បាឋកថាស្តីពីទំនាក់ទំនងសិល្បៈខ្មែរនិងចាមនឹងរៀបចំធ្វើនៅចុងខែកក្កដានេះ

ជាតិ

សង្គមជាតិ

បាឋកថាស្តីពីទំនាក់ទំនងសិល្បៈខ្មែរនិងចាមនឹងរៀបចំធ្វើនៅចុងខែកក្កដានេះ

22, Jul 2015 , 3:44 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ បាឋកថាដ៏កម្រ ដែលនិយាយពីទំនាក់ទំនងសិល្បៈខ្មែរ និងចាម នឹងរៀបចំធ្វើនៅចុងខែកក្កដា ខាងមុខនេះ។ បាឋកថានេះ មាននិយាយពីប្រវត្តិសាស្ត្រចាម វប្បធម៌ និងសិល្បៈចាម ទំនាក់ទំនងសិល្បៈចាម និងខ្មែរសម័យអង្គរជាដើម។

មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរា ដែលរៀបចំធ្វើបាឋកថាស្តីពី ទំនាក់ទំនងសិល្បៈខ្មែរ និងចាម បានពន្យល់ក្នុងសេចក្តីជូនដំណឹងរបស់ខ្លួននៅថ្ងៃទី២២ កក្កដានេះថា បាឋកថា (ការធ្វើបទបង្ហាញ) នេះ ធ្វើឡើងក្នុងគោលបំណងចែករំលែកបទពិសោធន៍ ស្រាវជ្រាវ ក៏ដូចជាការបន្ថែមចំណេះដឹងថ្មីទៀត ដល់អ្នកស្រាវជ្រាវជាតិ និងអន្តរជាតិ ឲ្យដឹងបានកាន់តែច្បាស់ពី ទំនាក់ទំនងសិល្បៈខ្មែរ និងនគរចម្ប៉ា។

បាឋកថាដែលគ្រោងធ្វើឡើងនៅព្រឹកថ្ងៃទី ៣០ កក្កដា វេលាម៉ោង៩ ដល់ម៉ោង១១ ផ្តោតសំខាន់ចំណុច៣។ ទី១ សិក្សាពីទិដ្ឋភាពទូទៅនៃប្រវត្តិសាស្ត្រចាម វប្បធម៌ និងសិល្បៈចាម ទី២ ទំនាក់ទំនងរវាងសិល្បៈចាម និងខ្មែរសម័យអង្គរ និងទី៣ ទំនាក់ទំនងសិល្បៈចាម និងប្រាសាទភិម៉ាយប្រទេសថៃ។

គួរបញ្ជាក់ដែរថា បាឋកថានេះធ្វើឡើងនៅអាជ្ញាធរជាតិអប្សរា ហើយវាគ្មិនសំខាន់ៗរួមមាន លោកសាស្ត្រាចារ្យ Tran Ky Phoung អ្នកជំនាញខាងប្រវត្តិសាស្ត្រ និង សិល្បៈចាម និងជាសមាជិកក្រុមស្រាវជ្រាវផ្លូវបុរាណសម័យអង្គរ ភាគីវៀតណាម។ និងភាគីអាជ្ញាធរអប្សរា លោក អ៊ឹម សុខរិទ្ធី ជាប្រធានក្រុមស្រាវជ្រាវផ្លូវបុរាណសម័យអង្គរភាគីកម្ពុជា៕

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

6 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ថ្ងៃ

«ប្រេសិត»មានន័យដូចម្តេច?

5 ថ្ងៃ

អត្ថបទពេញនិយមបន្ថែម