កីឡាជាតិ
ជាតិ
×![]()
ពិធីសារជាកិច្ចព្រមព្រៀងសាងសង់ពហុកីឡដ្ឋានមរតកតេជោ ជាឯកសារមួយក្នុងចំណោម៥ ដែលត្រូវបានចុះហត្ថលេខាកាលពីថ្ងៃទី១៥ ខែតុលា នៅវិមានប្រជាជនចិន ក្រុងប៉េកាំង ក្រោមវត្តមានរបស់លោកនាយករដ្ឋមន្ត្រី ហ៊ុន សែន និងលោកប្រធានាធិបតីចិន ស៊ី ជិនពីង (Xi Jinping) ។ បើតាម លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ពិធីសារនេះ គឺជាការទទួលស្គាល់នូវគម្រោងថវិកាដែលបានវាយតម្លៃលើការសាងសង់ពហុកីឡដ្ឋានដ៏ទំនើបនៅកម្ពុជាសម្រាប់រៀបចំព្រឹត្តិការណ៍កីឡាស៊ីហ្គេមនាឆ្នាំ២០២៣ ។
លោកនាយករដ្ឋមន្ត្រី ហ៊ុន សែន និងលោកប្រធានាធិបតីចិន Xi Jinping បានធ្វើជាសាក្សីនាពិធីចុះហត្ថលេខាលើឯកសារចំនួន៥កាលពីថ្ងៃទី១៥ ខែតុលា នៅវិមានប្រជាជនចិន ក្នុងទីក្រុងប៉េកាំង ដោយពិធីសារជាកិច្ចព្រមព្រៀងសាងសង់ពហុកីឡដ្ឋានមរតកតេជោ សម្រាប់រៀបចំព្រឹត្តិការណ៍កីឡាស៊ីហ្គេមនាឆ្នាំ២០២៣ គឺជាឯកសារទីមួយដែលត្រូវចុះហត្ថលេខា។
អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) លោក វ៉ាត់ ចំរើន បានបញ្ជាក់ប្រាប់សារព័ត៌មានថ្មីៗថា ពិធីសារជាកិច្ចព្រមព្រៀងនេះ គឺជាការទទួលស្គាល់នូវគម្រោងថវិកាដែលវាយតម្លៃសំណង់ពហុកីឡដ្ឋានមរតកតេជោដ៏ទំនើបនៅកម្ពុជា។
នាពិធីចុះហត្ថលេខាពេលនោះ ភាគីចិន បានឯកភាពផ្តល់ជំនួយឥតសំណងដល់កម្ពុជាចំនួន១ពាន់លានយ័ន ឬជាង១៥០លានដុល្លារអាមេរិក។ ដោយមិនបានលើកឡើងពីចំនួនពិតប្រាកដ លោក វ៉ាត់ ចំរើន បានអះអាងថា ខ្ទង់ជំនួយភាគច្រើន នឹងប្រើប្រាស់ទៅលើការសាងសង់ពហុកីឡដ្ឋានមរតកតេជោដែលស្ថិតចម្ងាយ១៥គីឡូម៉ែត្រ ភាគខាងជើងរាជធានីភ្នំពេញ។
នៅលើផ្ទៃដីជាង៨០ហិចតា លោកនាយករដ្ឋមន្ត្រី ហ៊ុន សែន បានបញ្ជាគ្រឿងចក្របើកការដ្ឋានសាងសង់ពហុកីឡដ្ឋានទំនើបស្តង់ដារអន្តរជាតិនេះ កាលពីថ្ងៃទី១២ ខែមេសា ឆ្នាំ២០១៣ ។ លោក វ៉ាត់ ចំរើន បានបញ្ជាក់ថា ដំណាក់កាលទីមួយដែលមានអាងហែលទឹក ទីលានហ្វឹកហាត់កីឡាក្នុងសាល និងអគារស្នាក់នៅរបស់កីឡាករជាដើមនោះ បានសម្រេច៧០ភាគរយហើយ ខណៈដំណាក់កាលទីពីរដែលផ្តោតទៅលើសំណង់ចម្បងរបស់កីឡដ្ឋាន ត្រូវចាប់ដំណើរនៅដើមឆ្នាំ២០១៦ មុននឹងឈានដល់ដំណាក់កាលទីបី សម្រាប់សំណង់បន្ទាប់បន្សំ។
លោកអគ្គលេខាធិការ NOCC បានវាយតម្លៃថា ក្រុមការងារសាងសង់ យកចិត្តទុកដាក់យ៉ាងខ្លាំងលើសំណង់ដ៏ទំនើបនេះ ដោយភាគីចិនសន្យាថា នឹងធ្វើឲ្យបានល្អឥតខ្ចោះ ដោយមិនខ្វល់ពីថវិកាដែលត្រូវចំណាយ។ លោក វ៉ាត់ ចំរើន បានបន្ថែមថា កាលពីថ្មីៗនេះ ប្លង់មេនៃសំណង់ពហុកីឡដ្ឋានមរតកតេជោ ត្រូវបានដាក់បង្ហាញក្នុងពិព័រណ៌អន្តរជាតិមួយនៅក្នុងប្រទេសសឹង្ហបុរី ដោយសំណង់នេះ នឹងក្លាយជាស្ថាបត្យកម្មកីឡាថ្មី និងទំនើបមួយប្រចាំតំបន់អាស៊ីអាគ្នេយ៍។
សូមបញ្ជាក់ថា កម្ពុជាត្រូវបានផ្តល់សិទ្ធិធ្វើជាម្ចាស់ផ្ទះលើកដំបូងសម្រាប់ការរៀបចំព្រឹត្តិការណ៍កីឡាស៊ីហ្គេមលើកទី៣២ នាឆ្នាំ២០២៣ ខាងមុខ ដោយពហុកីឡដ្ឋានមរតកតេជោ នឹងក្លាយជាទីតាំងចម្បងសម្រាប់ព្រឹត្តិការណ៍កីឡាថ្នាក់តំបន់នេះ។
នៅក្នុងសន្ទរកថាមួយនៅក្រុងប៉េកាំង កាលពីថ្ងៃទី១៤ ខែតុលា ឆ្នាំ២០១៥ លោកនាយករដ្ឋមន្ត្រី ហ៊ុន សែន ថ្លែងថា ចិនគឺជាកល្យាណមិត្តរបស់កម្ពុជាក្នុងគ្រប់កាលៈទេសៈ។ លោកបានអះអាងថា បើគ្មានការឧបត្ថម្ភពីមិត្តចិនទេ ដំណើរការអភិវឌ្ឍសេដ្ឋកិច្ច-សង្គមរបស់កម្ពុជាពិតជាមិនអាចមានភាពជោគជ័យដូចសព្វថ្ងៃនេះទេ៕
លោកនាយករដ្ឋមន្ត្រី ហ៊ុន សែន និងលោកប្រធានាធិបតីចិន Xi Jinping បានធ្វើជាសាក្សីនាពិធីចុះហត្ថលេខាលើឯកសារចំនួន៥កាលពីថ្ងៃទី១៥ ខែតុលា នៅវិមានប្រជាជនចិន ក្នុងទីក្រុងប៉េកាំង ដោយពិធីសារជាកិច្ចព្រមព្រៀងសាងសង់ពហុកីឡដ្ឋានមរតកតេជោ សម្រាប់រៀបចំព្រឹត្តិការណ៍កីឡាស៊ីហ្គេមនាឆ្នាំ២០២៣ គឺជាឯកសារទីមួយដែលត្រូវចុះហត្ថលេខា។
អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) លោក វ៉ាត់ ចំរើន បានបញ្ជាក់ប្រាប់សារព័ត៌មានថ្មីៗថា ពិធីសារជាកិច្ចព្រមព្រៀងនេះ គឺជាការទទួលស្គាល់នូវគម្រោងថវិកាដែលវាយតម្លៃសំណង់ពហុកីឡដ្ឋានមរតកតេជោដ៏ទំនើបនៅកម្ពុជា។
នាពិធីចុះហត្ថលេខាពេលនោះ ភាគីចិន បានឯកភាពផ្តល់ជំនួយឥតសំណងដល់កម្ពុជាចំនួន១ពាន់លានយ័ន ឬជាង១៥០លានដុល្លារអាមេរិក។ ដោយមិនបានលើកឡើងពីចំនួនពិតប្រាកដ លោក វ៉ាត់ ចំរើន បានអះអាងថា ខ្ទង់ជំនួយភាគច្រើន នឹងប្រើប្រាស់ទៅលើការសាងសង់ពហុកីឡដ្ឋានមរតកតេជោដែលស្ថិតចម្ងាយ១៥គីឡូម៉ែត្រ ភាគខាងជើងរាជធានីភ្នំពេញ។
នៅលើផ្ទៃដីជាង៨០ហិចតា លោកនាយករដ្ឋមន្ត្រី ហ៊ុន សែន បានបញ្ជាគ្រឿងចក្របើកការដ្ឋានសាងសង់ពហុកីឡដ្ឋានទំនើបស្តង់ដារអន្តរជាតិនេះ កាលពីថ្ងៃទី១២ ខែមេសា ឆ្នាំ២០១៣ ។ លោក វ៉ាត់ ចំរើន បានបញ្ជាក់ថា ដំណាក់កាលទីមួយដែលមានអាងហែលទឹក ទីលានហ្វឹកហាត់កីឡាក្នុងសាល និងអគារស្នាក់នៅរបស់កីឡាករជាដើមនោះ បានសម្រេច៧០ភាគរយហើយ ខណៈដំណាក់កាលទីពីរដែលផ្តោតទៅលើសំណង់ចម្បងរបស់កីឡដ្ឋាន ត្រូវចាប់ដំណើរនៅដើមឆ្នាំ២០១៦ មុននឹងឈានដល់ដំណាក់កាលទីបី សម្រាប់សំណង់បន្ទាប់បន្សំ។
លោកអគ្គលេខាធិការ NOCC បានវាយតម្លៃថា ក្រុមការងារសាងសង់ យកចិត្តទុកដាក់យ៉ាងខ្លាំងលើសំណង់ដ៏ទំនើបនេះ ដោយភាគីចិនសន្យាថា នឹងធ្វើឲ្យបានល្អឥតខ្ចោះ ដោយមិនខ្វល់ពីថវិកាដែលត្រូវចំណាយ។ លោក វ៉ាត់ ចំរើន បានបន្ថែមថា កាលពីថ្មីៗនេះ ប្លង់មេនៃសំណង់ពហុកីឡដ្ឋានមរតកតេជោ ត្រូវបានដាក់បង្ហាញក្នុងពិព័រណ៌អន្តរជាតិមួយនៅក្នុងប្រទេសសឹង្ហបុរី ដោយសំណង់នេះ នឹងក្លាយជាស្ថាបត្យកម្មកីឡាថ្មី និងទំនើបមួយប្រចាំតំបន់អាស៊ីអាគ្នេយ៍។
សូមបញ្ជាក់ថា កម្ពុជាត្រូវបានផ្តល់សិទ្ធិធ្វើជាម្ចាស់ផ្ទះលើកដំបូងសម្រាប់ការរៀបចំព្រឹត្តិការណ៍កីឡាស៊ីហ្គេមលើកទី៣២ នាឆ្នាំ២០២៣ ខាងមុខ ដោយពហុកីឡដ្ឋានមរតកតេជោ នឹងក្លាយជាទីតាំងចម្បងសម្រាប់ព្រឹត្តិការណ៍កីឡាថ្នាក់តំបន់នេះ។
នៅក្នុងសន្ទរកថាមួយនៅក្រុងប៉េកាំង កាលពីថ្ងៃទី១៤ ខែតុលា ឆ្នាំ២០១៥ លោកនាយករដ្ឋមន្ត្រី ហ៊ុន សែន ថ្លែងថា ចិនគឺជាកល្យាណមិត្តរបស់កម្ពុជាក្នុងគ្រប់កាលៈទេសៈ។ លោកបានអះអាងថា បើគ្មានការឧបត្ថម្ភពីមិត្តចិនទេ ដំណើរការអភិវឌ្ឍសេដ្ឋកិច្ច-សង្គមរបស់កម្ពុជាពិតជាមិនអាចមានភាពជោគជ័យដូចសព្វថ្ងៃនេះទេ៕
Tag:
ពហុកីឡដ្ឋានមរតកតេជោ
ស៊ីហ្គេម
© រក្សាសិទ្ធិដោយ thmeythmey.com
