កីឡាជាតិ
ជាតិ
ស្វាយរៀងត្រូវទទួលភ្ញៀវបឹងកេតអង្គរនាល្ងាចនេះ
×![]()
ការប្រកួតបាល់ទាត់មិត្តហ្វូនខេមបូឌានលីករដូវកាល២០១៥ (Metfone Cambodian League 2015) បានធ្វើដំណើរដល់សប្ដាហ៍ទី១៧ ហើយនៅចុងសប្ដាហ៍នេះ ខណៈថ្ងៃសៅរិ៍ ទី ១៩ ខែ កញ្ញា មានការប្រកួតដល់ទៅ ៤ គូដោយក្រុមស៊ីម៉ាក់ ជួប ភ្នំពេញក្រោន ក្រសួងការពារជាតិ ជួបគីរីវង់សុខសែនជ័យ ហើយក្រុមវេស្ទើន ប៉ះអាស៊ីអឺរ៉ុប នៅក្នុងរាជធានីភ្នំពេញ ស្របពេលក្រុមស្វាយរៀងអែហ្វស៊ី ជួបក្រុមបឹងកេតអង្គរ នៅកីឡដ្ឋានខេត្តរបស់ខ្លួន។ 
*ការពារជាតិ ជួប គីរីវង់ (ម៉ោង៣:៣០ នាទីរសៀល)
ក្រុមបាល់ទាត់ក្រសួងការពារជាតិ ត្រូវស្វាគមន៍ក្រុមគីរីវង់សុខសែនជ័យ នៅវេលាម៉ោង ៣:៣០ នាទីរសៀលលើទីលានកីឡដ្ឋានកងយោធពលខេមរភូមិន្ទរបស់ខ្លួនក្នុងរាជធានីភ្នំពេញ។ កាលពីជើងទី១ ក្រសួងការពារជាតិ បានយកឈ្នះក្រុមមកពីខេត្តតាកែវមួយនេះដោយលទ្ធផល ៥ ទល់ ១។
បើសរុបតារាងចំណាត់ថ្នាក់បណ្ដោះអាសន្នរបស់ក្រុមក្រសួងការពារជាតិ វិញឈរចំណាត់ថ្នាក់លេខ ៧ ប្រកួត១៥ លើកឈ្នះ ៧ លើកស្មើ ២ លើកនិងចាញ់ ៦ លើកមាន២៣ ពិន្ទុ ស្របពេលក្រុមគីរីវង់សុខសែនជ័យ នៅបាតតារាង ប្រកួត១៦លើកឈ្នះ១ ស្មើ ២ និងចាញ់ ១៣ មាន៥ ពិន្ទុក្នុងដៃប៉ុណ្ណោះ។
*វេស្ទើន ជួបអាស៊ីអឺរ៉ុប (ម៉ោង៣:៣០ នាទី)
កាលពីជើងទី១ ក្រុមសាកលវិទ្យាល័យទាំង២បានជួបគ្នាម្ដងហើយដោយអាស៊ីអឺរ៉ុប ឈ្នះវេស្ទើន ២ ទល់ ១។ ម្ដងនេះក្រុមទាំងត្រូវជួបគ្នាលើទីលានស្មៅសិប្បនិមិត្តរបស់ក្រុមវេស្ទើន ក្នុងទឹកដីខណ្ឌសែនសុខ រាជធានីភ្នំបេញដដែល នាវេលាម៉ោង ៣:៣០ នាទី។
លោក ប៉ែន ផាត បានដឹកនាំវេស្ទើន ចាញ់ណាហ្គា ៨ ទល់ ០ កាលពីថ្ងៃព្រហស្បតិ៍កន្លងទៅ។ គិតត្រឹមពេលនេះវេស្ទើន កំពុងស្ថិតនៅតំបន់បាតតារាងពោលគឺលេខ ១១ ក្រោយប្រកួតបាន១៦លើកឈ្នះ ៣ ស្មើ ១ និងចាញ់ ១២ លើកមាន ១០ ពិន្ទុក្នុងដៃ។ ចំណែកអាស៊ីអឺរ៉ុប វិញទើបយកឈ្នះក្រុមស៊ីម៉ាក់ ៣ ទល់ ១ កាលពីថ្ងៃពុធ កន្លងទៅនេះដែរ។ ក្រុមមួយនេះឈរនៅលេខ ៩ បន្ទាប់ពីប្រកួត ១៦ ដងឈ្នះ ៤ ស្មើ ២ និងចាញ់ ១០ មាន ១៤ ពិន្ទុ។
*ភ្នំពេញក្រោន ប៉ះ ស៊ីម៉ាក់ (ម៉ោង៦ ល្ងាច)
ភ្នំពេញក្រោន បន្តឈរកំពូលតារាងទោះជាប្រកួតចុងក្រោយចាញ់ក្រោមថ្វីដៃម្ចាស់ផ្ទះក្រសួងការពារជាតិ ៣ ទល់ ០។ លោក Sam Schweingruber សន្យាប្រាប់អ្នកគាំទ្រថានឹងខិតខំបន្ថែមទៀតនៅប្រកួតក្រោយៗ ដើម្បីរកជ័យជម្នះឱ្យក្រុម។ ចំណែកប្រកួតចុងក្រោយលោក មាស សំអឿន បានដឹកនាំក្រុមស៊ីម៉ាក់ ចាញ់អាស៊ីអឺរ៉ុប ៣ ទល់១។ កាលពីជើងទី ១ នៃពាន MCL 2015 ភ្នំពេញក្រោន បានយកឈ្នះស៊ីម៉ាក់ ដោយលទ្ធផល ៤ ទល់ ១។ ជំនួបនៅវេលាម៉ោង ៦ ល្ងាចនេះនឹងធ្វើឡើងលើទីលានស្មៅសប្បនិមិត្តពហុកីឡដ្ឋានជាតិ ក្នុងរាជធានីភ្នំពេញ។
*ស្វាយរៀង ជួប បឹងកេតអង្គរ (ម៉ោង ៦ ល្ងាច)
នេះជាប្រកួតលើដំបូងហើយរបស់ក្រុមស្វាយរៀងអែហ្វស៊ី លើទឹកដីកីឡដ្ឋានខេត្តរបស់ខ្លួន បន្ទាប់ពីសហព័ន្ធកីឡាបាល់ទាត់កម្ពុជា ពិន័យមិនឱ្យធ្វើម្ចាស់ផ្ទះលើទីលានរបស់ខ្លួនចំនួន ២ ប្រកួត ក្រោយមានបញ្ហាចម្រូងចម្រាសជាមួយក្រុមភ្នំពេញក្រោន កាលពីខែសីហា កន្លងទៅ។
ជើងទី១ បឹងកេត បានយកឈ្នះស្វាយរៀង ៥ ទល់ ១ លើទីលានកីឡដ្ឋានកងយោធពលខេមរភូមិន្ទ។ ប៉ុន្ដែប្រកួតចុងក្រោយបឹងកេត បានប្រទះបរាជ័យជាលើកដំបូងក្នុងពាន MCL 2015 គិតត្រឹមសប្ដាហ៍ទី១៦ នេះ។ ចំណែកស្វាយរៀង ប្រកួតចុងក្រោយស្មើគ្នាជាមួយអគ្គស្នងការដ្ឋាននគរបាលជាតិ ១ ទល់ ១។
សម្រាប់សំបុត្រចូលទស្សនាការប្រកួតសម្រាប់គូនេះមានដាក់លក់នៅមុខកីឡដ្ឋានខេត្តក្នុងតម្លៃ ២០០០ រៀល ៤០០០ រៀល និង ១០០០០ រៀល៕
តើក្រុមណាអាចរកបាន៣ពិន្ទុនៅល្ងាចថ្ងៃសៅរិ៍ នេះ?
*ការពារជាតិ ជួប គីរីវង់ (ម៉ោង៣:៣០ នាទីរសៀល)
ក្រុមបាល់ទាត់ក្រសួងការពារជាតិ ត្រូវស្វាគមន៍ក្រុមគីរីវង់សុខសែនជ័យ នៅវេលាម៉ោង ៣:៣០ នាទីរសៀលលើទីលានកីឡដ្ឋានកងយោធពលខេមរភូមិន្ទរបស់ខ្លួនក្នុងរាជធានីភ្នំពេញ។ កាលពីជើងទី១ ក្រសួងការពារជាតិ បានយកឈ្នះក្រុមមកពីខេត្តតាកែវមួយនេះដោយលទ្ធផល ៥ ទល់ ១។
បើសរុបតារាងចំណាត់ថ្នាក់បណ្ដោះអាសន្នរបស់ក្រុមក្រសួងការពារជាតិ វិញឈរចំណាត់ថ្នាក់លេខ ៧ ប្រកួត១៥ លើកឈ្នះ ៧ លើកស្មើ ២ លើកនិងចាញ់ ៦ លើកមាន២៣ ពិន្ទុ ស្របពេលក្រុមគីរីវង់សុខសែនជ័យ នៅបាតតារាង ប្រកួត១៦លើកឈ្នះ១ ស្មើ ២ និងចាញ់ ១៣ មាន៥ ពិន្ទុក្នុងដៃប៉ុណ្ណោះ។
*វេស្ទើន ជួបអាស៊ីអឺរ៉ុប (ម៉ោង៣:៣០ នាទី)
កាលពីជើងទី១ ក្រុមសាកលវិទ្យាល័យទាំង២បានជួបគ្នាម្ដងហើយដោយអាស៊ីអឺរ៉ុប ឈ្នះវេស្ទើន ២ ទល់ ១។ ម្ដងនេះក្រុមទាំងត្រូវជួបគ្នាលើទីលានស្មៅសិប្បនិមិត្តរបស់ក្រុមវេស្ទើន ក្នុងទឹកដីខណ្ឌសែនសុខ រាជធានីភ្នំបេញដដែល នាវេលាម៉ោង ៣:៣០ នាទី។
លោក ប៉ែន ផាត បានដឹកនាំវេស្ទើន ចាញ់ណាហ្គា ៨ ទល់ ០ កាលពីថ្ងៃព្រហស្បតិ៍កន្លងទៅ។ គិតត្រឹមពេលនេះវេស្ទើន កំពុងស្ថិតនៅតំបន់បាតតារាងពោលគឺលេខ ១១ ក្រោយប្រកួតបាន១៦លើកឈ្នះ ៣ ស្មើ ១ និងចាញ់ ១២ លើកមាន ១០ ពិន្ទុក្នុងដៃ។ ចំណែកអាស៊ីអឺរ៉ុប វិញទើបយកឈ្នះក្រុមស៊ីម៉ាក់ ៣ ទល់ ១ កាលពីថ្ងៃពុធ កន្លងទៅនេះដែរ។ ក្រុមមួយនេះឈរនៅលេខ ៩ បន្ទាប់ពីប្រកួត ១៦ ដងឈ្នះ ៤ ស្មើ ២ និងចាញ់ ១០ មាន ១៤ ពិន្ទុ។
*ភ្នំពេញក្រោន ប៉ះ ស៊ីម៉ាក់ (ម៉ោង៦ ល្ងាច)
ភ្នំពេញក្រោន បន្តឈរកំពូលតារាងទោះជាប្រកួតចុងក្រោយចាញ់ក្រោមថ្វីដៃម្ចាស់ផ្ទះក្រសួងការពារជាតិ ៣ ទល់ ០។ លោក Sam Schweingruber សន្យាប្រាប់អ្នកគាំទ្រថានឹងខិតខំបន្ថែមទៀតនៅប្រកួតក្រោយៗ ដើម្បីរកជ័យជម្នះឱ្យក្រុម។ ចំណែកប្រកួតចុងក្រោយលោក មាស សំអឿន បានដឹកនាំក្រុមស៊ីម៉ាក់ ចាញ់អាស៊ីអឺរ៉ុប ៣ ទល់១។ កាលពីជើងទី ១ នៃពាន MCL 2015 ភ្នំពេញក្រោន បានយកឈ្នះស៊ីម៉ាក់ ដោយលទ្ធផល ៤ ទល់ ១។ ជំនួបនៅវេលាម៉ោង ៦ ល្ងាចនេះនឹងធ្វើឡើងលើទីលានស្មៅសប្បនិមិត្តពហុកីឡដ្ឋានជាតិ ក្នុងរាជធានីភ្នំពេញ។
*ស្វាយរៀង ជួប បឹងកេតអង្គរ (ម៉ោង ៦ ល្ងាច)
នេះជាប្រកួតលើដំបូងហើយរបស់ក្រុមស្វាយរៀងអែហ្វស៊ី លើទឹកដីកីឡដ្ឋានខេត្តរបស់ខ្លួន បន្ទាប់ពីសហព័ន្ធកីឡាបាល់ទាត់កម្ពុជា ពិន័យមិនឱ្យធ្វើម្ចាស់ផ្ទះលើទីលានរបស់ខ្លួនចំនួន ២ ប្រកួត ក្រោយមានបញ្ហាចម្រូងចម្រាសជាមួយក្រុមភ្នំពេញក្រោន កាលពីខែសីហា កន្លងទៅ។
ជើងទី១ បឹងកេត បានយកឈ្នះស្វាយរៀង ៥ ទល់ ១ លើទីលានកីឡដ្ឋានកងយោធពលខេមរភូមិន្ទ។ ប៉ុន្ដែប្រកួតចុងក្រោយបឹងកេត បានប្រទះបរាជ័យជាលើកដំបូងក្នុងពាន MCL 2015 គិតត្រឹមសប្ដាហ៍ទី១៦ នេះ។ ចំណែកស្វាយរៀង ប្រកួតចុងក្រោយស្មើគ្នាជាមួយអគ្គស្នងការដ្ឋាននគរបាលជាតិ ១ ទល់ ១។
សម្រាប់សំបុត្រចូលទស្សនាការប្រកួតសម្រាប់គូនេះមានដាក់លក់នៅមុខកីឡដ្ឋានខេត្តក្នុងតម្លៃ ២០០០ រៀល ៤០០០ រៀល និង ១០០០០ រៀល៕
តើក្រុមណាអាចរកបាន៣ពិន្ទុនៅល្ងាចថ្ងៃសៅរិ៍ នេះ?
Tag:
MCL2015
© រក្សាសិទ្ធិដោយ thmeythmey.com
