ពីនេះ ពីនោះ
ការបោកខោអាវ ក៏មានវិធីសាស្ត្រដែរ
×
យើងខ្ញុំជឿជាក់ថា អ្នកតែងតែបោកខោអាវជារៀងរាល់ថ្ងៃ ប៉ុន្តែ វិធីនៃការបោករបស់អ្នក ត្រឹមត្រូវឬនៅ? បើអ្នកបោកមិនត្រឹមត្រូវ វាមិនត្រឹមតែបំផ្លាញខោអាវអ្នក ថែមទាំងអាចបំផ្លាញ សុខភាពអ្នកទៀតផង។ តើមានវិធីអ្វីខ្លះ ដែលត្រឹមត្រូវនោះ?
1. នៅពេលដែលអ្នកបោក អ្នកត្រូវតែបែងចែកទៅតាមពណ៌ និងប្រភេទសាច់ក្រណាត់របស់អាវ ហើយម្យ៉ាងទៀត អ្នកមិនត្រូវយកស្រោមជើង ទៅបោកជាមួយខោអាវក្នុងរបស់អ្នកទេ ព្រោះវាអាចធ្វើឲ្យអ្នក ឆ្លងជំងឺផ្សេងៗបាន។
2. អ្នកមិនត្រូវយកទឹកដែលក្តៅ ទៅបោកខោអាវទេ ព្រោះវាអាចធ្វើឲ្យខោអាវអ្នកខូចបាន ដូចនេះ មុននឹងអ្នកបោក អ្នកត្រូវតែមើលស្លាកលើខោអាវជាមុនសិន។
3. អ្នកត្រូវតែដាក់សាប៊ូក្នុងទឹកសិន ទើបដាក់ខោអាវចូលទៅបោក ព្រោះបើអ្នកដាក់ខោអាវមុន នោះសាប៊ូអាចជាប់លើខោអាវអ្នកបាន ធ្វើឲ្យពិបាកបោក បើអ្នកប្រើម៉ាស៊ីនបោកវិញ អ្នកត្រូវតែរំលាយសាប៊ូសិន ទើបចាក់វាចូលម៉ាស៊ីនបោក។
4. អ្នកមិនត្រូវដាក់ខោអាវច្រើនពេកចូលទៅបោកទេ ព្រោះវាមិនអាចបោកខោអាវអ្នកស្អាតឡើយ ម្យ៉ាងទៀត វាអាចធ្វើឲ្យម៉ាស៊ីនអ្នក ឆាប់ខូចទៀតផង ហើយបើខោអាវបោកមិនស្អាត អ្នកនឹងអាចកើតជំងឺផ្សេងៗបាន ក្រោយពេលដែលអ្នកពាក់។
5. នៅពេលដែលខោអាវអ្នកប្រឡាក់ភ្លាម អ្នកត្រូវតែបោកភ្លាម ដោយអ្នកត្រូវយកសាប៊ូ ទៅដាក់នៅកន្លែងប្រឡាក់ បន្ទាប់មក យកវាទៅត្រាំក្នុងទឹក នោះវានឹងងាយស្រួលបោក ប៉ុន្តែ បើអ្នកនៅក្រៅ មិនអាចយកវាមកត្រាំភ្លាម អ្នកអាចយកក្រដាស ឬក្រណាត់ជូតស្នាមប្រឡាក់ បន្ទាប់មក យកក្រណាត់នោះទៅជ្រលក់ទឹក ហើយយកមកជូតវាចេញ នោះអ្នកនឹងងាយស្រួលបោកបន្តិច។
6. អ្នកមិនត្រូវប្រើសាប៊ូច្រើន ដើម្បីបោកខោអាវទេ ព្រោះវាមិនត្រឹមតែបោកខោអាវមិនស្អាត ថែមទាំងធ្វើឲ្យប្រព័ន្ធការពាររាងកាយអ្នកខ្សោយទៀតផង។
7. ក្រោយពេលដែលអ្នក ប្រើម៉ាស៊ីនបោកខោអាវរួច អ្នកត្រូវតែលាងម៉ាស៊ីនចេញ ព្រោះវាអាចផ្ទុកមេរោគជាច្រើននៅក្នុងនោះ៕
© រក្សាសិទ្ធិដោយ thmeythmey.com