ជាតិ
សង្គមជាតិ
បន្តឃាត់ខ្លួនកម្មករវៀតណាមខុសច្បាប់ចំនួន ៥១ នាក់ក្នុងខណ្ឌសែនសុខ
×
ភ្នំពេញ៖ នៅម៉ោងប្រមាណ ៥ព្រឹកថ្ងៃទី២៩ខែកក្កដានេះ នគរបាលនៃនាយកដ្ឋានស៊ើបអង្កេត និងអនុវត្តនីតិវិធី សហការជាមួយកម្លាំងស្នងការដ្ឋាននគរបាលធាជធានីភ្នំពេញ ចុះទៅត្រួតពិនិត្យនិងឃាត់ខ្លួនកម្មករវៀតណាមលួចស្នាក់នៅខុសច្បាប់ចំនួន ៥១ នាក់ ស្រី ១៥ នាក់ បញ្ជូនមកអគ្គនាយកដ្ឋានអន្តោប្រវេសន៍ ដើម្បីអនុវត្តតាមនីតិវិធីច្បាប់។ កម្មកវៀតណាមទាំងនោះ កំពុងធ្វើការ នៅបុរីអង្គភ្នំពេញ ស្ថិតក្នុងសង្កាត់ឃ្មួញ ខណ្ឌសែនសុខ។
ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ លោក អ៊ុក ហៃសិលា បាននិយាយថា សមត្ថកិច្ចបានរកឃើញជនជាតិវៀតណាមខុសច្បាប់ចំនួន ៥១នាក់ ក្នុងនោះមានស្រី ១៥នាក់។ លោកបន្តថា ពួកគេនឹងត្រូវបញ្ជូនខ្លួនទៅកាន់អគ្គនាយកដ្ឋានអន្តោប្រវេសន៍ ដើម្បីណែនាំផ្លូវច្បាប់ មុននឹងបណ្តេញចេញពីប្រទេសកម្ពុជា។
គួររម្លឹកថា នៅថ្ងៃទី២៨ ខែកក្កដាម្សិលមិញនេះ ប៉ូលីសអន្តោប្រវេសន៍ បានឃាត់ខ្លួនកម្មករវៀតណាមខុសច្បាប់ ៤នាក់ នៅសប្បិកម្មកែច្នៃឈើមួយកន្លែង ក្នុងសង្កាត់ទន្លេបាសាក់ ខណ្ឌចំការមនដែរ។ បើតាម លោក អ៊ុក ហៃសិឡា រយៈពេលជាង ៧ខែ ក្នុងឆ្នាំ២០១៥នេះ ជនអន្តោប្រវេសន៍វៀតណាមខុសច្បាប់ជិត ៣ពាន់នាក់ហើយ ត្រូវ បានបណ្តេញចេញពីប្រទសកម្ពុជា៕
© រក្សាសិទ្ធិដោយ thmeythmey.com