ជាតិ
សង្គមជាតិ
ខេត្តសៀមរាប៖ សមាជិកសភាអាស៊ាន កំពុងជជែកពីការអភិវឌ្ឍ និងអភិរក្សវិស័យទេសចរណ៍ក្នុងតំបន់
×![]()
ដោយ: សារព័ត៌មានថ្មីៗ
ចាប់ពីថ្ងៃទី២៦ ដល់ថ្ងៃទី៣០ ខែកក្កដានេះ កម្ពុជាបានធ្វើជាម្ចាស់ផ្ទះ ក្នុងការរៀបចំកិច្ចប្រជុំក្រុមអ្នកនយោបាយអាយប៉ាលើកទី៧(The7 AIPA Caucus) នៅសណ្ឋាគារសុខាអង្គររីសត ខេត្តសៀមរាប។ «ទេសចរណ៍អាស៊ាន៖ ជំរុញការអភិរក្សធម្មជាតិនិងការអភិវឌ្ឍទេសចរណ៍ប្រកបដោយចីរភាព» គឺជាប្រធានបទនៃកិច្ចប្រជុំរយៈពេល៥ថ្ងៃនេះ។
រដ្ឋសភាកម្ពុជាបានបញ្ជាក់នៅក្នុងសេចក្តីប្រកាសព័ត៌មានរបស់ខ្លួនថា គណ:ប្រតិភូនៃប្រទេសចំនួន៩ដែលជាសមាជិកអាស៊ាន នឹងមានវត្តមាននៅក្នុងកិច្ចប្រជុំនេះ លើកលែងតែប្រទេសហ្វីលីពីន។ យ៉ាងណាក៏ដោយ រដ្ឋសភាកម្ពុជា មិនបានបញ្ជាក់ពីមូលហេតុនៃអវត្តមានរបស់ប្រទេសហ្វីលីពីននេះទេ។ ក្រៅពីប្រទេសទាំង៩ អគ្គលេខាធិការអាយប៉ា និងតំណាងរបស់អគ្គលេខាធិការដ្ឋានអាស៊ាន ក៏នឹងចូលរួមកិច្ចប្រជុំក្រុមអ្នកនយោបាយ អាយប៉ា លើកទី៧នេះ ដែរ។
កិច្ចប្រជុំក្រុមអ្នកនយោបាយអាយប៉ា(AIPA Caucus) បង្កើតឡើងក្នុងបំណងពិគ្រោះយោបល់ពីការវិវត្តនយោបាយថ្មីៗដែលកើតឡើង នៅក្នុងតំបន់និងសកលលោកក្នុងក្របខណ្ឌសភានៃប្រទេសជាសមាជិកអាស៊ាន។ កិច្ចប្រជុំក្រុមអ្នកនយោបាយអាយប៉ា លើកទី១ត្រូវបានរៀបចំឡើងជាបន្តបន្ទាប់ចាប់ពីឆ្នាំ២០០៩ ដោយចាប់ផ្តើមពីប្រទេសម៉ាឡេស៊ី បន្ទាប់មកសិង្ហបូរី ហ្វីលីពីន ថៃ វៀតណាម ប្រ៊ុយណេ និងលើកទី៧ រៀបចំធ្វើនៅកម្ពុជា៕
Tag:
Asian tourism
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
