ជាតិ
សង្គមជាតិ
×![]()
ដោយ: ម៉ៅ សុផា
អតីតពិធីការិនីទូរទស្សន៍ CTN កញ្ញា ឯក សុជាតា ហៅ សាសា កំពុងតែចូលខ្លួនបំភ្លឺចំពោះមុខចៅក្រមសើុបសួរនៅសាលាដំបូងរាជធានីភ្នំពេញ នាពេលព្រឹកថ្ងៃទី១៧ ខែកក្កដានេះ។ នេះបើតាមការអះអាងរបស់លោក ពុធ ធាវី មេធាវីការពារក្តីរបស់កញ្ញាសាសា។
បើតាមលោក មេធាវីរូបនេះដដែល តាមគម្រោង កញ្ញាសាសា នឹងត្រូវចូលខ្លួនបំភ្លឺតាមដីកាកោះហៅនៅថ្ងៃទី២៧ ខែកក្កដា ខាងមុខ តែដោយសារតែកញ្ញាប្រញាប់ទៅព្យាបាលជំងឺដែលរងគ្រោះពីការប្រើអំពើហិង្សាពីសំណាក់លោក សុខ ប៊ុន រួមជាមួយក្រុមអង្គរក្ស កាលពី២ ខែកក្កដាកន្លងទៅ តម្រូវឲ្យរូបលោកត្រូវស្នើសុំពន្លឿនពេលដើម្បីឲ្យកូនក្តីរបស់លោកចូលបំភ្លឺថ្ងៃនេះតែម្តង។
សូមបញ្ជាក់ថា ក្រោយពីបំភ្លឺហើយ កញ្ញាសាសានឹងទៅបន្តព្យាបាលជំងឺនៅប្រទេសថៃ។ តែមិនទាន់នឹងច្បាស់ថាជនរងគ្រោះរូបនេះនឹងទៅថ្ងៃណានោះទេ។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
