ពីនេះ ពីនោះ
×![]()
ដោយ: ថ្មីៗ
ផលិតផល និងសេវាកម្ម គឺជាទំនិញដែលត្រូវបង្កើតឡើងដើម្បីបំពេញតម្រូវការ ការចង់បាន នឹងដើម្បីដោះស្រាយបញ្ហារបស់មនុស្ស។ បើនិយាយដល់ 5W និង H យើងធ្លាប់តែលឺក្នុងវិស័យសារពត៌មានតែប៉ុណ្ណោះ ព្រោះវាជាមូលដ្ឋានគ្រឹះនៃការសរសេរដំណឹង ឬពត៌មាន។ ហេតុអ្វីបានជាគេថាការបង្កើតផលិតផល ឬសេវាកម្មត្រូវពឹងផ្អែកលើ 5W និង H?
១. តើផលិតផល ឬសេវាកម្មអ្វី? ( What )៖ យើងត្រូវផលិត ផលិតផល ឬសេវាកម្មអ្វី? សម្រាប់អាជីវកម្មរបស់យើង ឲ្យវាសាកសមទៅនឹង តំបន់ ប្រទេសដែលយើងបម្រុងនឹងបើកអាជីវកម្ម។
២. តើកន្លែងណា? ( Where ) ៖ តើយើងត្រូវរកវត្ថុធាតុដើមមកពីណា? កន្លែងណា? បើយើងផលិតរួច តើយើងយកទៅលក់នៅកន្លែងណា?
៣. ពេលណា? ( When ) ៖ តើយើងត្រូវផលិតនៅពេលណា? តើពេលណា ខែណា ឆ្នាំណា ដែលសម្បូរវត្ថុធាតុដើម? តើខែណាក្សត់វត្ថុធាតុដើម? ហើយ តើខែណា ឆ្នាំណា មានតម្រូវការតិច ឬច្រើន?
៤. ហេតុអ្វី? ( Why ) ៖ វាជាគោលបំណងក្នុងការបង្កើតផលិតផលរបស់យើង ហេតុអ្វីបានជាយើងផលិត ផលិតផល ឬសេវាកម្មនេះ? តើវាមានសារៈសំខាន់ចំពោះអតិថិជន ចំពោះសង្គម និងមនុស្សទូទៅដែរឬទេ? តើមូលហេតុអ្វីបានជាអតិថិជនត្រូវប្រើផលិតផល ឬសេវាកម្មរបស់យើង?
៥. នរណា? ( Who ) ៖ តើនរណាជាអតិថិជនរបស់យើង? តើយើងរកមនុស្សមកពីណាក្នុងការផលិត សេវាកម្ម និងផលិតផលឲ្យអ្នក? តើមនុស្សទាំងអស់នោះអាចបង្កើតផលិតផល ឬសេវារបស់អ្នកបានល្អយ៉ាងណា?
៦. យ៉ាងម៉េច? ( How ) ៖ តើយើងត្រូវបង្កើតផលិតផល ឬសេវាកម្មយ៉ាងដូចម្តេច? តើអ្នកត្រូវរក្សាទុកផលិតយ៉ាងណា? តើអ្នកនឹងដឹកជញ្ជូនទំនិញរបស់អ្នកទៅលើទីផ្សារដោយរបៀបណា? តើយើងត្រូវលក់ផលិតផលរបស់យើងដោយរបៀបណា?
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
