ពីនេះ ពីនោះ
ទស្សនវិទូ៖ យុត្តិធម៌ស្មើភាព និងមិនស្មើភាព!
× ទស្សនវិទូ លោក John Rawls ជាទស្សនវិទូនយោបាយជនជាតិអាមេរិកមួយរូប បានលើកឡើងថា៖ ពាក្យថា«យុត្តិធម៌ គឺជាការស្មើភាពផង និងមិនស្មើភាពផង»។ តើយុត្តិធម៌ស្មើភាពមានន័យយ៉ាងណា? មិនស្មើភាពមានន័យយ៉ាងណា?
សម្រាប់ John Rawls យុត្តិធម៌ស្មើភាពដោយសេរី គឺមានន័យថាជាគោលការណ៍ដើម្បីគ្រប់គ្រងស្ថាប័ននយោបាយសង្គម ដូចជារដ្ឋធម្មនុញ្ញ រដ្ឋាភិបាល ប្រព័ន្ធតុលាការ និងប្រព័ន្ធច្បាប់ ។ មនុស្សគ្រប់រូបអាចមានសិទ្ធិស្មើគ្នាក្នុងការចូលរួមនៅក្នុងសកម្មភាពនយោបាយ និងទទួលបានផលប្រយោជន៍ស្មើគ្នាពីស្ថាប័ននយោបាយ និងស្ថាប័នទាំងនេះ ពិសេសដូចជាសិទ្ធិស្មើគ្នាចំពោះមុខច្បាប់។
ចំណែកយុត្តិធម៌មិនស្មើភាពនេះបង្កើតឡើងក្នុងបំណងដើម្បីគ្រប់គ្រងសង្គម និងសង្គមសេដ្ឋកិច្ច្។ ស្ថានភាពសង្គម និងលក្ខណៈសេដ្ឋកិច្ចត្រូវតែអនុញ្ញាត ឬទទួលយកភាពមិនស្មើគ្នាខ្លះ។ ក្នុងវិស័យនេះការមិនស្មើភាពគឺវាមាននៅក្នុងផលិតផលសេដ្ឋកិច្ច។ អត្រាសេដ្ឋកិច្ចនឹងកើនឡើងចំពោះជនណាដែលខិតខំព្យាយាមធ្វើការទាំងកម្លាំងពលកម្ម ឬបញ្ញា អ្នកដែលធ្វើការធ្ងន់ ហើយមានសមត្ថភាពខ្ពស់ អ្នកនោះជាអ្នកដែលអាចផលិតបាន ហើយការផលិតនោះ ផលិតផលនឹងផ្តល់ផលប្រយោជន៍ចំពោះសង្គម។
ជារួមចំពោះគោលគំនិតរបស់ទស្សនវិទូរូបនេះគឺ យុត្តិធម៌ដែលមនុស្សគ្រប់រូបអាចទទួលបានដោយស្មើភាពគ្នា ជាយុត្តិធម៌ដែលទទួលបានពីសេវាសាធារណៈរបស់រដ្ឋ ដែលស្ថាប័នទាំងនេះមិនមែនសម្រាប់បុគ្គលណាមួយឡើយ។ ចំណែកយុត្តិធម៌មិនស្មើភាពគឺអាស្រ័យទៅលើការខិតខំប្រឹងប្រែងរបស់បុគ្គលផ្ទាល់ខ្លួន ដែលជាពិសេសគឺទាក់ទងជាមួយនិងការទទួលបានកម្រិតសេដ្ឋកិច្ចខុសគ្នា។ អ្នកមានសមត្ថភាព អ្នកប្រឹងប្រែង គឺគេទទួលបានតាមអ្វីដែលគេធ្វើ។ នេះគឺជាយុត្តិធម៌។
© រក្សាសិទ្ធិដោយ thmeythmey.com