ជាតិ
សិល្បះ
រូបថតអង្គការស៊ីប៉ា
×![]()
ដោយ: ថ្មីៗ
ភ្នំពេញ៖ តារាចម្រៀងលំដាប់កំពូលកម្ពុជា និងជាទូតសុច្ឆន្ទៈនៃអង្គការស៊ីប៉ា (SIPAR) កញ្ញា សុគន្ធ នីសា បាននិយាយថា ការអានសៀវភៅ នឹងបង្កើនធនធានមនុស្សកាន់ច្រើន ចូលរួមជួយអភិវឌ្ឍន៍ប្រទេសកម្ពុជា។ តាមរយៈការងារស្ម័គ្រចិត្តជាមួយ SIPAR ដែលជាអង្គការមានវត្តមាននៅកម្ពុជារយៈពេលជាង ២០ឆ្នាំមកនេះ នីសា ប្ដេជ្ញាចិត្ដលើកកម្ពស់ការអានប្រជាជនទូទាំងប្រទេសកម្ពុជា។
តារាចម្រៀងឥរិយាបថស្រគត់ស្រគំ កញ្ញា សុគន្ធ នីសា នាពិធីជំរុញការអានសៀវភៅរបស់អង្គការស៊ីប៉ានៅរសៀលថ្ងៃទី ២៣ កញ្ញា ឆ្នាំ២០១៥នេះ បានចូលរួមជួយផ្សព្វផ្សាយជំរុញ ការអានសៀវភៅដល់ពលរដ្ឋប្រជាជនកម្ពុជា ទាំងកុមារ និងទាំងយុវវ័យ ពិសេសគឺស្ដ្រី ឲ្យស្វែងយល់ពីសារប្រយោជន៍ការអានសៀវភៅ តាមរយៈបណ្ណាល័យចល័តអង្គការស៊ីប៉ា។
តារាចម្រៀងប្រជាប្រិយភាពផលិតកម្មថោន កញ្ញា នីសា ត្រូវបានជ្រើសរើសជាទូតសុច្ឆន្ទៈសម្រាប់ជំរុញការអានសៀវភៅនៅកម្ពុជារបស់អង្គការស៊ីប៉ា កាលពីដើមឆ្នាំ ២០១៥។ នីសា យល់ដឹងពីសារៈសំខាន់នៃការអានសៀវភៅ តារាចម្រៀងរូបនេះ បានជំរុញឲ្យប្រជាជនកម្ពុជាមានទម្លាប់ក្នុងការអានសៀវភៅ ដោយកញ្ញាលើកឡើងថា ការអានជាកត្តាចម្បងបំផុត ធ្វើឲ្យប្រជាជនកម្ពុជាយល់កាន់ច្បាស់ពីជីវិតរស់នៅប្រចាំថ្ងៃ ការទំនាក់ទំនង និងការស្វែងយល់ពីព័ត៌មាននៅក្នុងសង្គម។
ក្នុងនាមជាសុឆន្ទៈមួយរូបរបស់អង្គការស៊ីប៉ា ដែលមានបេសកកម្មលើកកម្ពស់ការអាន បោះពុម្ពផ្សាយសៀវភៅជាភាសាខ្មែរ និងចែកចាយទៅគ្រប់ខេត្ដក្រុងទាំង ២៥ នីសា បានអំពាវនាវដល់ប្រជាជនគ្រប់ស្រទាប់វណ្ណៈពង្រឹងការអានសៀវភៅកាន់តែច្រើនបន្ថែមទៀត ដើម្បីអភិវឌ្ឍធនធានមនុស្សកម្ពុជា។
ក្រៅពីការចូលរួមដោយផ្ទាល់ជាមួយអង្គការស៊ីប៉ា ចុះទស្សនកិច្ចតាមកម្មវិធីបណ្ណាល័យចល័ត និងបណ្ណាល័យ/មណ្ឌល ធនធានមនុស្ស នៅក្នុងរោងចក្រកាត់ដេរ ដើម្បីលើកកម្ពស់វិស័យអំណានដល់ប្រជាសហគមន៍ កម្មករ កម្មការិនីតាមរោងចក្រហើយនោះ កញ្ញា សុគន្ធ នីសា សហការជាមួយអង្គការស៊ីប៉ា នឹងនិពន្ធបទចម្រៀងអប់រំពីសារប្រយោជន៍ការអានសៀវភៅទៀតផង។
គួរបញ្ជាក់ផងដែរ នៅថ្ងៃទី១១ ខែមីនា រៀងរាល់ឆ្នាំ រដ្ឋាភិបាលកម្ពុជាបានកំណត់ជា ទិវាជាតិអំណាន ដើម្បីបណ្តុះទម្លាប់អាន ជំរុញវប្បធម៌អាន លើកកម្ពស់សមត្ថភាពអាន និងការតែងនិពន្ធ រួមចំណែកការពារ និងពង្រឹងវប្បធម៌ខ្មែរ។ រដ្ឋាភិបាលបានបង្គាប់ដល់ថ្នាក់ដឹកនាំនៅតាមក្រសួង ស្ថាប័ន រដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិវិស័យឯកជន និងគ្រឹះស្ថានសិក្សានានា ឲ្យចូលរួមបំផុសគំនិតការអាន មន្ត្រីរាជការ សិស្ស និស្សិត កម្មករ និយោជិត និយោជក កងកម្លាំងប្រដាប់អាវុធ និងប្រជាជន ដើម្បីបង្កើតស្មារតី ប្រឡងប្រណាំងការអាន និងតែងនិពន្ធ។ នេះជាខ្លឹមសារក្នុងអនុក្រឹត្យចុះថ្ងៃទី១៤ កញ្ញា៕
តារាចម្រៀងឥរិយាបថស្រគត់ស្រគំ កញ្ញា សុគន្ធ នីសា នាពិធីជំរុញការអានសៀវភៅរបស់អង្គការស៊ីប៉ានៅរសៀលថ្ងៃទី ២៣ កញ្ញា ឆ្នាំ២០១៥នេះ បានចូលរួមជួយផ្សព្វផ្សាយជំរុញ ការអានសៀវភៅដល់ពលរដ្ឋប្រជាជនកម្ពុជា ទាំងកុមារ និងទាំងយុវវ័យ ពិសេសគឺស្ដ្រី ឲ្យស្វែងយល់ពីសារប្រយោជន៍ការអានសៀវភៅ តាមរយៈបណ្ណាល័យចល័តអង្គការស៊ីប៉ា។
តារាចម្រៀងប្រជាប្រិយភាពផលិតកម្មថោន កញ្ញា នីសា ត្រូវបានជ្រើសរើសជាទូតសុច្ឆន្ទៈសម្រាប់ជំរុញការអានសៀវភៅនៅកម្ពុជារបស់អង្គការស៊ីប៉ា កាលពីដើមឆ្នាំ ២០១៥។ នីសា យល់ដឹងពីសារៈសំខាន់នៃការអានសៀវភៅ តារាចម្រៀងរូបនេះ បានជំរុញឲ្យប្រជាជនកម្ពុជាមានទម្លាប់ក្នុងការអានសៀវភៅ ដោយកញ្ញាលើកឡើងថា ការអានជាកត្តាចម្បងបំផុត ធ្វើឲ្យប្រជាជនកម្ពុជាយល់កាន់ច្បាស់ពីជីវិតរស់នៅប្រចាំថ្ងៃ ការទំនាក់ទំនង និងការស្វែងយល់ពីព័ត៌មាននៅក្នុងសង្គម។
ក្នុងនាមជាសុឆន្ទៈមួយរូបរបស់អង្គការស៊ីប៉ា ដែលមានបេសកកម្មលើកកម្ពស់ការអាន បោះពុម្ពផ្សាយសៀវភៅជាភាសាខ្មែរ និងចែកចាយទៅគ្រប់ខេត្ដក្រុងទាំង ២៥ នីសា បានអំពាវនាវដល់ប្រជាជនគ្រប់ស្រទាប់វណ្ណៈពង្រឹងការអានសៀវភៅកាន់តែច្រើនបន្ថែមទៀត ដើម្បីអភិវឌ្ឍធនធានមនុស្សកម្ពុជា។
ក្រៅពីការចូលរួមដោយផ្ទាល់ជាមួយអង្គការស៊ីប៉ា ចុះទស្សនកិច្ចតាមកម្មវិធីបណ្ណាល័យចល័ត និងបណ្ណាល័យ/មណ្ឌល ធនធានមនុស្ស នៅក្នុងរោងចក្រកាត់ដេរ ដើម្បីលើកកម្ពស់វិស័យអំណានដល់ប្រជាសហគមន៍ កម្មករ កម្មការិនីតាមរោងចក្រហើយនោះ កញ្ញា សុគន្ធ នីសា សហការជាមួយអង្គការស៊ីប៉ា នឹងនិពន្ធបទចម្រៀងអប់រំពីសារប្រយោជន៍ការអានសៀវភៅទៀតផង។
គួរបញ្ជាក់ផងដែរ នៅថ្ងៃទី១១ ខែមីនា រៀងរាល់ឆ្នាំ រដ្ឋាភិបាលកម្ពុជាបានកំណត់ជា ទិវាជាតិអំណាន ដើម្បីបណ្តុះទម្លាប់អាន ជំរុញវប្បធម៌អាន លើកកម្ពស់សមត្ថភាពអាន និងការតែងនិពន្ធ រួមចំណែកការពារ និងពង្រឹងវប្បធម៌ខ្មែរ។ រដ្ឋាភិបាលបានបង្គាប់ដល់ថ្នាក់ដឹកនាំនៅតាមក្រសួង ស្ថាប័ន រដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិវិស័យឯកជន និងគ្រឹះស្ថានសិក្សានានា ឲ្យចូលរួមបំផុសគំនិតការអាន មន្ត្រីរាជការ សិស្ស និស្សិត កម្មករ និយោជិត និយោជក កងកម្លាំងប្រដាប់អាវុធ និងប្រជាជន ដើម្បីបង្កើតស្មារតី ប្រឡងប្រណាំងការអាន និងតែងនិពន្ធ។ នេះជាខ្លឹមសារក្នុងអនុក្រឹត្យចុះថ្ងៃទី១៤ កញ្ញា៕
© រក្សាសិទ្ធិដោយ thmeythmey.com
