ពីនេះ ពីនោះ
សុខភាព៖ តើពេលណា ដែលនារី មិនសាកសមផឹកតែ?
× មាននារីមួយចំនួន តែងតែមានទម្លាប់ផឹកតែ ក្រោយពេលដែលពិសារអាហារ ជាពិសេស តែទឹកកក។ ដូចនេះ អ្នកគួរតែប្រយ័ត្ន កុំផឹក បើអ្នកស្ថិតក្នុងដំណាក់កាល ខាងក្រោមនេះ។ តើមានអ្វីខ្លះទៅ?
1. នៅពេលដែលអ្នកមករដូវ អ្នកមិនត្រូវផឹកតែទេ ព្រោះវាអាចបំផ្លាញជាតិដែក ដែលមានក្នុងសារពាង្គកាយអ្នកយ៉ាងងាយ ដោយសារតែវា មានជាតិជូរម្យ៉ាង ដែលអាចបង្អាក់រាងកាយអ្នក ឲ្យស្រូបយកជាតិដែកយឺត។ ដូចនេះ អ្នកគួរតែបញ្ឈប់ការផឹកតែ ក្រោយពេលដែលបរិភោគបាយឆ្អែត ហើយអ្នកគួរតែបរិភោគ បន្លែឲ្យបានច្រើន ទើបល្អ ចំពោះសុខភាពអ្នក។
2. អ្នកមិនត្រូវផឹកតែ នៅពេលមានផ្ទៃពោះឡើយ ព្រោះវាមានជាតិកាហ្វេអ៊ីនខ្ពស់ ជាហេតុអាចធ្វើឲ្យ បេះដូងស្ត្រីមានផ្ទៃពោះលោតញាប់ នោមច្រើន ដែលអាចប៉ះពាល់ដល់សុខភាពរបស់បេះដូង និងក្រលៀនខ្លាំងណាស់។ ហើយថែមទាំងប៉ះពាល់ ដល់កូនទៀតផង ដូចនេះ បើអ្នកមិនចង់យកសុខភាពកូន និងអ្នកមកលេងសើច អ្នកគួរតែឈប់ផឹក នៅពេលមានផ្ទៃពោះ។
3. អ្នកមិនត្រូវផឹក នៅពេលដែលអ្នកជិតដល់ ខែសម្រាលកូនទេ ព្រោះវាអាចធ្វើឲ្យអ្នក គេងមិនលក់ ជាហេតុដែលធ្វើឲ្យអ្នកអស់កម្លាំង នៅពេលដែលសម្រាលកូន នោះអ្នកអ្នកអាចប្រឈមមុខ នឹងបញ្ហាពិបាកកើតទៀតផង។
4. នៅដំណាក់កាលបំបៅដោះកូន អ្នកក៏មិនអាចផឹកបានដែរ ព្រោះតែនេះ អាចបង្អាក់ដំណើរការនៃទឹកដោះ ជាហេតុដែលអាច ធ្វើឲ្យអ្នកខ្វះទឹកដោះ ក្នុងការបំបៅកូនបាន។
5. នៅពេលដែលអ្នក ដល់អាយុអស់រដូវ មានន័យថា គ្មានរដូវមកទៀតទេ អ្នកក៏មិនអាចផឹកដែរ ព្រោះអាចធ្វើឲ្យបេះដូងអ្នកលោតញាប់ អារម្មណ៍ឆាប់មួរម៉ៅ ឆេវឆាវ គេងមិនលក់ជាដើម។ ជាងនេះទៅទៀត វាអាចធ្វើឲ្យអ្នកវិលមុខ និងអស់កម្លាំងក្នុងខ្លួនទៀតផង ដូចនេះ អ្នកគួរតែចៀសវាងកុំផឹកឲ្យសោះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com