អន្តរជាតិ
×![]()
សេអ៊ូល៖ និយាយដល់ប្រព័ន្ធសម្រាប់ស្វែងរកព័ត៌មានហ្គូហ្កល Google មនុស្សស្ទើរគ្រប់គ្នា សុទ្ធតែស្គាល់ច្បាស់ហើយប្រទេសជាច្រើនបានប្រើប្រាស់ប្រព័ន្ធនេះដើម្បីសម្រួលដល់ការ ស្វែងរករាល់ព័ត៌មានតាមប្រព័ន្ធអ៊ីនធឺណែត។ប៉ុន្តែប្រទេសប្រហែល១០នៅលើពិភពលោកបានបង្កើតប្រព័ន្ធបច្ចេកទេសសម្រាប់ស្វែងរកខ្លួនឯងតម្រូវតាមសង្គមនិងការចង់បានរបស់ ប្រជាជនខ្លួនក្នុងនោះមានប្រទេសកូរ៉េខាងត្បូងផងដែរ។
លោក រឿន ភារុន រាយការណ៍ព័ត៌មាន លម្អិត៖
ប្រព័ន្ធសម្រាប់ស្វែងរក (Searching engine ) របស់ប្រទេសកូរ៉េខាងត្បូងនេះ មានឈ្មោះថា Naver ដែលមកទល់បច្ចុប្បន្ន មានប្រជាជនកូរ៉េប្រហែលច្រើនជាង ៨០ភាគរយប្រើប្រាស់ប្រចាំថ្ងៃ។ តាមពិតទៅការបង្កើតនេះ វាទាក់ទាក់ទង និងបច្ចេកវិទ្យាដែលប្រទេសនីមួយៗមានផងដែរ ដូចដែលឃើញស្រាប់ប្រទេសកូរ៉េខាងត្បូងមានបច្ចេកវិទ្យាទំនើបៗ និងមានធនធាន មនុស្សច្រើនផង។ តែវាអាចថា ជាកត្តាតូចមួយប៉ុណ្ណោះដែលតម្រូវឲ្យកូរ៉េឈប់ពឹងផ្អែកលើប្រព័ន្ធហ្គូហ្កលរបស់សហរដ្ឋអាមេរិក។
បើតាមការឲ្យដឹងពីសំណាក់សាស្ត្រាចារ្យខាងទំនាក់ទំនង និងប្រព័ន្ធផ្សព្វផ្សាយនៃ សកលវិទ្យាល័យកូរ៉េលោក Seongcheol Kim មូលហេតុជំរុញឲ្យកូរ៉េឈប់ប្រើប្រាស់ប្រព័ន្ធស្វែងរករបស់អាមេរិកហ្គូហ្កលមានច្រើន។ មូលហេតុចម្បង គឺប្រជាជនកូរ៉េភាគច្រើនមានស្មារតីជាតិនិយមខ្ពស់ ហើយពួកគេចង់មានអ្វីដែលមានតែមួយអ្វីដែលល្អប្លែកពីគេ និងជាអត្តសញ្ញាណតំណាងឲ្យសង្គមប្រជាជាតិនិងមានលក្ខណៈប្រសើរតម្រូវការចង់បានរបស់ប្រជាជនកូរ៉េខាងត្បូងទូទៅថែមទៀត។
បើសិនជាគ្មានស្មារតីជាតិនិយម និងមហិច្ឆតាចង់បានអ្វីដែលជាអត្តសញ្ញាណ និងតំណាងឲ្យប្រជាជាតិខ្លួនទេ កូរ៉េខាងត្បូងក៏នៅបន្តប្រើប្រាស់ប្រភេទប្រព័ន្ធស្វែងរកហ្គូហ្កលដូចប្រទេស ឯទៀតបច្ចុប្បន្នដែរ។ លោកបានសង្កត់ធ្ងន់ថា វាជាការពិតដែលថាការប្រើប្រាស់ប្រព័ន្ធស្វែង រកដូចជាហ្គូហ្កលរបស់អាមេរិកនឹងផ្លាស់ប្តូរផ្នត់គំនិតរបស់ប្រជាជនគ្រប់រួប ឬអាចនិយាយ ថាវាមានឥទ្ធិពលលើការគិតពិចារណារបស់ប្រជាជនខ្លាំង។
ក្រៅពីមានបច្ចេកវិទ្យារីកចម្រើនដោយបង្កើតប្រព័ន្ធស្វែងរកផ្ទាល់ខ្លួនកូរ៉េខាងត្បូងក៏ស្ថិត ក្នុងចំណាត់ថ្នាក់ប្រទេសដែលមានល្បឿនអ៊ិនធឺណែតលឿនផុតគេមួយលើលោកដែរ ដោយមានល្បឿនដល់ ២២ម៉េហ្កាបៃក្នុងមួយវិនាទីឯណោះ។ អ្វីដែលពិសេសជាងនេះទៀត នោះប្រជាជនជិតដល់ ១០០ភាគរយមានអ៊ីនធឺណែតប្រើប្រាស់ហើយសេវាអ៊ីនធឺណែត វ៉ាយហ្វាយ សម្រាប់បង់ប្រចាំខែតាមផ្ទះមានតម្លៃត្រឹម ២០ដុល្លារប៉ុណ្ណោះ៕
លោក រឿន ភារុន រាយការណ៍ព័ត៌មាន លម្អិត៖
ប្រព័ន្ធសម្រាប់ស្វែងរក (Searching engine ) របស់ប្រទេសកូរ៉េខាងត្បូងនេះ មានឈ្មោះថា Naver ដែលមកទល់បច្ចុប្បន្ន មានប្រជាជនកូរ៉េប្រហែលច្រើនជាង ៨០ភាគរយប្រើប្រាស់ប្រចាំថ្ងៃ។ តាមពិតទៅការបង្កើតនេះ វាទាក់ទាក់ទង និងបច្ចេកវិទ្យាដែលប្រទេសនីមួយៗមានផងដែរ ដូចដែលឃើញស្រាប់ប្រទេសកូរ៉េខាងត្បូងមានបច្ចេកវិទ្យាទំនើបៗ និងមានធនធាន មនុស្សច្រើនផង។ តែវាអាចថា ជាកត្តាតូចមួយប៉ុណ្ណោះដែលតម្រូវឲ្យកូរ៉េឈប់ពឹងផ្អែកលើប្រព័ន្ធហ្គូហ្កលរបស់សហរដ្ឋអាមេរិក។
បើតាមការឲ្យដឹងពីសំណាក់សាស្ត្រាចារ្យខាងទំនាក់ទំនង និងប្រព័ន្ធផ្សព្វផ្សាយនៃ សកលវិទ្យាល័យកូរ៉េលោក Seongcheol Kim មូលហេតុជំរុញឲ្យកូរ៉េឈប់ប្រើប្រាស់ប្រព័ន្ធស្វែងរករបស់អាមេរិកហ្គូហ្កលមានច្រើន។ មូលហេតុចម្បង គឺប្រជាជនកូរ៉េភាគច្រើនមានស្មារតីជាតិនិយមខ្ពស់ ហើយពួកគេចង់មានអ្វីដែលមានតែមួយអ្វីដែលល្អប្លែកពីគេ និងជាអត្តសញ្ញាណតំណាងឲ្យសង្គមប្រជាជាតិនិងមានលក្ខណៈប្រសើរតម្រូវការចង់បានរបស់ប្រជាជនកូរ៉េខាងត្បូងទូទៅថែមទៀត។
បើសិនជាគ្មានស្មារតីជាតិនិយម និងមហិច្ឆតាចង់បានអ្វីដែលជាអត្តសញ្ញាណ និងតំណាងឲ្យប្រជាជាតិខ្លួនទេ កូរ៉េខាងត្បូងក៏នៅបន្តប្រើប្រាស់ប្រភេទប្រព័ន្ធស្វែងរកហ្គូហ្កលដូចប្រទេស ឯទៀតបច្ចុប្បន្នដែរ។ លោកបានសង្កត់ធ្ងន់ថា វាជាការពិតដែលថាការប្រើប្រាស់ប្រព័ន្ធស្វែង រកដូចជាហ្គូហ្កលរបស់អាមេរិកនឹងផ្លាស់ប្តូរផ្នត់គំនិតរបស់ប្រជាជនគ្រប់រួប ឬអាចនិយាយ ថាវាមានឥទ្ធិពលលើការគិតពិចារណារបស់ប្រជាជនខ្លាំង។
ក្រៅពីមានបច្ចេកវិទ្យារីកចម្រើនដោយបង្កើតប្រព័ន្ធស្វែងរកផ្ទាល់ខ្លួនកូរ៉េខាងត្បូងក៏ស្ថិត ក្នុងចំណាត់ថ្នាក់ប្រទេសដែលមានល្បឿនអ៊ិនធឺណែតលឿនផុតគេមួយលើលោកដែរ ដោយមានល្បឿនដល់ ២២ម៉េហ្កាបៃក្នុងមួយវិនាទីឯណោះ។ អ្វីដែលពិសេសជាងនេះទៀត នោះប្រជាជនជិតដល់ ១០០ភាគរយមានអ៊ីនធឺណែតប្រើប្រាស់ហើយសេវាអ៊ីនធឺណែត វ៉ាយហ្វាយ សម្រាប់បង់ប្រចាំខែតាមផ្ទះមានតម្លៃត្រឹម ២០ដុល្លារប៉ុណ្ណោះ៕
Tag:
បច្ចេកវិទ្យា
Google
Naver
© រក្សាសិទ្ធិដោយ thmeythmey.com
