ពីនេះ ពីនោះ
ពីពេលនេះទៅ ឈប់ញ៉ាំអាហារពេលយប់
×
ការទទួលទានអាហារ មុនពេលចូលគេង អាចធ្វើឲ្យអ្នក ប្រឈមមុខច្រើន ទៅនឹងបញ្ហាសុខភាពនានា។
ក្រុមគ្រូពេទ្យជំនាញ បានណែនាំថា ៖
• អ្នកគួរតែញ៉ាំអាហារ ឲ្យបានឆ្អែតល្មម នៅពេលល្ងាច ជាទៀងទាត់ ដើម្បីការពារអ្នក មិនឲ្យឃ្លាននៅពេលយប់ រៀបនឹងគេង។
• ត្រូវតែញ៉ាំអាហារពេលព្រឹក និងពេលថ្ងៃត្រង់ ប៉ុន្តែ កុំឲ្យច្រើនហួសហេតុពេក។
• គួរទទួលទានជាតិប្រូតេអ៊ីន ៣០ ក្រាម ក្នុងមួយពេលៗ ហើយត្រូវបន្ថែមអាហារមានជាតិសរសៃផងដែរ។ បុរសគួរតែទទួលទានអាហារ មានជាតិសរសៃប្រហែលជា ៣៨ ក្រាម ហើយស្ត្រីវិញ គួរតែឲ្យបាន ២៥ ក្រាម ក្នុងមួយថ្ងៃ។
• គេងឲ្យបាន ៧ ទៅ ៨ ម៉ោង ក្នុងមួយយប់។
• កុំញ៉ាំ ពេលអ្នកមើលទូរទស្សន៍ លេងហ្កេម ឬធ្វើការ។
• សួរខ្លួនឯងថា តើអ្នកពិតជាឃ្លាន ឬគ្រាន់តែចង់ញ៉ាំ កំដរភាពអផ្សុក។ បើឃ្លានមែន អ្នកគួរតែញ៉ាំចំណី ដែលមានសុខភាពល្អ ដូចជា ផ្លែប៉ោមជាដើម៕
អត្ថបទប្រែសម្រួល ៖ ឈឹម សៅភារ៉ា
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com