ពីនេះ ពីនោះ
×![]()
ដោយ: ថ្មីៗ
ភិនភាគ៖ កំពីងដូងអុជ គឺជាប្រភេទសំពោចដែលមានមាឌតូចជាងគេ នៅលើដងខ្លួនរបស់វាមានចំនុចខ្មៅៗជាច្រើនលាយចំរុះគ្នាជាមួយចំនុចពណ៌សម្រាល ហើយនៅលើកន្ទុយមានបង្កង់ពណ៌សខ្មៅចំនួន។ 
ជីវសាស្ត្រ៖ ប្រភេទនេះត្រូវបានគេប្រទះឃើញនៅតាមព្រៃតំបន់ភ្នំ និងខ្ពង់រាបដែលមានរយៈកម្ពស់យ៉ាងហោចណាស់ ២០០០ម។ វាភាគច្រើនចូលចិត្តរស់នៅលើដើមឈើ និងរស់នៅតាមប្រហោងឈើ ហើយស៊ីសត្វស្លាបតូចៗជាអាហារ។ បើតាមសំដីរបស់លោក Hodon ឲ្យដឹងថារយៈពេលបន្តពូជរបស់វាគឺនៅខែកុម្ភៈរហូតដល់ខែសីហា និងកើតកូនម្តងបានចំនួនពីរក្បាល។ សំពោចប្រភេទនេះ គេមិននិយមយកមកចិញ្ចឹម ហើយវដ្តជីវិតក៏មិនទាន់បានគេកត់ត្រានៅឡើយដែរ។
រប៉ាយរស់នៅ៖ ប្រភេទនេះគឺជាប្រភេទមានដោយកម្រ ប៉ុន្តែមានការកត់ត្រាបានបង្ហាញឲ្យឃើញថាប្រភេទនេះមានវត្តមាននៅឧទ្យានជាតិគីរីរម្យនៅក្នុងប្រទេសកម្ពុជា និងប្រហែលជាមានវត្តមាននៅទីកន្លែងផ្សេងៗទៀតនៅតាមព្រៃស្រោងតំបន់ភ្នំ។
ស្ថានភាពអភិរក្ស៖ ប្រភេទនេះស្ថិតនៅឧបសម្ព័ន្ធទី I នៃអនុសញ្ញា CITES ស្ថិតក្នុងក្រុមប្រភេទមានដោយក្រុម។ កំពីងដូងអុជ កំពុងរងគ្រោះដោយសារ បាត់បង់ទីជម្រក ការបរបាញ់ និងការទាក់ចាប់ ដើម្បីធ្វើពាណិជ្ជកម្ម។
© រក្សាសិទ្ធិដោយ thmeythmey.com
