ពីនេះ ពីនោះ
ម្តាយទាំង ៥ ប្រភេទ ដែលមិនអាចអប់រំកូនបាន
×
ម្តាយជាបុគ្គលដែលសំខាន់ណាស់ សម្រាប់កូនគ្រប់រូប ព្រោះមានតែម្តាយទេ ដែលអាចអប់រំ ហើយនាំកូនដើរទៅរកផ្លូវល្អជានិច្ច ប៉ុន្តែ មានម្តាយមួយចំនួន ដែលនិយាយទៅ កូនមិនដែលស្តាប់សោះ។ តើមានម្តាយប្រភេទណាខ្លះ ដែលអប់រំកូន ហើយគេមិនស្តាប់?
1. ម្តាយដែលតែងតែមិននៅក្បែរខ្លួនកូន ដើរបាត់ពីកូនជានិច្ច ដូចនេះ នៅពេលដែលអ្នកអប់រំគេ គេនឹងស្តាប់មិនចូលត្រចៀក ព្រោះគេគិតថា អ្នកមិនដែលនៅក្បែរគេ មើលថែទាំគេ ដូចនេះ អ្នកគ្មានសិទ្ធអ្វីមកអប់រំគេឡើយ ដូចនេះ ចូរអ្នកនៅក្បែរគេឲ្យបានច្រើន។
2. ម្តាយដែលនៅក្បែរ ប៉ុន្តែ តែងតែមើលទូរទស្សន៍ ហើយមិនកំដរកូនលេង ឬកំដរកូនរៀនឡើយ ដូចនេះ នៅពេលដែលគេធ្វើខុស ចូរអ្នកកុំបន្ទោសគេឲ្យសោះ ព្រោះអ្នកមិនដែលយកចិត្តទុកដាក់ចំពោះគេ ហើយទោះបីជាអ្នកចង់អប់រំគេ ក៏គេមិនព្រមធ្វើតាមដែរ។
3. ម្តាយដែលតែងតែដាក់សម្ពាធឲ្យកូន ក៏កូនមិនព្រមស្តាប់តាមអ្នកដែរ ព្រោះអ្នកគាបសង្កត់កូនខ្លាំងពេក ធ្វើឲ្យគេដកដង្ហើមមិនរួច ដូចនេះ យូរទៅ គេនឹងមិនចង់ស្តាប់ តាមដំបូន្មានអ្នកឡើយ។
4. ម្តាយដែលតែងតែយកអ្នកដទៃ មកប្រៀបជាមួយកូនឯង។ ម្តាយប្រភេទនេះ ជាម្តាយដែលកូនស្អប់បំផុត ព្រោះកូនគិតថា អ្នកទុកអ្នកដទៃសំខាន់ជាងគេរហូត ហើយគេមិននៅក្នុងកែវភ្នែកអ្នកឡើយ ដូចនេះ គេគិតថា ពាក្យដែលអ្នកនិយាយ គឺគ្មានបានការឡើយ។
5. ម្តាយដែលតែងតែស្តីបន្ទោសឲ្យកូន ហើយកូនធ្វើអ្វីក៏មិនពេញចិត្តដែរ ម្តាយប្រភេទនេះ ជាម្តាយដែលកូនមិនព្រមស្តាប់តាមអ្នកឡើយ ព្រោះគេយល់ថា គេធ្វើអ្វីក៏ខុស ដូចនេះ ទោះបីជាស្តាប់តាមអ្នកហើយ ក៏អ្វីដែលគេធ្វើសុទ្ធតែខុសដែរ៕
© រក្សាសិទ្ធិដោយ thmeythmey.com