កីឡាជាតិ
ជាតិ
ខ្សែការពារណាហ្គាវើល សុខ រិទ្ធី បាក់កដៃនាពេលប្រកួតជាមួយខេមបូឌានថាយហ្គឺរ
×![]()
ដោយ: រួបរួម
បន្ទាប់ពីខ្សែការពារស្វាយរៀង James Micheal ដែលបានបាក់ឆ្អឹងកជើងនាអំឡុងពេលប្រកួតជាមួយបឹងកេតអង្គរ ខ្សែការពារ សុខ រិទ្ធី នៃក្លិបណាហ្គាវើល បានក្លាយជាកីឡាករទីពីរដែលរងរបួសយ៉ាងធ្ងន់ធ្ងរក្នុងព្រឹត្តិការណ៍ប្រកួតក្របខណ្ឌមិត្តហ្វូនខេមបូឌានលីកឆ្នាំ២០១៥ ។ ខ្សែប្រយុទ្ធ គួច សុគម្ភៈ និងខ្សែការពារ អូម ថាវរៈ ដែលជាមិត្តរួមក្រុមបានសរសេរនៅលើហ្វេសប៊ុករបស់ខ្លួនថា រិទ្ធី បានបាក់កដៃឆ្វេងនាអំឡុងនៃការប្រកួតជាមួយខេមបូឌានថាយហ្គឺរ នៅលើទីលានបាល់ទាត់បាទី ដោយណាហ្គាបានចាញ់ថាយហ្គឺរ ២-១ ។
លោក មាស ចាន់ណា គ្រូបង្វឹកក្រុមណាហ្គាវើល មិនទាន់មានការឆ្លើយតបអ្វីឡើយចំពោះករណីគ្រោះថ្នាក់នេះ។ បើតាមការបញ្ជាក់របស់ខ្សែប្រយុទ្ធ សុខ ច័ន្ទរស្មី នៃក្លិបខេមបូឌានថាយហ្គឺរនៅលើគណនីហ្វេសប៊ុកផ្ទាល់ខ្លួននោះ រិទ្ធី បានបាក់ដៃនៅចុងម៉ោង បន្ទាប់ពីរូបគេបានដួលបោកទៅនឹងដីនៃទីលានដែលមានការរអិលខ្លាំង។ រិទ្ធី ក៏ជាសមាជិកនៃក្រុមជម្រើសជាតិកម្ពុជាផងដែរ។
នាការប្រកួតសប្តាហ៍ទី៨នៅថ្ងៃសៅរ៍នេះ ភ្នំពេញក្រោន ឡើងទៅកាន់កំពូលតារាងក្រោយឈ្នះម្ចាស់ផ្ទះវេស្ទើនភ្នំពេញ ៥-៣ ស្របពេលដែលបៀលប្រាយយូណាយធីត យកឈ្នះក្រុមបាតតារាងគិរីវង់សុខសែនជ័យ ១-០ ៕
លោក មាស ចាន់ណា គ្រូបង្វឹកក្រុមណាហ្គាវើល មិនទាន់មានការឆ្លើយតបអ្វីឡើយចំពោះករណីគ្រោះថ្នាក់នេះ។ បើតាមការបញ្ជាក់របស់ខ្សែប្រយុទ្ធ សុខ ច័ន្ទរស្មី នៃក្លិបខេមបូឌានថាយហ្គឺរនៅលើគណនីហ្វេសប៊ុកផ្ទាល់ខ្លួននោះ រិទ្ធី បានបាក់ដៃនៅចុងម៉ោង បន្ទាប់ពីរូបគេបានដួលបោកទៅនឹងដីនៃទីលានដែលមានការរអិលខ្លាំង។ រិទ្ធី ក៏ជាសមាជិកនៃក្រុមជម្រើសជាតិកម្ពុជាផងដែរ។
នាការប្រកួតសប្តាហ៍ទី៨នៅថ្ងៃសៅរ៍នេះ ភ្នំពេញក្រោន ឡើងទៅកាន់កំពូលតារាងក្រោយឈ្នះម្ចាស់ផ្ទះវេស្ទើនភ្នំពេញ ៥-៣ ស្របពេលដែលបៀលប្រាយយូណាយធីត យកឈ្នះក្រុមបាតតារាងគិរីវង់សុខសែនជ័យ ១-០ ៕
Tag:
MCL2015
© រក្សាសិទ្ធិដោយ thmeythmey.com
