ពីនេះ ពីនោះ
នៅពេលដែលកាត់ក្រចកឲ្យកូន តើអ្នកគួរតែប្រុងប្រយ័ត្នពីអ្វី?
×
ការកាត់ក្រចកដៃឲ្យកូនគឺជារឿងដែលសំខាន់ណាស់ ព្រោះបើអ្នកកាត់ខុសកូននឹងអាចឈាមដៃជាមិនខាន ដោយសារតែដៃរបស់កូនតូចពេក ដូចនេះវាពិបាកកាត់ខ្លាំងណាស់។តើនៅពេលដែលអ្នកកាត់ឲ្យកូន អ្នកគួរតែប្រុងប្រយ័ត្នពីអ្វីទៅ?
1. អ្នកអាចដាក់ឲ្យកូនគេងលើគ្រែ អង្គុយបន្ទាប់មកអ្នកត្រូវអង្គុយជិតកូន ហើយធ្វើការកាត់ក្រចកដៃកូនដែលនៅជិតខ្លួនអ្នក ព្រោះបើអ្នកកាត់បញ្ច្រាសដៃ វាអាចធ្វើឲ្យកូនរបួសបាន។
2. នៅពេលដែលកូនក្តាប់ដៃជាប់ អ្នកត្រូវតែលាដៃកូនមួយៗមកកាត់ មិនត្រូវលាទាំងអស់ឡើយ ព្រោះបើកូនកម្រើក វាអាចធ្វើឲ្យកូនរបួសបាន។
3. នៅពេលដែលអ្នកកាត់ អ្នកត្រូវតែកាត់ផ្នែកកណ្តាលជាមុនសិន ទើបកាត់កៀនៗទាំងសងខាង ព្រោះបើអ្នកកាត់ផ្នែកចំហៀនមុនខ្លាចកូនឈឺ ហើយងាយធ្វើឲ្យកូនរបួសណាស់។
4. អ្នកមិនត្រូវកាត់រាងស្រួចឲ្យកូនទេ ព្រោះវាអាចធ្វើឲ្យកូនរបួសបាន ដោយសារតែកូនយកទៅខ្ញៃមុខរបស់គេ។
5. បន្ទាប់ពីកាត់រួច អ្នកត្រូវតែយកដៃអ្នកពិនិត្យមើលក្រចកដៃកូនថាតើវានៅតែស្រួច ហើយមុចឬទេ ដោយអ្នកអាចយកម្រាមដៃអ្នកទៅបង្វិលលើក្រចកកូនអ្នកមួយជុំបាន។
6. នៅពេលដែលក្រចកកូនមានអាចម៍ក្រចក អ្នកមិនត្រូវយករបស់ដែលរឹងឆ្គិះវាចេញនោះទេ អ្នកអាចកាត់ក្រចកឲ្យកូនរួច ទើបលាងចេញជាការស្រេចហើយ៕
© រក្សាសិទ្ធិដោយ thmeythmey.com