ពីនេះ ពីនោះ
រូបមន្តនៃភាពជោគជ័យរបស់អ្នកជំនួញ
×
១. ជួបមនុស្សឲ្យបានច្រើន ៖ ធ្វើជាអ្នកជំនួញកុំអង្គុយនៅតែក្នុងការិយាល័យ ត្រូវដើរចេញក្រៅជួបមនុស្សម្នាឲ្យបានច្រើន។ ណែនាំខ្លួនទៅកាន់ពួកគេ ហើយក៏ត្រូវសួរនាំពួកគេវិញធ្វើយ៉ាងណាឲ្យអ្នក និងអតិថិជនបានស្គាល់គ្នា។ ក្រោយពីស្គាល់អតិថិជនហើយពង្រីកការស្គាល់ របស់អ្នកទៅដល់សាច់ញាតិមិត្តភក្តិ និងបណ្តាញរបស់ពួកគេទៀត។ ហើយធ្វើដូចនេះរហូតដល់ ភូមិ ឃុំ ស្រុក ខេត្ត តំបន់ និងប្រទេស។
២. ជជែកជាមួយមនុស្សឲ្យបានច្រើន ៖ អ្នកត្រូវនិយាយជាមួយមនុស្សឲ្យបានច្រើន ហើយធ្វើយ៉ាងណាឲ្យពួកគេនិយាយមករកយើងវិញ ព្រោះការជជែក អាចនាំមកនូវចំណេះដឹង ការស្គាល់ចិត្តគ្នា និងអត្តចរិតរបស់អតិថិជន។ កាលណាអ្នកស្គាល់អតិថិជនបានច្រើន អ្នកអាចពង្រីកអាណាចក្រជំនួញ ឬអាណាចក្រអាជីវកម្មរបស់អ្នក។ កាលណាមនុស្សស្ថិតនៅក្នុងដៃរបស់អ្នក ទីផ្សារ និងភាពជោគជ័យក៏ស្ថិតនៅក្នុងក្រញាំដៃ ហើយដៃគូប្រកួតប្រជែងរបស់អ្នកស្ថិតនៅក្នុងចង្គោមរបស់អ្នក។
៣. ចែករំលែកទៅកាន់មនុស្សឲ្យបានច្រើន ៖ ត្រូវចែករំលែកពត៌មានផ្ទាល់ខ្លួនឲ្យបានច្រើន តាមតែអាចធ្វើទៅបាន ដើម្បីឲ្យអតិថិជនស្គាល់អ្នកកាន់តែច្បាស់ ហើយវាអាចធ្វើឲ្យអតិថិជនមានការទុកចិត្ត។ មិនត្រឹមតែប៉ុណ្ណោះ យើងត្រូវចែករំលែកពត៌មានពីក្រុមរបស់អ្នក ដើម្បីឲ្យអតិថិជនទទួលស្គាល់ អំពីអំណាចទីផ្សារ សក្តានុពល ឥទ្ធិពលនៃក្រុមហ៊ុនរបស់អ្នក។ ហើយក៏ត្រូវចែករំលែកពីពត៌មានក្រុមហ៊ុន ផលិតផល ដល់ដៃគូរអាជីវកម្ម ក្រុមការងារ និងអតិថិជនជាឲ្យបានច្រើនជាប្រចាំផងដែរ។
© រក្សាសិទ្ធិដោយ thmeythmey.com