អន្តរជាតិ
អូស្ត្រាលី ៖ បុរសម្នាក់ពុំបានផឹកទឹក តែមានជីវិតរស់នៅតំបន់រហោស្ថាន ៦ថ្ងៃ ដោយសារបរិភោគសត្វស្រមោច
× បុរសអាយុ ៦២ ឆ្នាំម្នាក់មានជីវិតរស់រាន ៦ ថ្ងៃដោយមិនបានផឹកទឹកមួយតំណក់ទាល់តែសោះ នៅតំបន់វាលរហោស្ថានប្រទេសអូស្ត្រាលី ដោយសារបរិភោគសត្វស្រមោច នេះបើតាមការប្រកាសរបស់ប៉ូលិស កាលពីថ្ងៃអង្គារកន្លងទៅនេះ។
លោក Reg Foggerdy បានបាត់ខ្លួនកាលពីថ្ងៃទី ៧ ក្នុងអំឡុងពេលចេញទៅបរបាញ់សត្វ។ គាត់បានទៅតំបន់ Shooter’s Shack ជាកន្លែងបរបាញ់ដ៏មានពេញនិយមដែលស្ថិតនៅតំបន់ដាច់ស្រយាលនៃរដ្ឋរបស់អូស្ត្រាលីភាគខាងលិច។
ក្រុមគ្រួសាររបស់គាត់បានប្តឹងប៉ូលិស នៅពេលដែលពួកគេមិនឃើញគាត់ត្រឡប់មកវិញ។ ក្រុមការងាររបស់ប៉ូលិសបានចុះរកបុរសចំណាស់ ហើយក៏បានប្រទះឃើញបុរសនេះនៅចម្ងាយប្រមាណ ១៥ គីឡូម៉ែត្រពីចំណុចដែលគាត់បានបាត់ខ្លួន។
អ្នកនាំពាក្យរបស់ប៉ូលិសអូស្ត្រាលីបានប្រាប់សារព័ត៌មាន West Australian ថាលោក Reg គ្មានទឹកសម្រាប់បរិភោគទាល់តែសោះនោះ។លោកបានអង្គុយក្រោមដើមឈើមួយ និងបានហូបសត្វស្រមោចខ្មៅនៅក្រោមដើមនោះ នៅរយៈពេលពីរថ្ងៃចុងក្រោយនៃការវង្វេងនៅតំបន់ដាច់ស្រយាលនោះ។ អ្នកនាំពាក្យរូបនេះបានបន្តទៀតថា៖ « ខ្លួនប្រាណរបស់គាត់ខ្សោះជាតិទឹក ប៉ុន្តែយើងបាននាំយកជំនួយបឋមទៅជួយគាត់ ហើយគាត់ក៏អាចងើបអង្គុយ និងនិយាយបាន។ នៅទីនោះ ធាតុអាកាសក្តៅខ្លាំងណាស់ វាស្ថិតនៅឆ្ងាយដាច់សង្វែង។ មនុស្សភាគច្រើនគ្មានជីវិតរស់នៅទេ » ៕
© រក្សាសិទ្ធិដោយ thmeythmey.com