ពីនេះ ពីនោះ
ទម្លាប់អាក្រក់ទាំង៨ ដែលអាចបំផ្លាញខួរក្បាលរបស់អ្នក?
×
១/ មិនញ៉ាំអាហារពេលព្រឹក៖ អ្នកដែលមិនញ៉ាំអាហារពេលព្រឹក នឹងមានចំនួនជាតិស្ករក្នុងឈាមថយចុះ ដូច្នេះ វាងាយនឹងខ្វះការផ្គត់ផ្គង់ ជីវជាតិទៅខួរក្បាល ដែលនាំឲ្យខូចខួរក្បាលខ្លាំងណាស់។
២/ ញ៉ាំច្រើនពេក៖ ការញ៉ាំច្រើន ធ្វើឲ្យសរសៃឈាមខួរក្បាលទៅជារឹង ដូច្នេះ វាក៏កាត់បន្ថយថាមពល នៃផ្លូវអារម្មណ៍បានដែរ។
៣/ ជក់បារី៖ ការជក់បារី នឹងបង្កើនការរួចស្វិតរបស់ខួរក្បាល និងនាំឲ្យមានជំងឺភ្លេចភ្លាំង។
៤/ ញ៉ាំជាតិផ្អែមច្រើនពេក៖ ការដែលមានចំនួនជាតិស្ករច្រើនពេក នឹងទៅរំខានដល់ការបឺតស្រូរបស់ប្រូតេអ៊ីន និងជីវជាតិ ដូច្នេះ វានឹងបង្កឲ្យមានបញ្ហាកង្វះអាហារូបត្ថម្ភ និងរំខានដល់ការលូតលាស់របស់ខួរក្បាលទៀត។
៥/ ការបំពុលពីបរិយាកាស៖ ខួរក្បាល គឺជាសរីរាង្គមួយ ដែលត្រូវការអុកស៊ីសែនច្រើនជាងគេបំផុត។ ដូច្នេះ ការស្រូបផ្សែងបំពុលពីបរិយាកាស នឹងកាត់បន្ថយការផ្គត់ផ្គង់អុកស៊ីសែនទៅខួរក្បាល ព្រមទាំងកាត់បន្ថយប្រសិទ្ធភាពរបស់ខួរក្បាលទៀត។
៦/ គ្របក្បាលពេលកំពុងគេង៖ ការគេងដោយមានរបស់រុំក្បាល នឹងបង្កើនកំហាប់នៃកាបូនឌីអុកស៊ីត និងកាត់បន្ថយអុកស៊ីសែន ដូច្នេះ វានឹងនាំឲ្យខូចខាតដល់ខួរក្បាលបាន។
៧/ កង្វះការភ្ញោចពីការគិត៖ ការគិត គឺជាវិធីសាស្ត្រដ៏ល្អបំផុត ដើម្បីហ្វឹកហាត់ខួរក្បាល ហើយកង្វះការភ្ញោចបែបនេះ វាក៏អាចនាំឲ្យខួរក្បាលស្វិតបានដែរ។
៨/ និយាយតិច៖ ការសន្ទនាប្រកបដោយភាពឆ្លាតវៃ នឹងអាចជួយដល់ប្រសិទ្ធភាពរបស់ខួរក្បាល៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com