សិល្បៈអន្តរជាតិ
អន្តរជាតិ
×![]()
ដោយ: ធីតា
ចំណាត់ថ្នាក់នៃស្រីស្អាតទាំង ១០ ខាងក្រោមនេះធ្វើឡើងដោយយោងទៅតាមភាពរឹងមាំ ភាពវៃឆ្លាត ប្រជាប្រិយភាព ភាពទាក់ទាញ សម្រស់ និងភាពជោគជ័យរបស់ស្ត្រីទាំងនេះនៅក្នុងឆ្នាំ ២០១៥ ។ ស្ត្រីទាំងនេះត្រូវបានជ្រើសរើសជាស្ត្រីដែលមានភាពស៊ិចស៊ីបំផុតប្រចាំនេះ និងស្រស់ស្អាតបំផុតក្នុងពិភពលោក។
1. Shailen Woodley
តារាវ័យក្មេង Hollywood នេះបានជាប់ចំណាត់ថ្នាក់ជាស្រីស្អាតផ្តាច់គេប្រចាំឆ្នាំ ២០១៥ ដោយនាងទទួលបានជោគជ័យយ៉ាងខ្លាំងនៅក្នុងភាពយន្ត The Descendants ផលិតឆ្នាំ ២០១១ ។
2. Jennifer Lopez
នាងជាតារាភាពយន្ត អ្នកនិពន្ធ អ្នកច្នៃម៉ូដ ផលិតករ និងជាអ្នកចម្រៀងផងដែរ។ នាងត្រូវបណ្តាញព័ត៌មាននានាជុំវិញពិភពលោកចាប់អារម្មណ៍យ៉ាងខ្លាំង។ នាងបានរៀបអាពាហ៍ពិពាហ៍បីដងរួចមកហើយ។
3. Deepika Padukone
នាងជាតារាភាពយន្ត Bollywood មួយរូបដែលមានតម្លៃខ្លួនខ្ពស់ជាងគេ។ នាងត្រូវបានចាត់ទុកថាជាតារាដ៏ស៊ិចស៊ី និងគួរឲ្យទាក់ទាញបំផុតនៅឥណ្ឌា ដោយសារកម្ពស់ រូបរាងស្រឡូន ស្នាមញញឹម ភ្នែក និងទម្រង់មុខដ៏ស្រស់ស្អាត។
4. Candice Swanepoel
ស្ត្រីជនជាតិអាហ្វ្រិកខាងត្បូងនេះបានជាប់ចំណាត់ថ្នាក់លេខ ១០ ដែលធ្វើឡើងដោយទស្សនាវដ្តី Forbes កាលពីឆ្នាំមុន ក្នុងចំណោមអ្នកបង្ហាញម៉ូដដែលមានតម្លៃខ្លួនខ្ពស់ជាងគេ។
5. Emma Watson
នាងជាតួអង្គនៅក្នុងភាពយន្តរឿង Harry Potter ។ មានដើមកំណើតជាជនជាតិអង់គ្លេស នាងជាតារាភាពយន្ត និងជាអ្នកបង្ហាញម៉ូដផងដែរ។ នាងបានជាប់ចំណាត់ថ្នាក់លេខ ២៦ នៅលើបញ្ជីចំណាត់ថ្នាក់របស់គេហទំព័រ TIME អំពីបុគ្គលទាំង ១០០ នាក់ដែលមានឥទ្ធិពលបំផុតក្នុងពិភពលោក។
6. Gal Gadot
ជាអតីតបវរកញ្ញាអ៊ីស្រាអ៊ែល នាងជាអ្នកបង្ហាញម៉ូដដ៏សំខាន់របស់ក្រុមហ៊ុនសម្លៀកបំពាក់ Castro ។
7. Taylor Swift
ជាអ្នកចម្រៀង និងជានិពន្ធបទភ្លេង ស្ត្រីជនជាតិអាមេរិកាំងនេះបានទទួលពានរង្វាន់ជាច្រើននៅក្នុងអាជីពរបស់ខ្លួន។ អាល់ប៊ុមចម្រៀងរបស់នាងបានទទួលការគាំទ្រយ៉ាងខ្លាំង ដោយនៅដើមឆ្នាំ ២០១៥ បានលក់អស់ជាង ៤០ លានអាល់ប៊ុម។
8. Kate Upton
នាងជាអ្នកបង្ហាញម៉ូដដ៏ល្បីល្បាញ និងជាប់ក្នុងចំណាត់ថ្នាក់ជាស្ត្រីដ៏ស៊ិចស៊ីបំផុតដែលធ្វើឡើងដោយទស្សនាវដ្តី People ។
9. Priyanka Chopra
នាងជាអតីតបវរកញ្ញាពិភពលោក។ បច្ចុប្បន្ន នាងជាតារាភាពយន្តឥណ្ឌា និងជាអ្នកចម្រៀង។ នាងក៏ជាតារាមួយរូបរបស់ Bollywood ដែលមានតម្លៃខ្លួនខ្ពស់ជាងគេផងដែរ និងមានប្រជាប្រិយភាពយ៉ាងខ្លាំងនៅឥណ្ឌា។ នាងបានទទួលពានរង្វាន់ជាច្រើននៅក្នុងការសម្តែងភាពយន្ត។
10. Shakira
ស្ត្រីជនជាតិកូឡូមប៊ីរូបនេះគឺជាអ្នកចម្រៀង អ្នកនិពន្ធបទភ្លេង និងជាអ្នកបង្ហាញម៉ូដ។ នាងបានជាប់ក្នុងចំណាត់ថ្នាក់ជាស្ត្រីដ៏មានអំណាចបំផុតក្នុងពិភពលោករបស់ទស្សនាវដ្ដី Forbes ។ កាលពីឆ្នាំ ២០១៤ នាងគឺជាមនុស្សដំបូងបំផុតដែលមានអ្នកគាំទ្រនៅលើ Facebook ជាង ១០០ លាននាក់។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
