ពីនេះ ពីនោះ
សំពោចក្រអូបរស់នៅតាមព្រៃគ្រប់ប្រភេទ និងតាមទបង្ហូរទឹក ឬដំបូលផ្ទះអ្នកភូមិ
×![]()
ដោយ: ថ្មីៗ
ភិនភាគ៖ សំពោចក្រអូប គីជាសំពោចមានមាឌតូចដែលមានពណ៌ប្រផេះ ឬត្នោត ត្រចៀក ជើង និងផ្នែកចុងនៃកន្ទុយពណ៌ខ្មៅ ថ្ងាសមានពណ៌ស ដោយមានឆ្នូតខ្មៅនៅចំកណ្តាល ផ្ទៃមុខខ្មៅ ប៉ុន្តែមានឆ្នូតសនៅខាងក្រោមភ្នែក និងសងខាងច្រមុះ។ នៅលើខ្នងមានឆ្នូតខ្មៅ៣ និងនៅសងខាងខ្នងមានអុចៗខ្មៅ ហើយរោមនៅកមានច្រើនដែលបង្កើតបានជាគន្លាក់។ ជាធម្មតាសំពោចនេះមានក្លិនប្រអូប ប៉ុន្តែមានក្លិនឈួលខ្លាំងនៅពេលដែលវាមានការភ័យខ្លាចនឹងអី្វមួយ។
ជីវសាស្ត្រ៖ សំពោចក្រអូបនេះមានវត្តមាននៅតាមទីជម្រកព្រៃគ្រប់ប្រភេទ រួមទាំងវាលស្រែចំការដំណាំ និងក្បែរភូមិផងដែរ។ វាចូលចិត្តរស់នៅកន្លែងងងឹតៗ តាមជង្រុង ទបង្ហូរទឹក ឬដំបូលផ្ទះ នៅពេលថ្ងៃ ហើយពេលយប់វាចេញរកចំណីដូចជា កណ្តុរ ស្វាយ កាហ្វេ ម្នាស់ ត្រសក់ ស្រូវ និងចេក។ សំពោចនេះបន្តពូជពេញមួយឆ្នាំដោយមានកូននៅខែតុលា និងខែធ្នូ ក្នុងមួយលើកៗ វាអាចមានកូនពី ២-៤ក្បាលនៅតាមរូងថ្ម ឬប្រហោងឈើ។ អាយុកាលរបស់វាប្រហែល១៤ឆ្នាំ។
រប៉ាយរស់នៅ៖ ប្រភេទនេះសម្បូរនៅប្រទេសកម្ពុជាក្នុងទីជម្រកសមស្រប។ វាក៏ត្រូវបានរកឃើញផងដែរនៅ ប្រទេសឥណ្ឌា ភាគខាងត្បូងប្រទេសចិន និងតំបន់ដីគោកទូទាំងអាស៊ីអាគ្នេយ៍ ឥណ្ឌូនេស៊ី (កោះសូម៉ាត្រា) ម៉ាឡេស៊ី (កោះចាវា និងកោះបរណេអូ) និងហ្វីលីពីនផងដែរ។
ស្ថានភាពអភិរក្ស៖ សំពោចក្រអូប ស្ថិតក្នុងក្រុមប្រភេទមានដោយបង្គួរ និងមានចុះក្នុងបញ្ជីក្រហម IUCN (LC) ថាជាប្រភេទរងគ្រោះថ្នាក់តិចតួច។ នៅក្នុងប្រទេសកម្ពុជាប្រភេទនេះកំពុងរងគ្រោះថ្នាក់ ដោយសារការបរបាញ់ ការបាត់បង់ទីជម្រក និងទាក់ចាប់ដើម្បីធ្វើពាណិជ្ជកម្ម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
