ជាតិ
សង្គមជាតិ
កិច្ចប្រជុំអាយប៉ា(AIPA)លើកទី៧ផ្តោតសំខាន់លើការអភិវឌ្ឍវិស័យទេសចរណ៍អាស៊ាន
×![]()
សៀមរាប៖ កិច្ចប្រជុំក្រុមអ្នកនយោបាយនៃអន្តរសភាអាស៊ាន (អាយប៉ា) លើកទី៧ ដែលកម្ពុជាធ្វើជាម្ចាស់ផ្ទះនៅឆ្នាំនេះ គឺផ្តោតលើប្រធានបទ ការអភវិឌ្ឍវិស័យទេសចរណ៍អាស៊ាន។ វិស័យទេសចរណ៍ គឺជាវិស័យសំខាន់មិនត្រឹមតែប្រទេសកម្ពុជានោះទេ តែសម្រាប់ប្រទេសក្នុងតំបន់អាស៊ានទាំងមូលផង។
កម្ពុជា បានធ្វើជាម្ចាស់ផ្ទះរៀបចំកិច្ចប្រជុំអាយប៉ាលើកទី៧ នៅលើទឹកដីខេត្តសៀមរាប។ ប្រធានបទ ដែលប្រទេសកម្ពុជារៀបចំដើម្បីពិភាក្សានៅឆ្នាំនេះ ក្រោមប្រធានបទ «ទេសចរណ៍អាស៊ានៈ ជំរុញការអភិរក្សធម្មជាតិ និងការអភិវឌ្ឍទេសចរណ៍ប្រកបដោយចីរភាព»។
ប្រធានគណៈកម្មការរៀបចំ និងជាប្រធានក្រុមអាយប៉ាជាតិរបស់រដ្ឋសភាកម្ពុជា លោក ជាម យៀប បានឲ្យដឹងថា កិច្ចប្រជុំអាយប៉ាលើកទី៧នេះ មានប្រទេសជាសមាជិកចំនួន៩ ចូលរួម។ លោកបន្ថែមថា កិច្ចប្រជុំនេះពិតជាផ្តល់ឳកាសសម្រាប់ប្រតិភូទាំងអស់អាចពិភាក្សា ផ្លាស់ប្តូរបទពិសោធន៍ និងការប្រតិបត្តិប្រសើរ ដើម្បីកំណត់នូវយុទ្ធសាស្ត្រថ្មីៗ សម្រាប់លើកកម្ពស់ការអភិរក្សធម្មជាតិ និងការអភិវឌ្ឍវិស័យទេសចរណ៍ប្រកបដោយនិរន្តភាព។
ទាក់ទងនឹងវិស័យទេសចរណ៍ ប្រធានគណៈកម្មការសេដ្ឋកិច្ច និងសវនកម្មនៃរដ្ឋសភា និងជាប្រធានអាយប៉ាកម្ពុជា បានបញ្ជាក់ថា កម្ពុជាបានចាត់ទុកវិស័យនេះជាវិស័យគន្លឹះមួយយ៉ាងសំខាន់ ជំរុញដល់ការអភិវឌ្ឍសេដ្ឋកិច្ច សង្គម។ ព្រោះថា វិស័យនេះមិនត្រឹមតែរួមចំណែកកាត់បន្ថយភាពក្រីក្រដល់កម្ពុជាប៉ុណ្ណោះទេ ថែមទាំងបានលើកកម្ពស់ហេដ្ឋារចនាសម្ព័ន្ធជាតិ ដូចជាផ្លូវថ្នល់ ស្ពាន កំពង់ផែ ព្រលានយន្តហោះ។ល។
ក្នុងពិធីបើកកិច្ចប្រជុំអាយប៉ានៅព្រឹកថ្ងៃចន្ទនេះ លោក ងួន ញ៉ិល អនុប្រធានទី២រដ្ឋសភា និងជាតំណាងប្រធានរដ្ឋសភា បានលើកឡើងថា វិស័យទេសចរណ៍ ជាវិស័យនាំមុខក្នុងការអភិវឌ្ឍសេដ្ឋកិច្ចសង្គម និងជាឧស្សាហកម្មគ្មានផ្សែងដែលផ្តល់ការងារយ៉ាងច្រើនដល់សង្គមជាតិទាំងមូល។ លោក ងួន ញ៉ិល រំពឹងថា ក្នុងជំនួបនៅពេលនេះ នឹងអាចជំរុញឲ្យសមាជិកអាយប៉ាទាំងអស់ តាំងចិត្ត និងលើកកម្ពស់វិស័យទេសចរណ៍ដល់បណ្តាប្រទេសជាសមាជិកទាំងអស់។
គួររម្លឹកថា កម្ពុជាមានកំណើនភ្ញៀវទេសចរជាង៤លាននៅឆ្នាំ២០១៤ កើនឡើងជាង ៤ភាគរយធៀបនឹងឆ្នាំ២០១៣ ។ យោងតាមរបាយការណ៍ពីស្ថាប័នពាក់ព័ន្ធ វិស័យនេះបានរកការងារដោយផ្ទាល់ចំនួន ៦២ម៉ឺនការងារ តាមការប៉ាន់ស្មាន នៅឆ្នាំ២០១៥នេះ ភ្ញៀវទេសចរអាចនឹងកើនដល់ជាង៥លាននាក់ និងអាចកើនដល់ ៧.៥លាននាក់នៅឆ្នាំ២០២០ ហើយដែលអាចបង្កើតប្រាក់ចំណូលប្រមាណ ៥ពាន់លានដុល្លារ និងបង្កើតការងារប្រមាណ ៨សែនការងារ។ យ៉ាងណាមិញ នេះជាការរំពឹងទុកតែប៉ុណ្ណោះ ខណៈដែលថ្មីៗនេះ រដ្ឋមន្ត្រីក្រសួងទេសចរណ៍ ធ្លាប់បាននិយាយថា កំណើនទេសចរជាង៥លាននាក់ ដែលកម្ពុជារំពឹងទុកនោះ មិនអាចសម្រេចបាននោះទេ។ មូលហេតុត្រូវបានលោក ថោង ខុន ពន្យល់ថា ដោយសារវិបត្តិនយោបាយក្នុង និងក្រៅប្រទេស ជំងីផ្លូវដង្ហើមនៅប្រទេសកូរ៉េជាដើម៕
កម្ពុជា បានធ្វើជាម្ចាស់ផ្ទះរៀបចំកិច្ចប្រជុំអាយប៉ាលើកទី៧ នៅលើទឹកដីខេត្តសៀមរាប។ ប្រធានបទ ដែលប្រទេសកម្ពុជារៀបចំដើម្បីពិភាក្សានៅឆ្នាំនេះ ក្រោមប្រធានបទ «ទេសចរណ៍អាស៊ានៈ ជំរុញការអភិរក្សធម្មជាតិ និងការអភិវឌ្ឍទេសចរណ៍ប្រកបដោយចីរភាព»។
ប្រធានគណៈកម្មការរៀបចំ និងជាប្រធានក្រុមអាយប៉ាជាតិរបស់រដ្ឋសភាកម្ពុជា លោក ជាម យៀប បានឲ្យដឹងថា កិច្ចប្រជុំអាយប៉ាលើកទី៧នេះ មានប្រទេសជាសមាជិកចំនួន៩ ចូលរួម។ លោកបន្ថែមថា កិច្ចប្រជុំនេះពិតជាផ្តល់ឳកាសសម្រាប់ប្រតិភូទាំងអស់អាចពិភាក្សា ផ្លាស់ប្តូរបទពិសោធន៍ និងការប្រតិបត្តិប្រសើរ ដើម្បីកំណត់នូវយុទ្ធសាស្ត្រថ្មីៗ សម្រាប់លើកកម្ពស់ការអភិរក្សធម្មជាតិ និងការអភិវឌ្ឍវិស័យទេសចរណ៍ប្រកបដោយនិរន្តភាព។
ទាក់ទងនឹងវិស័យទេសចរណ៍ ប្រធានគណៈកម្មការសេដ្ឋកិច្ច និងសវនកម្មនៃរដ្ឋសភា និងជាប្រធានអាយប៉ាកម្ពុជា បានបញ្ជាក់ថា កម្ពុជាបានចាត់ទុកវិស័យនេះជាវិស័យគន្លឹះមួយយ៉ាងសំខាន់ ជំរុញដល់ការអភិវឌ្ឍសេដ្ឋកិច្ច សង្គម។ ព្រោះថា វិស័យនេះមិនត្រឹមតែរួមចំណែកកាត់បន្ថយភាពក្រីក្រដល់កម្ពុជាប៉ុណ្ណោះទេ ថែមទាំងបានលើកកម្ពស់ហេដ្ឋារចនាសម្ព័ន្ធជាតិ ដូចជាផ្លូវថ្នល់ ស្ពាន កំពង់ផែ ព្រលានយន្តហោះ។ល។
ក្នុងពិធីបើកកិច្ចប្រជុំអាយប៉ានៅព្រឹកថ្ងៃចន្ទនេះ លោក ងួន ញ៉ិល អនុប្រធានទី២រដ្ឋសភា និងជាតំណាងប្រធានរដ្ឋសភា បានលើកឡើងថា វិស័យទេសចរណ៍ ជាវិស័យនាំមុខក្នុងការអភិវឌ្ឍសេដ្ឋកិច្ចសង្គម និងជាឧស្សាហកម្មគ្មានផ្សែងដែលផ្តល់ការងារយ៉ាងច្រើនដល់សង្គមជាតិទាំងមូល។ លោក ងួន ញ៉ិល រំពឹងថា ក្នុងជំនួបនៅពេលនេះ នឹងអាចជំរុញឲ្យសមាជិកអាយប៉ាទាំងអស់ តាំងចិត្ត និងលើកកម្ពស់វិស័យទេសចរណ៍ដល់បណ្តាប្រទេសជាសមាជិកទាំងអស់។
គួររម្លឹកថា កម្ពុជាមានកំណើនភ្ញៀវទេសចរជាង៤លាននៅឆ្នាំ២០១៤ កើនឡើងជាង ៤ភាគរយធៀបនឹងឆ្នាំ២០១៣ ។ យោងតាមរបាយការណ៍ពីស្ថាប័នពាក់ព័ន្ធ វិស័យនេះបានរកការងារដោយផ្ទាល់ចំនួន ៦២ម៉ឺនការងារ តាមការប៉ាន់ស្មាន នៅឆ្នាំ២០១៥នេះ ភ្ញៀវទេសចរអាចនឹងកើនដល់ជាង៥លាននាក់ និងអាចកើនដល់ ៧.៥លាននាក់នៅឆ្នាំ២០២០ ហើយដែលអាចបង្កើតប្រាក់ចំណូលប្រមាណ ៥ពាន់លានដុល្លារ និងបង្កើតការងារប្រមាណ ៨សែនការងារ។ យ៉ាងណាមិញ នេះជាការរំពឹងទុកតែប៉ុណ្ណោះ ខណៈដែលថ្មីៗនេះ រដ្ឋមន្ត្រីក្រសួងទេសចរណ៍ ធ្លាប់បាននិយាយថា កំណើនទេសចរជាង៥លាននាក់ ដែលកម្ពុជារំពឹងទុកនោះ មិនអាចសម្រេចបាននោះទេ។ មូលហេតុត្រូវបានលោក ថោង ខុន ពន្យល់ថា ដោយសារវិបត្តិនយោបាយក្នុង និងក្រៅប្រទេស ជំងីផ្លូវដង្ហើមនៅប្រទេសកូរ៉េជាដើម៕
© រក្សាសិទ្ធិដោយ thmeythmey.com
