ជាតិ
សង្គមជាតិ
កម្ពុជាមិនអាចសម្រេចកំណើនភ្ញៀវទេសចរអន្តរជាតិបាន៥លាននាក់នៅឆ្នាំនេះទេ
×
កម្ពុជាទំនងជាមិនអាចសម្រេចបាននូវកំណើនភ្ញៀវទេសចរអន្តរជាតិបានចំនួន៥លាននាក់ នៅឆ្នាំ២០១៥នេះទេ។ តួលេខដែលរំពឹងទុក អាចទទួលបានតែប្រមាណ៤លាន៨សែននាក់ប៉ុណ្ណោះ។
ការប្រែប្រួលនេះត្រូវបានលោក ថោង ខុន រដ្ឋមន្ត្រីក្រសួងទេសចរណ៍ពន្យល់ថា មកពីបញ្ហាដែលកំពុងកើតមាននៅក្នុងតំបន់និងក្នុងពិភពលោកដូចជាសកម្មភាពរបស់ពួកISIS ការផ្ទុះជំងឺMERS នៅកូរ៉េខាងជើង វិបត្តិសេដ្ឋកិច្ចនៅរុស្ស៊ីជាដើម។
ក្នុងជំនួបពិភាក្សាអំពីវិស័យទេសចរណ៍ ជាមួយវិស័យឯកជននៅខេត្តសៀមរាបនៅថ្ងៃទី២០ខែកក្កដាលោក ថោង ខុន បានឲ្យដឹងទៀតថា មិនមែនតែកម្ពុជាមួយទេដែលមានជួបប្រទះនូវបញ្ហាធ្លាក់ចុះនៃចំនួនភ្ញៀវទេសចរនេះ ប្រទេសវៀតណាម ថៃ និងកូរ៉េខាងត្បូងជាដើមក៏ជួបវិបត្តិដូចគ្នានេះដែរនៅក្នុងឆមាសទី១ ឆ្នាំ២០១៥ ។ប្រទេសវៀតណាមមានអត្រាធ្លាក់ចុះនៃចំនួនភ្ញៀវទេសចរអន្តរជាតិចំនួន៤០ភាគរយ ប្រទេសថៃ២០ភាគរយ ខណៈដែលប្រទេសកូរ៉េខាងត្បូងធ្លាក់ចុះរហូតដល់ទៅ៦០ភាគរយ។
ក្នុងរយៈពេល៦ខែដើម ឆ្នាំ២០១៥ កម្ពុជាទទួលបានកំណើនភ្ញៀវទេសចរអន្តរជាតិចំនួន ៤.៤ភាគរយ ក្នុងនោះភ្ញៀវទេសចរចិនស្ថិតនៅលំដាប់ទី១ កូរ៉េលេខ២ថៃជាប់ស្ថិតនៅលំដាប់លេខ៣ បន្ទាប់មកមានអាមេរិក វៀតណាម អង់គ្លេសបារាំងម៉ាឡេស៊ី និងអាល្លឺម៉ង់។សម្រាប់ខេត្តសៀមរាប រមណីយដ្ឋានអង្គរទទួលបានទេសចរសរុបចំនួន១, ០៨៤, ៤២៧នាក់កើនឡើង ១.៦១ភាគរយ ធៀបនឹងឆ្នាំ២០១។ ក្នុងចំណោមភ្ញៀវទេសចរទាំងអស់ មានអ្នកទេសចរ បរទេសដែលទិញប័ណ្ណចូលទស្សនារមណីដ្ឋានអង្គរចំនួន ១១៤, ០៦៦នាក់ កើន១៣.១៩គិតជាទឹកប្រាក់ចំនួន៣, ១១២, ៦៦០ដុល្លារ៕
ប្រភព៖AKP
© រក្សាសិទ្ធិដោយ thmeythmey.com