កីឡាអន្តរជាតិ
អន្តរជាតិ
លោក Klopp នឹងទទួលបានប្រាក់លើកទឹកចិត្តច្រើនបើនាំ Liverpool ជោគជ័យ
× Jurgen Klopp បានប្រកាសថាលោកព្រមទៅដឹកនាំក្រុមហង្សក្រហមជាផ្លូវការហើយដោយទទួលបានប្រាក់ពលកម្ម១៥លានផោន (ជាង ២៣លានដុល្លារអាមេរិក) ក្នុងកិច្ចសន្យារយៈពេល៣ឆ្នាំ។
អតីតអ្នកចាត់ការទូទៅ ក្រុម Borussia Dortmund វ័យ៤៨ឆ្នាំរូបនេះ ត្រូវបានជំនួសកៅអី លោក Brendan Rodgers ក្រោយបញ្ឈប់ពីតំណែងអ្នកចាត់ការទូទៅបន្ទាប់ពីប្រកួតបានត្រឹមស្មើ ១-១ ជាមួយ Everton កាលពីសប្តាហ៍មុន ដោយក្នុង ៨ប្រកួតហង្សក្រហមរកបានតែ១២ពិន្ទុប៉ុណ្ណោះឈរនៅលំដាប់ទី១០ក្នុងតារាងក្របខណ្ឌ English Premier League។
សូមរម្លឹកបន្តិចថា Klopp បានសំរាកពីបាល់ទាត់កាលពីអំឡុងខែឧសភា ក្រោយដឹកនាំ Dortmund ៧រដូវកាល ហើយជួយឲ្យក្រុមនៅអាល្លឺម៉ងមួយនេះ ងើបចេញពីពាក់កណ្ដាលតារាង Bundesliga និងបន្តឈ្នះជើងឯកកំពូលរបស់អាល្លឺម៉ង់២ដង និង ឡើងវគ្គផ្ដាច់ព្រ័ត្រ UEFA Champions League ម្ដងផងដែរ ។
ក្នុងការមកដឹកនាំLiverpool នេះលោក Klopp នឹងទទួលបានតម្លៃពលកម្មជិត៨លានដុល្លារក្នុង១ឆ្នាំ ហើយប្រសិនបើលោកអាចដឹកនាំក្រុមបានពាន Premier League ឬ បានកៅអីក្នុងក្របខណ្ឌ Champions League នារដូវកាលក្រោយនោះ លោកនឹងទទួលបានប្រាក់រង្វាន់ជាង៣លានដុល្លារបន្ថែមទៀត។
លោក Klopp ក៏រំពឹងថានឹងនាំយកលោក Zeljko Buvac និងលោក Peter Krawietz ដែលជាអតីតជំនួយការរបស់គាត់ ដើម្បីមកកាន់ទឹកដី Anfield នេះដែរ។
© រក្សាសិទ្ធិដោយ thmeythmey.com