ជាតិ
សង្គមជាតិ
×![]()
ដោយ: ខន ចំប៉ា
អ្នកស្រីAngelina Jolie Pitt បានជួបជាមួយលោក រិទ្ធី ប៉ាន់សមិទ្ធិករភាពយន្តដ៏ល្បីល្បាញនៅកម្ពុជា នៅមជ្ឈមណ្ឌលបុប្ផាណានៅថ្ងៃទី ២៨ខែកក្កដានេះ។ នៅក្នុងជំនួបជាមួយលោក រិទ្ធី ប៉ាន់តារាសម្តែងដ៏ល្បីរបស់ហូលីវូដ អ្នកស្រីAngelina Jolie បានថ្លែងថា៖«ខ្ញុំមានមោទនភាពដែលបាននាំយករឿង«ពីដំបូងខ្មែរក្រហមសម្លាប់ប៉ារបស់ខ្ញុំ»នេះមកបង្ហាញជាខ្សែភាពយន្ត»។
Angelina Jolie Pitt បន្តថា៖« គោលបំណងនៃគម្រោងភាពយន្តនេះ គឺមិនមែនរម្លឹកដល់ការភ័យខ្លាច រន្ធត់នៃសង្គ្រាមនោះទេប៉ុន្តែដើម្បីនាំយកតួអង្គជាច្រើនមកបង្ហាញជូនទស្សនិកជនជុំវិញពិភពលោក នូវរឿងប្រវត្តិសាស្ត្ររបស់ខ្លួន ដើម្បីប្រាប់ទៅមនុស្សទាំងឡាយឲ្យស្គាល់កម្ពុជា ដែលខ្ញុំស្រឡាញ់និងគោរព ហើយក៏បង្ហាញពីវប្បធម៌និងជីវភាពរបស់ប្រជាពលរដ្ឋខ្មែរដែលខ្ញុំតែងតែកោតសរសើរ»។បើតាម Angelina Jolie Pitt ខ្សែភាពយន្តនេះ នឹងចាប់ផ្តើមថតពីខែវិច្ឆិកាឆ្នាំ២០១៥នេះរហូតដល់ខែមករា ឆ្នាំ២០១៦ ។
ការស្វែងរកទីតាំងថត និងជ្រើសរើសតួសម្តែងគឺចាប់ផ្តើមពីខែក្កដានេះទៅ ដោយចំណាយពេលពីរទៅបីខែហើយអ្វីដែលសំខាន់គឺត្រូវស្រាវជ្រាវរាល់ព្រឹត្តិការណ៍ទាំងអស់ដើម្បីឲ្យប្រាកដថាវាត្រឹមត្រូវតាមប្រវត្តិសាស្ត្រដែលវាមិនត្រឹមតែគោរពដល់អ្នកស្រី លឿង អ៊ឹងប៉ុណ្ណោះទេគឺថែមទាំងគោរពដល់អ្នកដែលរងការឈឺចាប់ក្នុងសម័យខ្មែរក្រហម។ខ្សែភាពយន្តនេះ ផលិតឡើងជាមួយប្រជាជនកម្ពុជា ដើម្បីប្រជាជនកម្ពុជានិងនិយាយជាភាសាខ្មែរ។ នេះជាបញ្ជាក់របស់តារាហូលីវូដរូបនេះ។
ការផលិតខ្សែភាពយន្ត«ពីដំបូង ខ្មែរក្រហមសម្លាប់ប៉ារបស់ខ្ញុំ»នេះគឺផ្អែកលើការចងចាំដ៏ក្តុកក្តួលរបស់អ្នកនិពន្ធ លឿង អ៊ឹងដែលកាលណោះគាត់មានអាយុ៥-៨ឆ្នាំ។ ខ្សែភាពយន្តនេះត្រូវថតចេញពីការចងចាំរបស់ក្មេងស្រីរូបនេះដែលវាជាការមើលឃើញរបស់កុមារម្នាក់នៅក្នុងសង្គ្រាម ការយល់និងទស្សនៈរបស់កុមារនោះអំពីសង្គ្រាម។ ភាពយន្តនេះ មិនត្រឹមតែបង្ហាញពីរឿងរ៉ាវរបស់កុមារីម្នាក់ប៉ុណ្ណោះទេ បទពិសោធន៍របស់អ្នកដទៃទៀត ក៏នឹងដាក់បញ្ចូលទៅក្នុងខ្សែរភាពនេះដែរ វាក៏មិនត្រឹមតែបង្ហាញពីការចងចាំរបស់ក្មេងស្រីម្នាក់ទេ តែជាការចង់ចាំរបស់ប្រជាជនខ្មែរទាំងអស់៕
Angelina Jolie Pitt បន្តថា៖« គោលបំណងនៃគម្រោងភាពយន្តនេះ គឺមិនមែនរម្លឹកដល់ការភ័យខ្លាច រន្ធត់នៃសង្គ្រាមនោះទេប៉ុន្តែដើម្បីនាំយកតួអង្គជាច្រើនមកបង្ហាញជូនទស្សនិកជនជុំវិញពិភពលោក នូវរឿងប្រវត្តិសាស្ត្ររបស់ខ្លួន ដើម្បីប្រាប់ទៅមនុស្សទាំងឡាយឲ្យស្គាល់កម្ពុជា ដែលខ្ញុំស្រឡាញ់និងគោរព ហើយក៏បង្ហាញពីវប្បធម៌និងជីវភាពរបស់ប្រជាពលរដ្ឋខ្មែរដែលខ្ញុំតែងតែកោតសរសើរ»។បើតាម Angelina Jolie Pitt ខ្សែភាពយន្តនេះ នឹងចាប់ផ្តើមថតពីខែវិច្ឆិកាឆ្នាំ២០១៥នេះរហូតដល់ខែមករា ឆ្នាំ២០១៦ ។ ការស្វែងរកទីតាំងថត និងជ្រើសរើសតួសម្តែងគឺចាប់ផ្តើមពីខែក្កដានេះទៅ ដោយចំណាយពេលពីរទៅបីខែហើយអ្វីដែលសំខាន់គឺត្រូវស្រាវជ្រាវរាល់ព្រឹត្តិការណ៍ទាំងអស់ដើម្បីឲ្យប្រាកដថាវាត្រឹមត្រូវតាមប្រវត្តិសាស្ត្រដែលវាមិនត្រឹមតែគោរពដល់អ្នកស្រី លឿង អ៊ឹងប៉ុណ្ណោះទេគឺថែមទាំងគោរពដល់អ្នកដែលរងការឈឺចាប់ក្នុងសម័យខ្មែរក្រហម។ខ្សែភាពយន្តនេះ ផលិតឡើងជាមួយប្រជាជនកម្ពុជា ដើម្បីប្រជាជនកម្ពុជានិងនិយាយជាភាសាខ្មែរ។ នេះជាបញ្ជាក់របស់តារាហូលីវូដរូបនេះ។
ការផលិតខ្សែភាពយន្ត«ពីដំបូង ខ្មែរក្រហមសម្លាប់ប៉ារបស់ខ្ញុំ»នេះគឺផ្អែកលើការចងចាំដ៏ក្តុកក្តួលរបស់អ្នកនិពន្ធ លឿង អ៊ឹងដែលកាលណោះគាត់មានអាយុ៥-៨ឆ្នាំ។ ខ្សែភាពយន្តនេះត្រូវថតចេញពីការចងចាំរបស់ក្មេងស្រីរូបនេះដែលវាជាការមើលឃើញរបស់កុមារម្នាក់នៅក្នុងសង្គ្រាម ការយល់និងទស្សនៈរបស់កុមារនោះអំពីសង្គ្រាម។ ភាពយន្តនេះ មិនត្រឹមតែបង្ហាញពីរឿងរ៉ាវរបស់កុមារីម្នាក់ប៉ុណ្ណោះទេ បទពិសោធន៍របស់អ្នកដទៃទៀត ក៏នឹងដាក់បញ្ចូលទៅក្នុងខ្សែរភាពនេះដែរ វាក៏មិនត្រឹមតែបង្ហាញពីការចងចាំរបស់ក្មេងស្រីម្នាក់ទេ តែជាការចង់ចាំរបស់ប្រជាជនខ្មែរទាំងអស់៕
Tag:
Angelina Jolie
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
