ដនសាហុងនៅឡើយ រហូតដល់ពេលនេះ។
បើតាមសេចក្តីប្រកាសព័ត៌មាន ស្ថានភាពជាក់ស្តែងនៅពេលនេះ ធៀបនឹងខែកុម្ភៈ មានភាពប្រែប្រួលខ្លះប៉ុណ្ណោះ។ ភាពប្រែប្រួលទាំងនោះរួមមាន ផ្លូវឡើងទៅលើកោះដន សាហុង មានការចាក់បេតុងប្រហែល២០ម៉ែត្រ ហើយផ្លូវនៅលើកោះមានការឈូសឆាយពង្រីកធំជាងមុន ចំណែកឯផ្លូវចូលទៅកាន់ទីតាំងសាងសង់មិនមានអ្វីប្រែប្រួលនោះទេ។ ក្រុមអ្នកស្រាវជ្រាវ ក៏បានបញ្ជាក់ដែរថា សាឡង់៣គ្រឿងដែលចតនៅមុខច្រាំងឡើងលើកោះនោះ គឺសម្រាប់ដឹកអេស្កាវាទ័រ និងរ៉ូឡូកិនថ្នល់ប៉ុណ្ណោះ រីឯស្ពានដែលតភ្ជាប់ពីវើនខាំ ទៅកាន់កោះសាដាំ បានតភ្ជាប់រួចហើយ ប៉ុន្តែផ្លូវពីគល់ស្ពានសាដាំពុំទាន់បានធ្វើអ្វីនៅឡើយ។
បើទោះបីជាមិនទាន់ដំណើរការសាងសង់ក៏ដោយ ប៉ុន្តែក្តីបារម្ភរបស់ក្រុមអ្នកស្រាវជ្រាវនៅតែមានចំពោះគម្រោងនេះ ពីព្រោះថារហូតមកពេលនេះ មិនទាន់ឃើញប្រទេសឡាវធ្វើការសិក្សាស្រាវជ្រាវស៊ីជម្រៅអំពីផលប៉ះពាល់នៃគម្រោងសាងសង់ ឬបង្ហាញឯកសារស្តីពីការវាយតម្លៃផលប៉ះពាល់មកលើប្រទេសកម្ពុជានៅឡើយ។
លោក សុខ ទូច ក៏បានទាមទារឲ្យរដ្ឋាភិបាលឡាវធ្វើការសិក្សាឲ្យបានស៊ីជម្រៅអំពីផលប៉ពាល់ពីគម្រោងសាងសង់នេះ ចៀសវាងសាងសង់ហើយ ធ្វើឲ្យបាត់បង់នូវធនធានកម្រដ៏មានតម្លៃរបស់មនុស្សជាតិ ហើយគ្រប់ភាគីពាក់ព័ន្ធត្រូវតម្កល់បញ្ហាបរិស្ថាន ជីវចម្រុះ និងពូជសត្វកម្រដែលជានិមិត្តរូបនៃប្រជាជាតិដែលរស់នៅតាមដងទន្លេមេគង្គដូចគ្នា។ ក្រុមអ្នកស្រាវជ្រាវ ក៏សង្ឃឹមដែរថា ប្រទេសឡាវ នឹងមិនសាងសង់ទំនប់វារីអគ្គិសនីនេះឡើយ។
តាមការសិក្សាស្រាវជ្រាវរបស់សង្គមស៊ីវិលកន្លងមក គម្រោងទំនប់វារីអគ្គីសនីដនសាហុង នឹងប៉ះពាល់ដល់មនុស្សជាង៦០លាននាក់ ដែលកំពុងរស់នៅអាស្រ័យផលនៅផ្នែកអាងទន្លេមេគង្គក្រោម បង្កឲ្យមានការប្រែប្រួលចរន្តទឹក និងធ្វើឲ្យប៉ះពាល់ដល់មច្ឆាជាតិ ការប្រែប្រួលនៃចរន្តទឹកហូរ ព្រមទាំងជីវចម្រុះជាច្រើននៅក្នុងទន្លេមេគង្គ។
សូមបញ្ជាក់ថា គម្រោងសាងសង់ទំនប់វារីអគ្គីសនីដនសាហុង ជាប់នឹងព្រំដែនខេត្តស្ទឹងត្រែង គឺជាគម្រោងមួយ ក្នុងចំណោមគម្រោងទំនប់វារីអគ្គីសនីទាំង១២ ដែលគ្រោងសាងសង់នៅលើតួទន្លេមេ នៃទន្លេមេគ្គក្រោម ក្នុងតំបន់ស៊ីផាន់ដន របស់ប្រទេសឡាវ។ ទំនប់នេះ បានចាប់ផ្តើមសាងសង់ឡើងកាលពីឆ្នាំ២០០៧ ដោយក្រុមហ៊ុនវិស្វកម្មនិងសំណង់ម៉ាឡេស៊ី Mega First Corporation Berhad និងបានផ្អាកសកម្មភាពម្តងហើយដោយសារមានការតវ៉ាពីប្រទេសតាមដងទន្លេមេគង្គ។ ទំនប់នេះបានចាប់ផ្តើមសាងសង់ឡើងវិញម្តងទៀតនៅឆ្នាំ២០១៣ ពេលនោះប្រទេសឡាវបានប្រកាសថា ទំនប់ដន សាហុង មិនមានផលប៉ះពាល់ទៅដល់មច្ឆាជាតិ និងផ្នែកផ្សេងៗទៀតនោះទេ ព្រោះមានទីតាំងស្ថិតនៅលើដៃទន្លេ មិនមែននៅលើទន្លេមេនោះទេ៕
បើទោះបីជាមិនទាន់ដំណើរការសាងសង់ ប៉ុន្តែក្រុមអ្នកស្រាវជ្រាវនៅតែបង្ហាញក្តីបារម្ភយ៉ាងខ្លាំងចំពោះគម្រោងនេះ និងទាមទារឲ្យប្រទេសឡាវធ្វើការសិក្សាឲ្យបានស៊ីជម្រៅអំពីផលប៉ពាល់ពីគម្រោងសាងសង់នេះ ហើយគ្រប់ភាគីពាក់ព័ន្ធត្រូវតម្កល់បញ្ហាបរិស្ថាន ជីវចម្រុះ និងពូជសត្វកម្រដែលជានិមិត្តរូបនៃប្រជាជាតិដែលរស់នៅតាមដងទន្លេមេគង្គដូចគ្នា។
លោក សុខ ទូច សាស្ត្រាចារ្យវិទ្យាសាស្ត្រនយោបាយ បានដឹកនាំក្រុមស្រាវជ្រាវចុះទៅពិនិត្យស្ថានភាពជាក់ស្តែងនៃគម្រោងសាងសង់ទំនប់វារីអគ្គិសនីដន សាហុង កាលពីថ្ងៃទី១៤ខែកក្កដា។ តាមរយៈការពិនិត្យ អ្នកវិភាគសង្គម នយោបាយនៅកម្ពុជារូបនេះ បានបញ្ជាក់ថា ក្រុមស្រាវជ្រាវពុំបានរកឃើញឧបករណ៍សម្រាប់សាងសង់ទំនប់វារីអគ្គិសនីទេនៅតំបន់នោះ ដែលនេះបញ្ជាក់ថា ប្រទេសឡាវមិនទាន់សាងសង់ទំនប់ដនសាហុងនៅឡើយ រហូតដល់ពេលនេះ។
បើតាមសេចក្តីប្រកាសព័ត៌មាន ស្ថានភាពជាក់ស្តែងនៅពេលនេះ ធៀបនឹងខែកុម្ភៈ មានភាពប្រែប្រួលខ្លះប៉ុណ្ណោះ។ ភាពប្រែប្រួលទាំងនោះរួមមាន ផ្លូវឡើងទៅលើកោះដន សាហុង មានការចាក់បេតុងប្រហែល២០ម៉ែត្រ ហើយផ្លូវនៅលើកោះមានការឈូសឆាយពង្រីកធំជាងមុន ចំណែកឯផ្លូវចូលទៅកាន់ទីតាំងសាងសង់មិនមានអ្វីប្រែប្រួលនោះទេ។ ក្រុមអ្នកស្រាវជ្រាវ ក៏បានបញ្ជាក់ដែរថា សាឡង់៣គ្រឿងដែលចតនៅមុខច្រាំងឡើងលើកោះនោះ គឺសម្រាប់ដឹកអេស្កាវាទ័រ និងរ៉ូឡូកិនថ្នល់ប៉ុណ្ណោះ រីឯស្ពានដែលតភ្ជាប់ពីវើនខាំ ទៅកាន់កោះសាដាំ បានតភ្ជាប់រួចហើយ ប៉ុន្តែផ្លូវពីគល់ស្ពានសាដាំពុំទាន់បានធ្វើអ្វីនៅឡើយ។
បើទោះបីជាមិនទាន់ដំណើរការសាងសង់ក៏ដោយ ប៉ុន្តែក្តីបារម្ភរបស់ក្រុមអ្នកស្រាវជ្រាវនៅតែមានចំពោះគម្រោងនេះ ពីព្រោះថារហូតមកពេលនេះ មិនទាន់ឃើញប្រទេសឡាវធ្វើការសិក្សាស្រាវជ្រាវស៊ីជម្រៅអំពីផលប៉ះពាល់នៃគម្រោងសាងសង់ ឬបង្ហាញឯកសារស្តីពីការវាយតម្លៃផលប៉ះពាល់មកលើប្រទេសកម្ពុជានៅឡើយ។
លោក សុខ ទូច ក៏បានទាមទារឲ្យរដ្ឋាភិបាលឡាវធ្វើការសិក្សាឲ្យបានស៊ីជម្រៅអំពីផលប៉ពាល់ពីគម្រោងសាងសង់នេះ ចៀសវាងសាងសង់ហើយ ធ្វើឲ្យបាត់បង់នូវធនធានកម្រដ៏មានតម្លៃរបស់មនុស្សជាតិ ហើយគ្រប់ភាគីពាក់ព័ន្ធត្រូវតម្កល់បញ្ហាបរិស្ថាន ជីវចម្រុះ និងពូជសត្វកម្រដែលជានិមិត្តរូបនៃប្រជាជាតិដែលរស់នៅតាមដងទន្លេមេគង្គដូចគ្នា។ ក្រុមអ្នកស្រាវជ្រាវ ក៏សង្ឃឹមដែរថា ប្រទេសឡាវ នឹងមិនសាងសង់ទំនប់វារីអគ្គិសនីនេះឡើយ។
តាមការសិក្សាស្រាវជ្រាវរបស់សង្គមស៊ីវិលកន្លងមក គម្រោងទំនប់វារីអគ្គីសនីដនសាហុង នឹងប៉ះពាល់ដល់មនុស្សជាង៦០លាននាក់ ដែលកំពុងរស់នៅអាស្រ័យផលនៅផ្នែកអាងទន្លេមេគង្គក្រោម បង្កឲ្យមានការប្រែប្រួលចរន្តទឹក និងធ្វើឲ្យប៉ះពាល់ដល់មច្ឆាជាតិ ការប្រែប្រួលនៃចរន្តទឹកហូរ ព្រមទាំងជីវចម្រុះជាច្រើននៅក្នុងទន្លេមេគង្គ។
សូមបញ្ជាក់ថា គម្រោងសាងសង់ទំនប់វារីអគ្គីសនីដនសាហុង ជាប់នឹងព្រំដែនខេត្តស្ទឹងត្រែង គឺជាគម្រោងមួយ ក្នុងចំណោមគម្រោងទំនប់វារីអគ្គីសនីទាំង១២ ដែលគ្រោងសាងសង់នៅលើតួទន្លេមេ នៃទន្លេមេគ្គក្រោម ក្នុងតំបន់ស៊ីផាន់ដន របស់ប្រទេសឡាវ។ ទំនប់នេះ បានចាប់ផ្តើមសាងសង់ឡើងកាលពីឆ្នាំ២០០៧ ដោយក្រុមហ៊ុនវិស្វកម្មនិងសំណង់ម៉ាឡេស៊ី Mega First Corporation Berhad និងបានផ្អាកសកម្មភាពម្តងហើយដោយសារមានការតវ៉ាពីប្រទេសតាមដងទន្លេមេគង្គ។ ទំនប់នេះបានចាប់ផ្តើមសាងសង់ឡើងវិញម្តងទៀតនៅឆ្នាំ២០១៣ ពេលនោះប្រទេសឡាវបានប្រកាសថា ទំនប់ដន សាហុង មិនមានផលប៉ះពាល់ទៅដល់មច្ឆាជាតិ និងផ្នែកផ្សេងៗទៀតនោះទេ ព្រោះមានទីតាំងស្ថិតនៅលើដៃទន្លេ មិនមែននៅលើទន្លេមេនោះទេ៕
© រក្សាសិទ្ធិដោយ thmeythmey.com
