ពីនេះ ពីនោះ
×![]()
ដោយ: ថ្មីៗ
ភិនភាគ៖ សំពោចពណ៌លាតជាសំពោចមួយប្រភេទដែលមានពណ៌លាត គ្មានឆ្នូត ឬស្នាមអុចនៅលើដងខ្លួន។ ពណ៌នៅលើដងខ្លួនរបស់វាខុសប្លែកគ្នាខ្លាំងរវាងសត្វនីមួយៗ ហើយពណ៌នេះមានចាប់ពីត្នោតខ្ចីរហូតដល់ត្នោតចាស់ ថ្ងាសពណ៌សបង្អូសដល់ច្រមុះ និងនៅសងខាងក្បាលពណ៌សផ្នែកក្រោមពោះមានពណ៌ភ្លឺជាងខាងលើ។ កន្ទុយវែងសឹងតែស្មើទៅនឹងដងខ្លួន ហើយនៅខាងចុងភាគច្រើនគឺពណ៌ស។ សំពោចនេះមានក្លិនឈួលខ្លាំង។
ជីវសាស្ត្រ៖ សំពោចពណ៌លាតនេះរស់នៅតាមគ្រប់ប្រភេទព្រៃ និងនៅក្បែរៗភូមិ។ សំពោចនេះចូលចិត្តនៅលើដើមឈើ និងរកចំណីនៅពេលយប់ ចំណីភាគច្រើនគឺជាផ្លែឈើ ដូចជាផ្លែល្វា ចេក ស្វាយ និងស្លឹកឈើ កណ្តុរ ហើយវាកម្រស៊ីមាន់ និងទាណាស់។ សត្វនេះសម្ងំកើតកូននៅតាមប្រហោងឈើ កូនក្នុងមួយលើកៗអាចមានដល់ទៅ៤ក្បាល ហើយកូននេះមានរូបរាងប៉ុនទៅនឹងសត្វពេញវ័យក្នុងរយៈពេល៣ខែ។
រប៉ាយរស់នៅ៖ ប្រភេទនេះមានតិចតួចនៅភូមិភាគនិរតីនៃប្រទេសកម្ពុជាក្នុងទីជម្រកសមស្រប ហើយក៏ត្រូវបានរកឃើញផងដែរនៅភាគខាងជ្រើងប្រទេសឥណ្ឌា ភាគខាងត្បូងប្រទេសចិន និងភាគខាងត្បួងនៃតំបន់ដីគោក អាស៊ីអាគ្នេយ៍ ឥណ្ឌូនេស៊ី (កោះសូម៉ាត្រា) និងម៉ាឡេស៊ី (កោះចាវា)។
ស្ថានភាពអភិរក្ស៖ សំពោចពណ៌ ស្ថិតក្នុងក្រុមប្រភេទមានដោយបង្គួរ និងមានចុះក្នុងបញ្ជីក្រហម IUCN (LC) ថាជាប្រភេទរងគ្រោះថ្នាក់តិចតួច ប៉ុន្តែនៅប្រទេសកម្ពុជាប្រភេទនេះកំពុងរងគ្រោះថ្នាក់ ដោយសារការបរបាញ់ បាត់បង់ទីជម្រក និងទាក់ចាប់ដើម្បីធ្វើពាណិជ្ជកម្ម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
