ជាតិ
×![]()
ដោយ: ថ្មីៗ
ភ្នំពេញ៖ ស្ថានទូតសាធារណរដ្ឋកូរ៉េប្រចាំកម្ពុជានឹងរៀបចំពិព័រណ៍ផលិតផលជាច្រើនប្រភេទដូចជា គ្រឿងអេឡិចត្រូនិច (ទូរទស្សន៍ ទូរសព្ទ) គ្រឿងបរិភោគ ភេសជ្ជៈ គ្រឿងសំអាង ឱសថ វាយនភ័ណ្ឌ និងសំលៀកបំពាក់ និងប្រព័ន្ធហិរញ្ញវត្ថុអេឡិចត្រូនិច ជាដើម នៅម៉ោង ៦កន្លះរសៀលថ្ងៃទី១ ខែតុលា ឆ្នាំ២០១៥ នាសណ្ឋាគារ Intercontinental Phnom Penh ដើម្បីសាទរពិធីបុណ្យជាតិកូរ៉េឆ្នាំ ២០១៥ (National Day) និងពង្រឹងចំណងមិត្តភាពកូរ៉េ-កម្ពុជា។
ក្រុមហ៊ុនផលិតផលទំនិញល្បីៗរបស់កូរ៉េចំនួន ១១ ក្រុមហ៊ុន នឹងចូលរួមណែនាំអំពីផលិតផលទំនិញដោយសេរី ក្នុងនោះ រួមមាន ក្រុមហ៊ុន Sumsung, LG, The Pool Korea, KLS, Dongwha Pharm, Excellence Dental Supply, Webcash, Atomy Takhmao, Gawon Apparel, LAOPENGYOU & DONGINBI ។ល។ ក្រៅពីសាទរពិធីបុណ្យជាតិកូរ៉េឆ្នាំ ២០១៥ (National Day)នោះ ការរៀបចំពិព័រណ៍ ក៏មានបំណងផ្តល់ឱកាសពាណិជ្ជកម្មដល់សហគ្រាសកម្ពុជាដែលមានចំណាប់អារម្មណ៍ចង់សហការជាមួយសហគ្រាសកូរ៉េផងដែរ។
ទីភ្នាក់ងារជំរុញការវិនិយោគពាណិជ្ជកម្មកូរ៉េ (Korea Trade-Investment Promotion Agency) ហៅកាត់ថា KOTRA នឹងរៀបចំពិធីជួបជុំផ្តល់ការប្រឹក្សាយោបល់ដល់សហគ្រាសកម្ពុជាដែលមានចំណាប់អារម្មណ៍ចង់សហការជាមួយសហគ្រាសកូរ៉េ ចាប់ពីម៉ោង១០ព្រឹកទៅ នៅសាលជាប់នឹងសាលរៀបចំពិធីបុណ្យជាតិកូរ៉េ។ ក្រុមហ៊ុនសហគ្រាសនានាមានចំណាប់អារម្មណ៍ សូមទំនាក់ទំនងទៅ KOTRA។
កាន់ពិសេសថែមទៀត បើតាមការប្រកាសព័ត៌មានរបស់ទូតកូរ៉េ ភោជនីយដ្ឋានកូរ៉េល្បីៗ នៅភ្នំពេញ រួមមាន Le Seoul, Jaru, J8, Sura ជាដើម នឹងផ្តល់អាហារកូរ៉េជាច្រើនមុខប្លែកៗដល់ភ្ញៀវកិត្តិយសដែលអញ្ជើញមកចូលរួមពិធីបុណ្យជាតិកូរ៉េខាងមុខនេះ។ លើសពីនេះ ក្រុមហ៊ុនកូរ៉េផលិតអាហារគ្មានជាតិគីមី ឈ្មោះថា The Only Natural Dream ក៏នឹងរៀបចំកម្មវិធីភ្លក់អាហារគ្មានជាតិគីមី រួមមាន នំប៉ាវ, មី, ភេសជ្ជៈ -ល- ផងដែរ។
ស្ថានទូតសង្ឃឹមថា ប្រជាជនកម្ពុជានឹងកាន់តែមានចំណាប់អារម្មណ៍ ចំពោះកូរ៉េកាន់តែខ្លាំងជាងមុន តាមរយៈពិធីបុណ្យជាតិនេះ ហើយក្លាយជាឱកាសសម្រាប់ពង្រឹងទំនាក់ទំនងសហប្រតិបត្តិការមិត្តភាពរវាងប្រទេសទាំងពីរកូរ៉េ កម្ពុជា បន្ថែមទៀត។
គួរម្លឹកថា កាលពីពិធីបុណ្យជាតិឆ្នាំមុន ស្ថានទូតបានរៀបចំកម្មវិធី «The Kimchi Party» សម្រាប់ឆ្នាំនេះ កូរ៉េនឹងរៀបចំធ្វើកម្មវិធី «Visit Korea, Buy Korea» ណែនាំអំពីភោជនីយដ្ឋានកូរ៉េ និងក្រុមហ៊ុនកូរ៉េសំខាន់ៗ ដែលបានមកបណ្តាក់ទុននៅកម្ពុជា៕
ក្រុមហ៊ុនផលិតផលទំនិញល្បីៗរបស់កូរ៉េចំនួន ១១ ក្រុមហ៊ុន នឹងចូលរួមណែនាំអំពីផលិតផលទំនិញដោយសេរី ក្នុងនោះ រួមមាន ក្រុមហ៊ុន Sumsung, LG, The Pool Korea, KLS, Dongwha Pharm, Excellence Dental Supply, Webcash, Atomy Takhmao, Gawon Apparel, LAOPENGYOU & DONGINBI ។ល។ ក្រៅពីសាទរពិធីបុណ្យជាតិកូរ៉េឆ្នាំ ២០១៥ (National Day)នោះ ការរៀបចំពិព័រណ៍ ក៏មានបំណងផ្តល់ឱកាសពាណិជ្ជកម្មដល់សហគ្រាសកម្ពុជាដែលមានចំណាប់អារម្មណ៍ចង់សហការជាមួយសហគ្រាសកូរ៉េផងដែរ។
ទីភ្នាក់ងារជំរុញការវិនិយោគពាណិជ្ជកម្មកូរ៉េ (Korea Trade-Investment Promotion Agency) ហៅកាត់ថា KOTRA នឹងរៀបចំពិធីជួបជុំផ្តល់ការប្រឹក្សាយោបល់ដល់សហគ្រាសកម្ពុជាដែលមានចំណាប់អារម្មណ៍ចង់សហការជាមួយសហគ្រាសកូរ៉េ ចាប់ពីម៉ោង១០ព្រឹកទៅ នៅសាលជាប់នឹងសាលរៀបចំពិធីបុណ្យជាតិកូរ៉េ។ ក្រុមហ៊ុនសហគ្រាសនានាមានចំណាប់អារម្មណ៍ សូមទំនាក់ទំនងទៅ KOTRA។
កាន់ពិសេសថែមទៀត បើតាមការប្រកាសព័ត៌មានរបស់ទូតកូរ៉េ ភោជនីយដ្ឋានកូរ៉េល្បីៗ នៅភ្នំពេញ រួមមាន Le Seoul, Jaru, J8, Sura ជាដើម នឹងផ្តល់អាហារកូរ៉េជាច្រើនមុខប្លែកៗដល់ភ្ញៀវកិត្តិយសដែលអញ្ជើញមកចូលរួមពិធីបុណ្យជាតិកូរ៉េខាងមុខនេះ។ លើសពីនេះ ក្រុមហ៊ុនកូរ៉េផលិតអាហារគ្មានជាតិគីមី ឈ្មោះថា The Only Natural Dream ក៏នឹងរៀបចំកម្មវិធីភ្លក់អាហារគ្មានជាតិគីមី រួមមាន នំប៉ាវ, មី, ភេសជ្ជៈ -ល- ផងដែរ។
ស្ថានទូតសង្ឃឹមថា ប្រជាជនកម្ពុជានឹងកាន់តែមានចំណាប់អារម្មណ៍ ចំពោះកូរ៉េកាន់តែខ្លាំងជាងមុន តាមរយៈពិធីបុណ្យជាតិនេះ ហើយក្លាយជាឱកាសសម្រាប់ពង្រឹងទំនាក់ទំនងសហប្រតិបត្តិការមិត្តភាពរវាងប្រទេសទាំងពីរកូរ៉េ កម្ពុជា បន្ថែមទៀត។
គួរម្លឹកថា កាលពីពិធីបុណ្យជាតិឆ្នាំមុន ស្ថានទូតបានរៀបចំកម្មវិធី «The Kimchi Party» សម្រាប់ឆ្នាំនេះ កូរ៉េនឹងរៀបចំធ្វើកម្មវិធី «Visit Korea, Buy Korea» ណែនាំអំពីភោជនីយដ្ឋានកូរ៉េ និងក្រុមហ៊ុនកូរ៉េសំខាន់ៗ ដែលបានមកបណ្តាក់ទុននៅកម្ពុជា៕
Tag:
កម្ពុជា-កូរ៉េ
© រក្សាសិទ្ធិដោយ thmeythmey.com
