ខ្មែរឥស្លាមប្រារព្ធពិធីចេញបួសនៅថ្ងៃសុក្រនេះ

ជាតិ

សង្គមជាតិ

ខ្មែរឥស្លាមប្រារព្ធពិធីចេញបួសនៅថ្ងៃសុក្រនេះ

17, Jul 2015 , 7:58 am

រូបភាព

រូបភាព៖ FB Hosen Mohd Farid

ដោយ: អុីសា រ៉ហានី (Isa Rohany)

ក្រោយពីផ្តើមបួសអស់រយៈពេលមួយខែមក នៅថ្ងៃសុក្រទី ១៧ ខែកក្កដានេះ សាសនិកឥស្លាមទាំងអស់ រួមនិងខ្មែរឥស្លាមរស់នៅក្នុងប្រទេសកម្ពុជា បានដល់វេលាចេញបួស ឫថ្ងៃរ៉យ៉ាហើយ។ ចាប់ពីថ្ងៃនេះទៅ ខែតមអាហាររបស់សាសនិកឥស្លាមត្រូវបានកន្លងផុត ហើយវានឹងចូលមកសាជាថ្មីទៀត នៅឆ្នាំក្រោយ។

សេចក្តីប្រកាសព័ត៌មានពីគណៈដឹកនាំជាន់ខ្ពស់នៃសាសនាឥស្លាមកម្ពុជា បានកំណត់យកថ្ងៃសុក្រ ទី១៧ កក្កដា ជាថ្ងៃចេញបួស ឫថ្ងៃរ៉យ៉ា។ ក្នុងសេចក្តីជូនដំណឹងដែលចេញផ្សាយកាលពីម្សិលមិញ បានបញ្ជាក់ថា«ការចេញបួស (បុណ្យរ៉យ៉ា អៃទិលហ្វិតរី) សម្រាប់ឆ្នាំ២០១៥នេះ យើងកំណត់យកថ្ងៃស្អែក គឺថ្ងៃសុក្រ ទី១៧ ខែកក្កដា ឆ្នាំ២០១៥ ជាកំហិត»។

នៅព្រឹកថ្ងៃសុក្រនេះ ភាពអ៊ូអរបានកើតមានឡើងនៅក្នុងសហគមន៍ខ្មែរឥស្លាម ដោយខុសប្លែកពីសព្វមួយដង។ អាហារ និងនំច្រើនមុខ បានត្រៀបត្រានៅតាមផ្ទះរបស់បងប្អូនខ្មែរឥស្លាម សម្រាប់ទទួលបងប្អូន ញាត្តិមិត្ត អ្នកជិតខាង ដែលមកពីទីជិតឫទីឆ្ងាយ។ នៅថ្ងៃបុណ្យរ៉យ៉ានេះផងដែរ គ្រប់សាសនិកឥស្លាមទាំងអស់ តម្រូវឲ្យសុំខុមាទោសគ្នា ប្រសិនបើពួកគេមានការឈ្លោះប្រកែកគ្នា និងថ្នាក់ថ្នាំងនឹងគ្នា ដោយប្រការណាមួយនោះ។

ងាកមកមើលក្នុងបណ្តាញសង្គមហ្វេសប៊ុកវិញ ការជូនពររវាងសាសនិកឥស្លាមទៅសាសនិកឥស្លាម មានជាហូរហែរ។ ការសុំពីអាល់ឡោះឲ្យអ្នកមូស្លីម (អ្នកប្រតិបត្តិសាសនាឥស្លាម) មានសេចក្តីសុខ និងសុភមង្គល ជាដើម៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

3 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម