អ្នកស្រី នី លក់សាំងតាមចិញ្ចើមផ្លូវនៅពេលយប់ ដើម្បីឲ្យកូនបានរៀនខ្ពង់ខ្ពស់

ជាតិ

បទយកការណ៍ / បទសម្ភាសន៍

សង្គមជាតិ

អ្នកស្រី នី លក់សាំងតាមចិញ្ចើមផ្លូវនៅពេលយប់ ដើម្បីឲ្យកូនបានរៀនខ្ពង់ខ្ពស់

25, Jul 2015 , 8:40 pm

រូបភាព

ដោយ:

ភ្នំពេញ៖ មានមាឌធំ សម្បុរស្រអែម អ្នកស្រី នី វ័យ៤៥ឆ្នាំ បានប្រកបរបរលក់សាំងតាមចិញ្ចើមផ្លូវនៅពេលយប់ ដើម្បីចិញ្ចឹមកូនចំនួនប្រាំនាក់ដែលកំពុងសិក្សា។ ដោយសារតែមិនអាចពឹងផ្អែកលើប្រាក់ខែរបស់ស្វាមីជាមន្ត្រីប៉ូលីសតែមួយមុខបាន អ្នកស្រី នី និងកូនៗ ត្រូវខិតខំលក់សាំងបន្ថែម ចាប់ពីម៉ោង៥ល្ងាចរហូតដល់ម៉ោង៥ទៀបភ្លឺ។ ការលក់នេះត្រូវបានបែងចែកជាបីទីតាំងផ្សេងគ្នា នៅក្បែរសួនច្បារទល់មុខអគារមជ្ឈមណ្ឌលភ្នំពេញ និងនៅតាមសួនច្បារមាត់ទន្លេក្បែរមជ្ឈមណ្ឌលកម្សាន្តកោះពេជ្រក្នុងរាជធានីភ្នំពេញ។អ្នកស្រី នី ឲ្យដឹងថាក្នុងមួយយប់ដោយសរុបទាំងបីទីតាំងនេះ អ្នកស្រីលក់បានចន្លោះពី៦០ទៅ៩០លីត្របើគិតទឹកប្រាក់ប្រមាណជាង១០០ដុល្លារអាមេរិក។ សាំងមួយលីត្រអ្នកស្រីទិញចូលក្នុងតម្លៃ៣៨០០រៀល និងលក់ចេញវិញក្នុងតម្លៃ ៤៥០០រៀល ដូច្នេះអ្នកស្រីអាចចំណេញប្រាក់បានចំនួន ៧០០រៀល។បើទោះបីជាអ្នកស្រី នី ប្រកបរបរនេះអស់រយៈពេលជាង៥ឆ្នាំមកហើយក្តី តែអ្នកស្រីមិនធុញទ្រាន់ឡើយ ហើយក៏មិនចង់បោះបង់អាជីពមួយនេះចោលនោះដែរ។ អ្នកស្រីមានក្តីរំពឹងថាការខិតខំប្រឹងប្រែងរបស់អ្នកស្រីក្នុងមុខរបរនេះ នឹងអាចជួយចម្លងកូនៗរបស់អ្នកស្រីបានរៀងខ្ពង់ខ្ពស់ និងទទួលបានការងារល្អ៕

ដើម្បីជ្រាប់ព័ត៌មានលម្អិត សូមអញ្ជើញស្តាប់បទសម្ភាសន៍រវាងលោក ភិរុណ ឧត្តម អ្នកសារព័ត៌មានអេឡិចត្រូនិក ថ្មីៗ និងអ្នកស្រី នី ដូចតទៅ៖