អន្តរជាតិ
លោក អូបាម៉ា ប្រកាសទុកទ័ព១ម៉ឺននាក់នៅអាហ្វហ្កានីស្ថានរហូតចប់អាណត្តិ
×![]()
ប្រមុខរដ្ឋអាមេរិកលោក បារ៉ាក់ អូបាម៉ា បានសម្រេចទុកកងទ័ពអាមេរិកនៅក្នុងប្រទេសអាហ្វហ្កានីស្ថាន ក្នុងកម្រិត ៩៨០០ រហូតដល់ឆ្នាំ២០១៧នៅពេលដែលលោកចាកចេញពីតំណែង។ ការសម្រេចចិត្តជាថ្មីនេះកើតឡើងក្រោយមានការចរចាគ្នាអស់ពេលជាច្រើនខែរវាងមេដឹកនាំអាមេរិកនិងរដ្ឋាភិបាលអាហ្វហ្កានីស្ថាន និងក្រោយពេលដែលក្រុមតាលីបង់បង្កើនការវាយប្រហារនិងដណ្តើមតំបន់ជាច្រើនយកទៅកាន់កាប់កាលពីថ្មីៗកន្លងមកនេះ។
លោក មុំ ពិទូរ្យ លម្អិតព័ត៌មាននេះ
ប្រធានាធិបតីអាមេរិកលោក បារ៉ាក់ អួបាម៉ា បានសម្រេចថា រដ្ឋបាលរបស់លោកនឹងរក្សាទុកកងទ័ពអាមេរិកនៅអាហ្វហ្កានីស្ថានចំនួន៩៨០០នាក់ រហូតដល់ឆ្នាំ ២០១៧ ទើបមានការកាត់បន្ថយបន្តទៀត។ ឆ្នាំ ២០១៧ ជាពេលវេលាដែលលោក អូបាម៉ា ត្រូវចាកចេញពីសេតវិមាន និងបញ្ចប់មុខតំណែងជាប្រធានាធិបតីដូចគ្នាដែរ។ បើតាមគម្រោងថ្មីកងទ័ពអាមេរិកដែលនៅឈរជើងជួយជ្រោមជ្រែងកងទ័ពអាហ្វហ្កានីស្ថានដើម្បីប្រឆាំងក្រុមតាលីបង់ នឹងត្រូវបន្ថយមកត្រឹម៥៥០០នាក់នៅក្នុងឆ្នាំ ២០១៧ ។
កាលដើមឡើយរដ្ឋបាលលោក អូបាម៉ា បានប្រកាស ដកកងទ័ពអាមេរិកអោយអស់ចេញពីប្រទេសនេះនៅចុងឆ្នាំ ២០១៦ ។ នៅដើមឆ្នាំ ២០១៥នេះ បណ្តាទាហានសម្រាប់ប្រយុទ្ធរបស់អាមេរិក និងកងកម្លាំងបក្សសម្ព័ន្ធយោធាណាតូត្រូវបានដកចេញស្ទើរទាំងស្រុង ទុកតែមួយចំនួនសម្រាប់បង្វឹកកងទ័ពអាហ្វហ្កានីស្ថានដើម្បីប្រយុទ្ធទប់ទល់ជាមួយក្រុមភេរវជនតាលីបង់ប៉ុណ្ណោះ។
ការផ្លាស់ប្តូរពេលវេលានិងផែនការដកទ័ពរបស់ក្រុងវ៉ាស៊ីនតោននេះ កើតឡើងប៉ុន្មានខែប៉ុណ្ណោះក្រោយពេលដែលការចរចារវាងប្រមុខរដ្ឋអាមេរិកលោក អូបាម៉ា និងប្រមុខរដ្ឋអាហ្វហ្កានីស្ថាន លោក Ashraf Ghani ក្នុងពេលដែលប្រធានាធិបតីអាហ្វហ្កានីស្ថានរូបនេះទៅទស្សនកិច្ចនៅសហរដ្ឋអាមេរិក។
ការផ្លាស់ប្តូរគម្រោងដកទ័ពម្តងហើយម្តងទៀតនោះ អាចដោយសារស្ថានភាពមិនអំណោយផល ហើយក្រុមកងទ័ពអាហ្វហ្កានីស្ថានក៏មិនទាន់មានសមត្ថភាពគ្រប់គ្រាន់ និងរឹងដៃរឹងជើងល្មមសម្រាប់ការពារខ្លួនដែរ។ បើសិនជាទ័ពអាមេរិកនិងទ័ពណាតូដកអស់ភា្លមៗ វាប្រាកដណាស់ថា អាហ្វហ្កានីស្ថាននឹងធ្លាក់ក្រោមការគ្រប់គ្រងរបស់ក្រុមតាលីបង់ជាថ្មីទៀត។ ដួចដែលឃើញស្រាប់ រយៈពេលប៉ុន្មានខែចុងក្រោយនេះ កងកម្លាំងក្រុមភេរវជនតាលីបង់ បានបន្តវាយប្រហារលើទាហានរដ្ឋាភិបាល និងដណ្តើមយកបានទឹកដីច្រើនផងដែរ ដែលនេះជាសញ្ញាគ្រោះថ្នាក់មួយសម្រាប់រដ្ឋាភិបាលក្រុងកាប៊ុល។
ទោះជាការបន្តទុកទ័ពជារឿងសំខាន់ក៏ដោយ តែស្ថានភាពសង្គ្រាមអាហ្វហ្កានីស្ថានមិនងាយនឹងចប់ទេ ហើយអាមេរិកដកទ័ពចេញមិនខុសពីការដោះដៃចោលឲ្យប្រជាជនអាហ្វហ្កានីស្ថានដោះស្រាយជោគវាសនារបស់ខ្លូនដោយខ្លួនឯងដូច្នេះដែរ។ ជុំវិញការដោះស្រាយបញ្ហានេះ ការបង្វឹកកងទ័ពអាហ្វាហ្កានីស្ថានឲ្យខ្លាំង ផ្តល់ជំនួយគាំទ្រយោធានិងសេដ្ឋកិច្ច ហើយនឹងជ្រោមជ្រែងការចរចារវាងរដ្ឋាភិបាលនិងក្រុមតាលីប់ង ជាវិធានការស្នូលរបស់អាមេរិកនិងប្រទេសសម្ព័ន្ធមិត្តត្រូវយកចិត្តទុកដាក់។
សូមបញ្ជាក់ថា សហរដ្ឋអាមេរិកនិងសម្ព័ន្ធមិត្តបានសម្រេចឈ្លានពានអាហ្វហ្កានីស្ថាននៅឆ្នាំ ២០០១ ក្រោយមានសោកនាដកម្មបុកកម្ទេចអាគារពាណិជ្ជកកម្មពិភពលោក ហើយអាមេរិកដាក់ការសង្ស័យលើក្រុមអាល់កៃដានិងក្រុមតាលីបង់នេះឯង។ តាមពិតទៅកាលនោះ ក្រុមតាលីបង់នេះកំពុងកាន់កាប់រដ្ឋាភិបាលក្រុងកាប៊ុល ហើយក្រុមនេះព្យាយាមការពារលោក អូសាម៉ា ប៊ីនឡាដិន ដែលជាអ្នកនៅពីក្រោយការវាយប្រហារអគារពាណិជ្ជកម្មពិភពលោក។ ក្រោយកងទ័ពអាមេរិក កងកម្លាំងណាតូ និងក្រុមឧទ្ទាមប្រឆាំងនឹងរបបក្រុងកាប៊ុល ផ្តួលរំលំរដ្ឋាភិបាលក្រុមតាលីបង់ នៅក្នុងឆ្នាំ ២០០៤ ការបោះឆ្នោតតាមបែបប្រជាធិបតេយ្យត្រូវបានរៀបចំឡើង។ តែរបបប្រជាធិបតេយ្យលើកបន្ទុបដោយលោកខាងលិច មិនបានបញ្ចប់សង្គ្រាមរវាងរដ្ឋាភិបាលនិងក្រុមតស៊ូរតាលីបង់ឡើយ៕
លោក មុំ ពិទូរ្យ លម្អិតព័ត៌មាននេះ
ប្រធានាធិបតីអាមេរិកលោក បារ៉ាក់ អួបាម៉ា បានសម្រេចថា រដ្ឋបាលរបស់លោកនឹងរក្សាទុកកងទ័ពអាមេរិកនៅអាហ្វហ្កានីស្ថានចំនួន៩៨០០នាក់ រហូតដល់ឆ្នាំ ២០១៧ ទើបមានការកាត់បន្ថយបន្តទៀត។ ឆ្នាំ ២០១៧ ជាពេលវេលាដែលលោក អូបាម៉ា ត្រូវចាកចេញពីសេតវិមាន និងបញ្ចប់មុខតំណែងជាប្រធានាធិបតីដូចគ្នាដែរ។ បើតាមគម្រោងថ្មីកងទ័ពអាមេរិកដែលនៅឈរជើងជួយជ្រោមជ្រែងកងទ័ពអាហ្វហ្កានីស្ថានដើម្បីប្រឆាំងក្រុមតាលីបង់ នឹងត្រូវបន្ថយមកត្រឹម៥៥០០នាក់នៅក្នុងឆ្នាំ ២០១៧ ។
កាលដើមឡើយរដ្ឋបាលលោក អូបាម៉ា បានប្រកាស ដកកងទ័ពអាមេរិកអោយអស់ចេញពីប្រទេសនេះនៅចុងឆ្នាំ ២០១៦ ។ នៅដើមឆ្នាំ ២០១៥នេះ បណ្តាទាហានសម្រាប់ប្រយុទ្ធរបស់អាមេរិក និងកងកម្លាំងបក្សសម្ព័ន្ធយោធាណាតូត្រូវបានដកចេញស្ទើរទាំងស្រុង ទុកតែមួយចំនួនសម្រាប់បង្វឹកកងទ័ពអាហ្វហ្កានីស្ថានដើម្បីប្រយុទ្ធទប់ទល់ជាមួយក្រុមភេរវជនតាលីបង់ប៉ុណ្ណោះ។
ការផ្លាស់ប្តូរពេលវេលានិងផែនការដកទ័ពរបស់ក្រុងវ៉ាស៊ីនតោននេះ កើតឡើងប៉ុន្មានខែប៉ុណ្ណោះក្រោយពេលដែលការចរចារវាងប្រមុខរដ្ឋអាមេរិកលោក អូបាម៉ា និងប្រមុខរដ្ឋអាហ្វហ្កានីស្ថាន លោក Ashraf Ghani ក្នុងពេលដែលប្រធានាធិបតីអាហ្វហ្កានីស្ថានរូបនេះទៅទស្សនកិច្ចនៅសហរដ្ឋអាមេរិក។
ការផ្លាស់ប្តូរគម្រោងដកទ័ពម្តងហើយម្តងទៀតនោះ អាចដោយសារស្ថានភាពមិនអំណោយផល ហើយក្រុមកងទ័ពអាហ្វហ្កានីស្ថានក៏មិនទាន់មានសមត្ថភាពគ្រប់គ្រាន់ និងរឹងដៃរឹងជើងល្មមសម្រាប់ការពារខ្លួនដែរ។ បើសិនជាទ័ពអាមេរិកនិងទ័ពណាតូដកអស់ភា្លមៗ វាប្រាកដណាស់ថា អាហ្វហ្កានីស្ថាននឹងធ្លាក់ក្រោមការគ្រប់គ្រងរបស់ក្រុមតាលីបង់ជាថ្មីទៀត។ ដួចដែលឃើញស្រាប់ រយៈពេលប៉ុន្មានខែចុងក្រោយនេះ កងកម្លាំងក្រុមភេរវជនតាលីបង់ បានបន្តវាយប្រហារលើទាហានរដ្ឋាភិបាល និងដណ្តើមយកបានទឹកដីច្រើនផងដែរ ដែលនេះជាសញ្ញាគ្រោះថ្នាក់មួយសម្រាប់រដ្ឋាភិបាលក្រុងកាប៊ុល។
ទោះជាការបន្តទុកទ័ពជារឿងសំខាន់ក៏ដោយ តែស្ថានភាពសង្គ្រាមអាហ្វហ្កានីស្ថានមិនងាយនឹងចប់ទេ ហើយអាមេរិកដកទ័ពចេញមិនខុសពីការដោះដៃចោលឲ្យប្រជាជនអាហ្វហ្កានីស្ថានដោះស្រាយជោគវាសនារបស់ខ្លូនដោយខ្លួនឯងដូច្នេះដែរ។ ជុំវិញការដោះស្រាយបញ្ហានេះ ការបង្វឹកកងទ័ពអាហ្វាហ្កានីស្ថានឲ្យខ្លាំង ផ្តល់ជំនួយគាំទ្រយោធានិងសេដ្ឋកិច្ច ហើយនឹងជ្រោមជ្រែងការចរចារវាងរដ្ឋាភិបាលនិងក្រុមតាលីប់ង ជាវិធានការស្នូលរបស់អាមេរិកនិងប្រទេសសម្ព័ន្ធមិត្តត្រូវយកចិត្តទុកដាក់។
សូមបញ្ជាក់ថា សហរដ្ឋអាមេរិកនិងសម្ព័ន្ធមិត្តបានសម្រេចឈ្លានពានអាហ្វហ្កានីស្ថាននៅឆ្នាំ ២០០១ ក្រោយមានសោកនាដកម្មបុកកម្ទេចអាគារពាណិជ្ជកកម្មពិភពលោក ហើយអាមេរិកដាក់ការសង្ស័យលើក្រុមអាល់កៃដានិងក្រុមតាលីបង់នេះឯង។ តាមពិតទៅកាលនោះ ក្រុមតាលីបង់នេះកំពុងកាន់កាប់រដ្ឋាភិបាលក្រុងកាប៊ុល ហើយក្រុមនេះព្យាយាមការពារលោក អូសាម៉ា ប៊ីនឡាដិន ដែលជាអ្នកនៅពីក្រោយការវាយប្រហារអគារពាណិជ្ជកម្មពិភពលោក។ ក្រោយកងទ័ពអាមេរិក កងកម្លាំងណាតូ និងក្រុមឧទ្ទាមប្រឆាំងនឹងរបបក្រុងកាប៊ុល ផ្តួលរំលំរដ្ឋាភិបាលក្រុមតាលីបង់ នៅក្នុងឆ្នាំ ២០០៤ ការបោះឆ្នោតតាមបែបប្រជាធិបតេយ្យត្រូវបានរៀបចំឡើង។ តែរបបប្រជាធិបតេយ្យលើកបន្ទុបដោយលោកខាងលិច មិនបានបញ្ចប់សង្គ្រាមរវាងរដ្ឋាភិបាលនិងក្រុមតស៊ូរតាលីបង់ឡើយ៕
Tag:
លោក អូបាម៉ា
© រក្សាសិទ្ធិដោយ thmeythmey.com
