ជាតិ
សង្គមជាតិ
រដ្ឋមន្ត្រីក្រសួងអប់រំ ថា កម្មវិធីសិក្សានៅកម្ពុជាបាត់ម៉ោងសិក្សាជាង ៥០ថ្ងៃជារៀងរាល់ឆ្នាំ
×![]()
ដោយ: ធឿន បញ្ញាឬទិ្ធ
រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន មានប្រសាសន៍ថា កម្មវិធីសិក្សានៅកម្ពុជា គ្រប់បណ្ដាសាលារៀន បាត់ម៉ោងសិក្សាជាង៥០ថ្ងៃ ជារៀងរាល់ឆ្នាំ។ លោកថា រូបលោកកំពុងបង្កើតក្រុមការងារ ដើម្បីសិក្សាបន្ថែមពីបញ្ហានេះ និងពង្រឹងម៉ោងសិក្សានេះឲ្យមានគុណភាពឡើងវិញ។ ការបញ្ជាក់របស់រដ្ឋមន្ត្រីក្រសួងអប់រំរូបនេះ ធ្វើឡើងនៅក្នុងសិក្ខាសាលាស្តីពី ការផ្សព្វផ្សាយរបាយការណ៍ ស្រាវជ្រាវលើការ អនុវត្តម៉ោងសិក្សានៅបឋមសិក្សា កាលពីព្រឹកថ្ងៃទី២៣ ខែកក្កដា ឆ្នាំ២០១៥ នាសណ្ឋាគារភ្នំពេញ។
ថ្លែងប្រាប់ អ្នកសារព័ត៌មាន លោក ហង់ ជួនណារ៉ុន បញ្ជាក់ថា ការបាត់បង់ម៉ោងសិក្សានេះ ដោយសារកត្តា ៣ រួមមាន ទី១ បាត់ម៉ោងដោយសារឈប់នៅពេលបុណ្យ ។ ទី២ បញ្ហាអវត្តមានរបស់គ្រូមួយចំនួននៅតាមសាលាជនបទ និងទីក្រុង និងទី៣ គ្រូចេញមុនម៉ោង តែមកបង្រៀនយឺតជាដើម។
មានសំឡេង៖
សូមបញ្ជាក់ថា សាលារៀននៅទូទាំងប្រទេសកម្ពុជាមានជាង៧ពាន់គ្រូបង្រៀនមានជាង ៥ម៉ឺននាក់ និងសិស្សប្រមាណ ២លាននាក់ ៕
© រក្សាសិទ្ធិដោយ thmeythmey.com
