ជាតិ
សង្គមជាតិ
×![]()
ដោយ: ថ្មីៗ
ភ្នំពេញ៖ ប្រធានអង្គភាពប្រឆាំងពុករលួយ (ACU) លោកទេសរដ្ឋមន្ត្រី ឱម យ៉ិនទៀង បានប្រាប់ថា ACU មិនបានបំភ្លេចការស៊ើបអង្កេតសំណុំរឿងឧកញ៉ា ថោង សារ៉ាត់ ពាក់ព័ន្ធនឹងករណីពុករលួយក្នុងតុលាការនោះទេ ដោយលោកបញ្ជាក់ថា ACU បាន និងកំពុងបំបែកសំណុំរឿងនេះ មួយដំណាក់កាលម្តងៗ។ លោកបានប្រាប់ពីមូលហេតុនៃការបំបែកសំណុំរឿងនេះថា ដោយសារសំណុំរឿងមានលក្ខណៈស្មុគស្មាញ ដែលតម្រូវឲ្យបើកការស៊ើបអង្កេត ជាដំណាក់កាលម្តងៗ មុនបញ្ជូនបន្តទៅតុលាការ។ លោកនិយាយបែបនេះ បន្ទាប់ពីពិធីចែកពានរង្វាន់ដល់អ្នកសារព័ត៌មានឆ្នើម សម្រាប់ការរាយការណ៍ពីអំពើពុករលួយប្រចាំឆ្នាំ២០១៥ នៅថ្ងៃទី២២ ខែកក្កដានេះ។
សំឡេងលោក ឱម យ៉ិនទៀង៖
សំណុំរឿងនេះ ពាក់ព័ន្ធនឹងករណីបាញ់សម្លាប់លោកឧកញ៉ា អ៊ឹង ម៉េងជឺ អាយុ ៥៣ ឆ្នាំ ជាថៅកែក្រុមហ៊ុន ស៊ីម៉ងត៍ត្បូងពេជ្រ និងជាប្រធានក្រុមហ៊ុន Shimmex Group។ លោក អ៊ឹង ម៉េងជឺ ត្រូវខ្មាន់កាំភ្លើងបាញ់សម្លាប់ កាលពីរសៀលថ្ងៃទី ២២ ខែវិច្ឆិកា ឆ្នាំ ២០១៤ ខណៈពេលលោកចុះពីរថយន្តឡិចស៊ីស ៥៧០ ដើម្បីទៅទិញផ្លែឈើ នៅហាងលក់ផ្លែឈើមួយ ក្នុងសង្កាត់ទួលស្វាយព្រៃទី ២ ខណ្ឌចំការមន។ សំណុំរឿង ត្រូវបានធ្លាក់ដល់ដៃ អង្គភាពប្រឆាំងអំពើពុករលួយ ពាក់ព័ន្ធនឹងសេចក្តីសម្រចរបស់ចៅក្រមស៊ើបសួរសាលាដំបូងរាជធានីភ្នំពេញ ដែលដោះលែងឪពុកម្តាយ លោក ថោង សារ៉ាត់ នៅក្រៅឃុំបណ្តោះអាសន្ន កាលពីថ្ងៃទី០៧ ខែកុម្ភៈ ឆ្នាំ២០១៥ កន្លងទៅ។ ទន្ទឹមគ្នាដែរ លោកនាយករដ្ឋមន្ត្រី ហ៊ុន សែន ស្នើឲ្យបើកការស៊ើបអង្កេតលើករណីនេះ ដោយលោកសង្ស័យថា អាចជាប់ពាក់ព័ន្ធនឹងអំពើពុករលួយ ថវិការាប់លានដុល្លារអាមេរិកផង។
សូមរម្លឹកផងដែរ កាលពីថ្ងៃទី១៥ ខែមិថុនាកន្លងទៅ តុលាការចេញសាលក្រមសម្រេចផ្តន្ទាទោសឧកញ៉ា ថោង សារ៉ាត់ ឲ្យជាប់ពន្ធនាគារ ២ឆ្នាំ និង ៦ខែនិងពិន័យប្រាក់ចំនួន ៦លានរៀលពីបទ «ការកាន់កាប់ ឬដឹកជញ្ជូនអាវុធដោយមិនមានការអនុញ្ញាត»។ រីឯ ឪពុកម្តាយឧកញ៉ា ថោង សារ៉ាត់ លោក ថោង ចំរើន និងអ្នកស្រី កែវ សារី ត្រូវបានតុលាការសម្រេចផ្ទន្តាទោសម្នាក់ៗកំណត់ពីរឆ្នាំ និងពិន័យ ៦លានរៀល តាមមាត្រា៤៩០ នៃក្រមព្រហ្មទណ្ឌ។
ឧកញ៉ា ថោង សារ៉ាត់ និងអង្គរក្ស ៨នាក់ផ្សេងទៀត ក៏កំពុងជាប់ចោទពីបទឃាតកម្មគិតទុកជាមុន តាមមាត្រា ២០០ និងបទផ្តើមគំនិត និងបទសមគំនិតក្នុងអំពើឃាតកម្មគិតទុកជាមុន មាត្រា ២៨ និង២៩នៃក្រមព្រហ្មទណ្ឌ។ តាមក្រមព្រហ្មទណ្ឌ ប្រសិនបើពួកគេត្រូវបានតុលាការរកឃើញថា មាន ពិរុទ្ធភាពពិតមែននោះពួកគេនឹងប្រឈមមុខជាប់ក្នុងពន្ធនាគារអស់មួយជីវិត៕
សំឡេងលោក ឱម យ៉ិនទៀង៖
សំណុំរឿងនេះ ពាក់ព័ន្ធនឹងករណីបាញ់សម្លាប់លោកឧកញ៉ា អ៊ឹង ម៉េងជឺ អាយុ ៥៣ ឆ្នាំ ជាថៅកែក្រុមហ៊ុន ស៊ីម៉ងត៍ត្បូងពេជ្រ និងជាប្រធានក្រុមហ៊ុន Shimmex Group។ លោក អ៊ឹង ម៉េងជឺ ត្រូវខ្មាន់កាំភ្លើងបាញ់សម្លាប់ កាលពីរសៀលថ្ងៃទី ២២ ខែវិច្ឆិកា ឆ្នាំ ២០១៤ ខណៈពេលលោកចុះពីរថយន្តឡិចស៊ីស ៥៧០ ដើម្បីទៅទិញផ្លែឈើ នៅហាងលក់ផ្លែឈើមួយ ក្នុងសង្កាត់ទួលស្វាយព្រៃទី ២ ខណ្ឌចំការមន។ សំណុំរឿង ត្រូវបានធ្លាក់ដល់ដៃ អង្គភាពប្រឆាំងអំពើពុករលួយ ពាក់ព័ន្ធនឹងសេចក្តីសម្រចរបស់ចៅក្រមស៊ើបសួរសាលាដំបូងរាជធានីភ្នំពេញ ដែលដោះលែងឪពុកម្តាយ លោក ថោង សារ៉ាត់ នៅក្រៅឃុំបណ្តោះអាសន្ន កាលពីថ្ងៃទី០៧ ខែកុម្ភៈ ឆ្នាំ២០១៥ កន្លងទៅ។ ទន្ទឹមគ្នាដែរ លោកនាយករដ្ឋមន្ត្រី ហ៊ុន សែន ស្នើឲ្យបើកការស៊ើបអង្កេតលើករណីនេះ ដោយលោកសង្ស័យថា អាចជាប់ពាក់ព័ន្ធនឹងអំពើពុករលួយ ថវិការាប់លានដុល្លារអាមេរិកផង។
សូមរម្លឹកផងដែរ កាលពីថ្ងៃទី១៥ ខែមិថុនាកន្លងទៅ តុលាការចេញសាលក្រមសម្រេចផ្តន្ទាទោសឧកញ៉ា ថោង សារ៉ាត់ ឲ្យជាប់ពន្ធនាគារ ២ឆ្នាំ និង ៦ខែនិងពិន័យប្រាក់ចំនួន ៦លានរៀលពីបទ «ការកាន់កាប់ ឬដឹកជញ្ជូនអាវុធដោយមិនមានការអនុញ្ញាត»។ រីឯ ឪពុកម្តាយឧកញ៉ា ថោង សារ៉ាត់ លោក ថោង ចំរើន និងអ្នកស្រី កែវ សារី ត្រូវបានតុលាការសម្រេចផ្ទន្តាទោសម្នាក់ៗកំណត់ពីរឆ្នាំ និងពិន័យ ៦លានរៀល តាមមាត្រា៤៩០ នៃក្រមព្រហ្មទណ្ឌ។
ឧកញ៉ា ថោង សារ៉ាត់ និងអង្គរក្ស ៨នាក់ផ្សេងទៀត ក៏កំពុងជាប់ចោទពីបទឃាតកម្មគិតទុកជាមុន តាមមាត្រា ២០០ និងបទផ្តើមគំនិត និងបទសមគំនិតក្នុងអំពើឃាតកម្មគិតទុកជាមុន មាត្រា ២៨ និង២៩នៃក្រមព្រហ្មទណ្ឌ។ តាមក្រមព្រហ្មទណ្ឌ ប្រសិនបើពួកគេត្រូវបានតុលាការរកឃើញថា មាន ពិរុទ្ធភាពពិតមែននោះពួកគេនឹងប្រឈមមុខជាប់ក្នុងពន្ធនាគារអស់មួយជីវិត៕
Tag:
លោក ឱម យ៉ិនទៀង
ឧកញ៉ា ថោង សារ៉ាត់
© រក្សាសិទ្ធិដោយ thmeythmey.com
