អន្តរជាតិ
លោក អូបាម៉ា មានពេលតិចតួចក្នុងការដោះស្រាយបញ្ហានុយក្លេអ៊ែរឧបទ្វីបកូរ៉េ
×![]()
ដំណើរទស្សនកិច្ចប្រធានាធិបតីកូរ៉េខាងត្បូងទៅកាន់សហរដ្ឋអាមេរិកនៅថ្ងៃសុក្រ នេះ បង្ហាញពីការវិវត្ត នៃចំណងមិត្តភាពទ្វេភាគីរវាងសម្ព័ន្ធមិត្តទាំងពីរ។ ប្រធានាធិបតី ប៉ាក ហ្គឺនហេ ត្រៀមលក្ខណៈរួចហើយដើម្បី ជជែកពិភាក្សាជាមួយប្រធានាធិបតីអាមេរិក លោក បារ៉ាក់ អូបាម៉ា ដើម្បីឈានទៅដោះស្រាយបញ្ហាសំខាន់មួយចំនួនជាពិសេសសន្តិសុខឧបទ្វីបកូរ៉េ។ ប៉ុន្តែលោក អូបាម៉ា មានពេលតិចតួចណាស់ក្នុងការជួយដោះស្រាយបញ្ហានុយក្លេអ៊ែរកូរ៉េនេះ។
ប្រធានាធិបតីអាមេរិកលោក បារ៉ាក់ អូបាម៉ា ត្រៀមលក្ខណៈទទួលស្វាគមន៍ដំណើរទស្សនកិច្ចផ្លូវរដ្ឋរបស់ប្រធានាធិបតីកូរ៉េខាងត្បូងលោកស្រី ប៉ាក ហ្គឺនហេ នៅថ្ងៃនេះ។ ដំណើរទស្សនកិច្ចរបស់ប្រមុខរដ្ឋកូរ៉េខាងត្បូងទៅសហរដ្ឋអាមេរិកនេះ ជាព្រឹត្តិការណ៍ប្រវត្តិសាស្ត្រមួយ និងបង្ហាញពីការប្តេជ្ញាចិត្តរក្សាសម្ព័ន្ធភាពប្រទេសទាំងពីរតាមការពង្រឹងទំនាក់ទំនងទ្វេភាគីនិងដោះស្រាយបញ្ហាសកលរួមគ្នាផង។
លោកស្រី ប៉ាក និងលោក អូបាម៉ា ទើបតែជួបគ្នាប៉ុន្មានសប្តាហ៍នេះទេ ក្នុងពេលលោកស្រីអញ្ជើញចូលរួមក្នុងកិច្ចប្រជុំមហាសន្និបាតអង្គការសហប្រជាជាតិនៅក្នុងទីក្រុងញូវយ៉កសហរដ្ឋអាមេរិក។ ប៉ុន្តែលោកស្រីមិនបានជជែកនិងមានការពិភាក្សាស៊ីជម្រៅជុំវិញបញ្ហាប្រឈមនានាដែលប្រទេសទាំងពីរកំពុងជួបប្រទះឡើយ។ កាលនោះប្រធានាធិបតីអាមេរិកត្រឹមទទួលដំណើរទស្សនកិច្ចផ្លូវរដ្ឋ និងចំណាយពេលជជែកពិភាក្សាទ្វេភាគីជាមួយប្រមុខរដ្ឋចិនលោក ស៊ី ជិនពីងប៉ុណ្ណោះ។
បើតាមការឲ្យដឹងពីមន្ត្រីរដ្ឋាភិបាលក្រុងសេអ៊ូល មេដឹកនាំប្រទេសទាំងពីរនឹងជជែកពិភាក្សាជាលក្ខណៈទ្វេភាគីដោយផ្តោតលើប្រធានបទជាច្រើនរួមមានការបន្តពង្រឹងសម្ព័ន្ធភាពយូរអង្វែង ការដោះស្រាយបញ្ហាបរិស្ថានពិភពលោក ការដោះស្រាយបញ្ហាសន្តិសុខឧបទ្វីបកូរ៉េ និងបញ្ហាសេដ្ឋកិច្ចផងដែរ។ ទោះជាប្រធានបទមានច្រើនក៏ដោយ រឿងចរចាកម្មវិធីនុយក្លេអ៊ែរកូរ៉េខាងជើងនៅតែជាបញ្ហាក្តៅនិងសំខាន់បំផុតសម្រាប់កូរ៉េខាងត្បូង និងសហរដ្ឋអាមេរិក។
វាជាពេលដែលប្រមុខរដ្ឋកូរ៉េខាងត្បូងពាំនាំទុក្ខកង្វល់នានាដើម្បីថ្លែងប្រាប់សមភាគីលោកស្រីលោក អូបាម៉ាផងដែរ។ ការបន្តបាញ់សាកល្បងកម្មជ្រួចនុយក្លេអ៊ែរនិង ការគំរាមធ្វើសង្គ្រាមជាដើមរបស់ភាគីកូរ៉េខាងជើងបានធ្វើឲ្យសន្តិសុខឧបទ្វីបកូរ៉េផុយស្រួយ។ បច្ចុប្បន្ន កូរ៉េខាងត្បូងរំពឹងថា រដ្ឋបាលអាមេរិកបច្ចុប្បន្នអាចនឹងមានយុទ្ធសាស្ត្រ ឬវិធានការអាចដាក់គំនៀបលើកូរ៉េខាងជើង ត្រលប់ចូលតុចរចាលើកម្មវិធីអាវុធនុក្លេអ៊ែរវិញផងដែរ។ ទោះជាសហរដ្ឋអាមេរិកជាខ្នងបង្អែកធំរបស់កូរ៉េខាងត្បូងក៏ដោយ វានៅពេលតិចណាស់សម្រាប់លោក អូបាម៉ា ក្នុងការសម្រេចគោលនយោបាយដាក់សម្ពាធលើក្រុងព្យុងយ៉ាងឲ្យត្រលប់មកចរចាលើបញ្ហានុយក្លេអ៊ែរដូចដែលអ៊ីរ៉ង់បានធ្វើកន្លងមកនោះ។
ក្នុងកិច្ចពិភាក្សាថ្ងៃនេះដែរ គេក៏រំពឹងថាលោក អូបាម៉ា នឹងឆ្លៀតឱកាសជំរុញឲ្យសម្ព័ន្ធមិត្តកូរ៉េខាងត្បូងប្រឹងប្រែងស្តារចំណងមិត្តភាពដែលញាំញឺដោយគំនុំប្រវត្តិសាស្ត្រជាមួយសម្ព័ន្ធមិត្តខ្លួនមួយទៀតជប៉ុនដែលជាមហាអំណាច អាស៊ីបូព៌ាដែរនោះ។ វាអាចជារឿងមួយដែលលោក អូបាម៉ា ចង់ឃើញបំផុតមុនពេលលោក ចាកចេញពីតំណែងជាប្រធានាធិបតី។
ត្រលប់មកផ្តោតលើបញ្ហាឧបទ្វីបកូរ៉េវិញម្តង។ រយៈពេលប៉ុន្មានខែចុងក្រោយនេះបញ្ហាសន្តិសុខកូរ៉េខាងត្បូងផុយស្រួយខ្លាំង ដោយសារការចាក់ឧបករណ៍បំពងសំឡេងរបស់កូរ៉េខាងត្បូង និងការចោទប្រកាន់គ្នាទៅវិញទៅមករឿងដាក់បង្កប់មីននៅតំបន់គ្មានយោធា។ ហើយការប្រឈមមុខគ្នានេះ បណ្តាលឲ្យកងទ័ពប្រទេសទាំងពីរឈានដល់ប៉ះទង្គិចគ្នាថែមទៀតផង។ ម្យ៉ាងកាលពីសប្តាហ៍មុនមេដឹកនាំកំពូលកូរ៉េខាងជើង គីម ជុងអ៊ុន បានអះអាងរួចហើយក្នុងកម្មវិធីបុណ្យជាតិថា កូរ៉េខាងជើងអាចកំដរអាមេរិកប្រយុទ្ធបានគ្រប់សង្គ្រាម។
ទោះរដ្ឋបាលលោក អូបាម៉ា មានលទ្ធភាពតិចតួចក្នុងការដាក់គំនៀបកូរ៉េខាងជើងឲ្យងាកមកចរចាវិញក៏ដោយ លោកស្រី ប៉ាក មានលទ្ធភាពក្នុងការពង្រឹងចំណងមិត្តភាពជាមួយក្រុងប៉េកាំងដែលជាបងធំរបស់កូរ៉េខាងជើង។ ទំនាក់ទំនងល្អនេះ អាចនឹងក្លាយជាសញ្ញាវិជ្ជមានមួយក្នុងដំណើរចរចារដោះស្រាយវិបត្តិនុយក្លេអ៊ែរឧបទ្វីបកូរ៉េ ព្រោះចិនមានទឹកមាត់ប្រៃ។ អាចនិយាយថា រយៈពេលពីរបីឆ្នាំចុងក្រោយនេះ ទំនាក់ទំនងកូរ៉េខាងត្បូងជាមួយចិនស្អិតល្មួតជាងទំនាក់ទំនងរវាងចិនជាមួយក្រុងព្យុងយ៉ាងទៅទៀត។ មេដឹកនាំកូរ៉េខាងជើងមិនទាន់ជួបប្រធានាធិបតីចិនសូម្បីតែម្តង ប៉ុន្តែលោកស្រី ប៉ាក បានជួបពិភាក្សាទ្វេភាកីជាមួយលោក ស៊ី ជិនពីង ប្រាំមួយដងរួចមកហើយតាំងពីលោកស្រីឡើងកាន់តំណែងមក៕
ប្រធានាធិបតីអាមេរិកលោក បារ៉ាក់ អូបាម៉ា ត្រៀមលក្ខណៈទទួលស្វាគមន៍ដំណើរទស្សនកិច្ចផ្លូវរដ្ឋរបស់ប្រធានាធិបតីកូរ៉េខាងត្បូងលោកស្រី ប៉ាក ហ្គឺនហេ នៅថ្ងៃនេះ។ ដំណើរទស្សនកិច្ចរបស់ប្រមុខរដ្ឋកូរ៉េខាងត្បូងទៅសហរដ្ឋអាមេរិកនេះ ជាព្រឹត្តិការណ៍ប្រវត្តិសាស្ត្រមួយ និងបង្ហាញពីការប្តេជ្ញាចិត្តរក្សាសម្ព័ន្ធភាពប្រទេសទាំងពីរតាមការពង្រឹងទំនាក់ទំនងទ្វេភាគីនិងដោះស្រាយបញ្ហាសកលរួមគ្នាផង។
លោកស្រី ប៉ាក និងលោក អូបាម៉ា ទើបតែជួបគ្នាប៉ុន្មានសប្តាហ៍នេះទេ ក្នុងពេលលោកស្រីអញ្ជើញចូលរួមក្នុងកិច្ចប្រជុំមហាសន្និបាតអង្គការសហប្រជាជាតិនៅក្នុងទីក្រុងញូវយ៉កសហរដ្ឋអាមេរិក។ ប៉ុន្តែលោកស្រីមិនបានជជែកនិងមានការពិភាក្សាស៊ីជម្រៅជុំវិញបញ្ហាប្រឈមនានាដែលប្រទេសទាំងពីរកំពុងជួបប្រទះឡើយ។ កាលនោះប្រធានាធិបតីអាមេរិកត្រឹមទទួលដំណើរទស្សនកិច្ចផ្លូវរដ្ឋ និងចំណាយពេលជជែកពិភាក្សាទ្វេភាគីជាមួយប្រមុខរដ្ឋចិនលោក ស៊ី ជិនពីងប៉ុណ្ណោះ។
បើតាមការឲ្យដឹងពីមន្ត្រីរដ្ឋាភិបាលក្រុងសេអ៊ូល មេដឹកនាំប្រទេសទាំងពីរនឹងជជែកពិភាក្សាជាលក្ខណៈទ្វេភាគីដោយផ្តោតលើប្រធានបទជាច្រើនរួមមានការបន្តពង្រឹងសម្ព័ន្ធភាពយូរអង្វែង ការដោះស្រាយបញ្ហាបរិស្ថានពិភពលោក ការដោះស្រាយបញ្ហាសន្តិសុខឧបទ្វីបកូរ៉េ និងបញ្ហាសេដ្ឋកិច្ចផងដែរ។ ទោះជាប្រធានបទមានច្រើនក៏ដោយ រឿងចរចាកម្មវិធីនុយក្លេអ៊ែរកូរ៉េខាងជើងនៅតែជាបញ្ហាក្តៅនិងសំខាន់បំផុតសម្រាប់កូរ៉េខាងត្បូង និងសហរដ្ឋអាមេរិក។
វាជាពេលដែលប្រមុខរដ្ឋកូរ៉េខាងត្បូងពាំនាំទុក្ខកង្វល់នានាដើម្បីថ្លែងប្រាប់សមភាគីលោកស្រីលោក អូបាម៉ាផងដែរ។ ការបន្តបាញ់សាកល្បងកម្មជ្រួចនុយក្លេអ៊ែរនិង ការគំរាមធ្វើសង្គ្រាមជាដើមរបស់ភាគីកូរ៉េខាងជើងបានធ្វើឲ្យសន្តិសុខឧបទ្វីបកូរ៉េផុយស្រួយ។ បច្ចុប្បន្ន កូរ៉េខាងត្បូងរំពឹងថា រដ្ឋបាលអាមេរិកបច្ចុប្បន្នអាចនឹងមានយុទ្ធសាស្ត្រ ឬវិធានការអាចដាក់គំនៀបលើកូរ៉េខាងជើង ត្រលប់ចូលតុចរចាលើកម្មវិធីអាវុធនុក្លេអ៊ែរវិញផងដែរ។ ទោះជាសហរដ្ឋអាមេរិកជាខ្នងបង្អែកធំរបស់កូរ៉េខាងត្បូងក៏ដោយ វានៅពេលតិចណាស់សម្រាប់លោក អូបាម៉ា ក្នុងការសម្រេចគោលនយោបាយដាក់សម្ពាធលើក្រុងព្យុងយ៉ាងឲ្យត្រលប់មកចរចាលើបញ្ហានុយក្លេអ៊ែរដូចដែលអ៊ីរ៉ង់បានធ្វើកន្លងមកនោះ។
ក្នុងកិច្ចពិភាក្សាថ្ងៃនេះដែរ គេក៏រំពឹងថាលោក អូបាម៉ា នឹងឆ្លៀតឱកាសជំរុញឲ្យសម្ព័ន្ធមិត្តកូរ៉េខាងត្បូងប្រឹងប្រែងស្តារចំណងមិត្តភាពដែលញាំញឺដោយគំនុំប្រវត្តិសាស្ត្រជាមួយសម្ព័ន្ធមិត្តខ្លួនមួយទៀតជប៉ុនដែលជាមហាអំណាច អាស៊ីបូព៌ាដែរនោះ។ វាអាចជារឿងមួយដែលលោក អូបាម៉ា ចង់ឃើញបំផុតមុនពេលលោក ចាកចេញពីតំណែងជាប្រធានាធិបតី។
ត្រលប់មកផ្តោតលើបញ្ហាឧបទ្វីបកូរ៉េវិញម្តង។ រយៈពេលប៉ុន្មានខែចុងក្រោយនេះបញ្ហាសន្តិសុខកូរ៉េខាងត្បូងផុយស្រួយខ្លាំង ដោយសារការចាក់ឧបករណ៍បំពងសំឡេងរបស់កូរ៉េខាងត្បូង និងការចោទប្រកាន់គ្នាទៅវិញទៅមករឿងដាក់បង្កប់មីននៅតំបន់គ្មានយោធា។ ហើយការប្រឈមមុខគ្នានេះ បណ្តាលឲ្យកងទ័ពប្រទេសទាំងពីរឈានដល់ប៉ះទង្គិចគ្នាថែមទៀតផង។ ម្យ៉ាងកាលពីសប្តាហ៍មុនមេដឹកនាំកំពូលកូរ៉េខាងជើង គីម ជុងអ៊ុន បានអះអាងរួចហើយក្នុងកម្មវិធីបុណ្យជាតិថា កូរ៉េខាងជើងអាចកំដរអាមេរិកប្រយុទ្ធបានគ្រប់សង្គ្រាម។
ទោះរដ្ឋបាលលោក អូបាម៉ា មានលទ្ធភាពតិចតួចក្នុងការដាក់គំនៀបកូរ៉េខាងជើងឲ្យងាកមកចរចាវិញក៏ដោយ លោកស្រី ប៉ាក មានលទ្ធភាពក្នុងការពង្រឹងចំណងមិត្តភាពជាមួយក្រុងប៉េកាំងដែលជាបងធំរបស់កូរ៉េខាងជើង។ ទំនាក់ទំនងល្អនេះ អាចនឹងក្លាយជាសញ្ញាវិជ្ជមានមួយក្នុងដំណើរចរចារដោះស្រាយវិបត្តិនុយក្លេអ៊ែរឧបទ្វីបកូរ៉េ ព្រោះចិនមានទឹកមាត់ប្រៃ។ អាចនិយាយថា រយៈពេលពីរបីឆ្នាំចុងក្រោយនេះ ទំនាក់ទំនងកូរ៉េខាងត្បូងជាមួយចិនស្អិតល្មួតជាងទំនាក់ទំនងរវាងចិនជាមួយក្រុងព្យុងយ៉ាងទៅទៀត។ មេដឹកនាំកូរ៉េខាងជើងមិនទាន់ជួបប្រធានាធិបតីចិនសូម្បីតែម្តង ប៉ុន្តែលោកស្រី ប៉ាក បានជួបពិភាក្សាទ្វេភាកីជាមួយលោក ស៊ី ជិនពីង ប្រាំមួយដងរួចមកហើយតាំងពីលោកស្រីឡើងកាន់តំណែងមក៕
Tag:
លោក អូបាម៉ា
© រក្សាសិទ្ធិដោយ thmeythmey.com
