ពីនេះ ពីនោះ
×![]()
ដោយ: ថ្មីៗ
ភិនភាគ៖ ស្កាតូចជាប្រភេទស្កាដែលមានមាឌតូច ខ្លួនទាំងមូលសម្បុរត្នោតចាស់ រីឯក្បាលភាគច្រើនមានពណ៌ក្រហម ឬត្នោត។ រោមមានពណ៌ស និងខ្មៅឆ្លាស់គ្នាមួយៗ ជើងមានសម្បុរដូចខ្លួន ជួនកាលក្រម៉ៅជាង ហើយកន្ទុយមានប្រវែង២/៣នៃក្បាល-ដងខ្លួន ចំណែកឯសត្វញីមានដោះ ៣គូ។
ជីវសាស្ត្រ៖ ស្កាតូចនេះចូលចិត្តរស់នៅតាមតំបន់ព្រៃល្បោះ មាត់ស្ទឹង និងទន្លេក្បែរភូមិ និងគេតែងតែឃើញវារត់កាត់ផ្លូវនៅពេលថ្ងៃ។ សត្វនេះរកចំណីទាំងយប់ទាំងថ្ងៃនៅលើដី ហើយកម្រឡើងដើមឈើ ច្រមុះរបស់វាអាចស្រង់ក្លិនបានល្អ ហើយអាចតាមដានសត្វជាចំណីរហូតដល់រូង។ ចំណីរបស់វាមានដូចជា កណ្តុរ សត្វស្លាប កង្កែប ក្តាម សត្វល្អិត និងពស់វែក។ សត្វញីអាចកើតកូនបានពី ២-៤ក្បាល ហើយរយៈពេលពពោះគឺ ៦សប្តាហ៍។
រប៉ាយរស់នៅ៖ ប្រភេទនេះមាននៅទូទាំងប្រទេសកម្ពុជាក្នុងទីជម្រកសមស្រប ប៉ុន្តែលើកលែងតែតំបន់ព្រៃស្រោង។ វាមានផងដែរនៅប្រទេសម៉ាឡេស៊ី កៅស៊ូម៉ាត្រា និងកោះបរណេអូ។
ស្ថានភាពអភិរក្ស៖ ស្កាតូចស្ថិតក្នុងក្រុមប្រភេទមានដោយបង្គួរ និងមានចុះក្នុងបញ្ជីក្រហម IUCN (LC) ថាជាប្រភេទរងគ្រោះថ្នាក់តិចតួច។
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
