ពីនេះ ពីនោះ
តើពាក្យ «តំណាល, ដំណាល» ប្រើខុសគ្នាដូម្តេច?
× មានមនុស្សជាច្រើនសរសេរនិងប្រើពាក្យ«តំណាល»និង«ដំណាល» ដោយមិនដឹងថាពាក្យមួយណាប្រើក្នុងន័យណាមួយឡើយ។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីភាពខុសគ្នាយ៉ាងដូច្នេះថា៖
ទី១/ ពាក្យ«តំណាល» ជាកិរិយាសព្ទ មានន័យថា និយាយបូរបាច់, ប្រាប់, ពោល, ពណ៌នា, ដែលកន្លងហួសទៅ, យូរហើយ។ ល។ ឧទាហរណ៍៖ ខ្ញុំចេះរឿងនេះដោយសារចាស់ៗតំណាលប្រាប់។
ទី២/ ពាក្យ«ដំណាល» ជាគុណនាម មានន័យថា ដែលស្មើអាយុគ្នា, ស្មើឆ្នាំគ្នា, ស្មើកាលគ្នា។ ឧទាហរណ៍៖ អ្នកនឹងខ្ញុំកើតឆ្នាំដំណាលគ្នា, ចេញទៅក្នុងពេលដំណាលគ្នា, ជាមួយគ្នា, ទៅដំណាលគ្នា។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com