ពីនេះ ពីនោះ
បោះបង់ចោលរឿងទាំង ៩ ជីវិតអ្នកនឹងកាន់តែសប្បាយ
×
តើមានរឿងអ្វីខ្លះ ដែលអ្នកគួរតែបោះបង់ កុំប្រព្រឹត្តឲ្យសោះ ព្រោះរឿងទាំងនេះ អាចធ្វើឲ្យអ្នក រស់នៅក្នុងភាពមិនសប្បាយ។ ខាងក្រោមនេះ យើងខ្ញុំនឹងប្រាប់អ្នក ពីរឿងទាំងនេះ ដើម្បីឲ្យអ្នកអាចរស់នៅក្នុងក្តីរីករាយបាន។
1. អ្នកត្រូវតែបោះបង់ចោលភាពចង់ឈ្នះ ដោយខ្លួនឯងជាអ្នកធ្វើខុស ដោយត្រូវតែចេះទទួលស្គាល់កំហុសរបស់ខ្លួន ព្រោះទោះបើអ្នកឈ្នះ ក៏អ្នកមិនសប្បាយចិត្តដែរ ហើយថែមទាំងហត់ទៀតផង។
2. បើអ្នកចង់រស់នៅដោយសប្បាយចិត្ត អ្នកត្រូវតែបោះបង់ចោល ការចោទប្រកាន់អ្នកដទៃ ដែលធ្វើឲ្យអ្នកមិនបានទទួលបានជោគជ័យ អ្នកត្រូវតែរៀនទទួលស្គាល់ការពិត ថាវាជាកំហុសរបស់អ្នក។
3. អ្នកត្រូវតែបោះបង់ចោល ភាពត្អូញត្អែររបស់អ្នក ដោយថាអ្នកដទៃ ធ្វើឲ្យអ្នកមិនសប្បាយចិត្ត ព្រោះគ្មាននរណា អាចធ្វើឲ្យអ្នកសប្បាយចិត្តឡើយ ក្រៅពីខ្លួនឯង។
4. បើអ្នកចង់រស់នៅ ដោយសប្បាយចិត្ត អ្នកត្រូវតែបោះបង់ចោល ការអែបអោបអ្នកដទៃ ដោយធ្វើឲ្យអ្នកដទៃសប្បាយចិត្ត ព្រោះយូរទៅ អ្នកនឹងហត់ ហើយមិនអាចធ្វើជាខ្លួនអ្នកបាន ដូចនេះ អ្នកនឹងមិនសប្បាយចិត្តជារៀងរហូត។
5. អ្នកត្រូវតែបោះបង់ចោល ភាពភ័យខ្លាចទាំងឡាយ ដែលមានក្នុងចិត្តអ្នក ព្រោះវានឹងអាចធ្វើឲ្យអ្នក មិនសប្បាយចិត្តជារៀងរហូត។
6. អ្នកត្រូវតែបោះបង់ចោលឡេះទាំងឡាយ ដែលយកមកកុហកអ្នកដទៃ និងខ្លួនអ្នក ព្រោះឡេះទាំងនេះ អាចធ្វើឲ្យអ្នកវិនាស ថែមទាំងរស់នៅ ដោយមិនសប្បាយចិត្តជារៀងរហូត។
7. អ្នកត្រូវតែបោះបង់ចោលរឿងទាំងឡាយ ដែលកើតឡើងក្នុងអតីតកាល ព្រោះបើអ្នកតែងតែគិតពីរឿងទាំងនោះ នោះជីវិតអ្នក នឹងមិនអាចរស់នៅដោយសុខឡើយ ហើយក៏មិនអាចរស់នៅ ដោយសប្បាយរីករាយជារៀងរហូតបានដែរ។
8. អ្នកត្រូវតែបោះបង់ចោល ភាពពឹងផ្អែកចំពោះអ្នកដទៃ ព្រោះវាអាចធ្វើឲ្យអ្នក ក្លាយជាមនុស្សដែលគ្មានភាពរីករាយក្នុងខ្លួនបាន។
9. អ្នកត្រូវតែបោះបង់ចោល ភាពរស់នៅក្នុងក្តីស្រមៃរបស់អ្នកដទៃ អ្នកមិនត្រូវរស់នៅ តាមក្តីរំពឹងរបស់អ្នកដទៃ ចំពោះអ្នកឡើយ អ្នកត្រូវតែរស់នៅជាខ្លួនអ្នក ទើបមានក្តីរីករាយបាន ហើយក្តីរីករាយនេះ នឹងនាំអ្នកដើរទៅរក វិថីនៃជីវិតដែលស្រស់ស្រាយ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com