កីឡាអន្តរជាតិ
អន្តរជាតិ
CR7 អាចនឹងទទួលបានទឹកប្រាក់២០លានអឺរ៉ូ ដោយមិនចាំបាច់ធ្វើអ្វីសោះ
×
ប្រាក់២០លានអឺរ៉ូ (ជាង២២លានដុលា្លរអាមេរិក) អាចនឹងធ្លាក់ដល់ដៃ Cristiano Ronaldo ដោយមិនចាំបាច់ធ្វើអ្វីសោះបន្ទាប់ពីអ្នកដឹកនាំរឿងលោក Martin Scorsese បានដកតារាឆ្នើមរូបនេះចេញពីតួសម្តែងបន្ទាប់បន្សំមួយក្នុ្ងងរឿងថ្មី «The Manipulator»។
វាមិនមែនជារឿងគួរឲ្យអស់សំណើចទេដែលលុយយ៉ាងច្រើនសន្ធឹកសន្ធាប់បែបនេះអាចធ្លាក់មកដល់ដៃ Ronaldo ងាយៗដោយមិនចាំបាច់ធ្វើអ្វីសោះនោះ។
ខ្សែប្រយុទ្ធសញ្ជាតិព័រទុយហ្គាល់ដែលលេងឲ្យក្លិបយក្ស Real Madrid រូបនេះត្រូវបានអ្នកដឹកនាំរឿងផ្តល់តួនាទីជាតួសម្តែងតូចតាចមួយក្នុងខ្សែភាពយន្តថ្មីរបស់លោក Martin Scorsese ប៉ុន្តែត្រូវបានលុបឈ្មោះចេញវិញ។
មូលហេតុដែលលោក Scorsese ដក Ronaldo ចេញពីតួសម្តែងក្នុងខ្សែភាពយន្ត«The Manipulator»នេះ ដោយសារមហាសេដ្ឋីសញ្ជាតិអ៊ីតាលីលោក Alessandro Proto ដែលជាអ្នកចាត់ចែងក្នុងរឿងថ្មីនេះមិនពេញចិត្តឲ្យ CR7 មានវត្តមាននៅក្នុងសាច់រឿងមួយនេះ។
លោក Proto មហាសេដ្ឋីសញ្ជាតិអ៊ីតាលី បាននិយាយយ៉ាងនេះថា៖« Cristiano គឺជាកីឡាករដ៏អស្ចារ្យម្នាក់ ប៉ុន្តែមិនមែនមានន័យថាគាត់ជាស្តេចនៅក្នុងពិភពលោកនោះទេ។ ខ្ញុំមិនចង់បានគាត់ក្នុងខ្សែភាពយន្តដែលនិយាយពីជីវិតពិតរបស់ខ្ញុំទេ។ ហើយលោក Scorsese ក៏យល់ស្របជាមួយខ្ញុំថា នឹងមិនដាក់ Ronaldo នៅក្នុងសាច់រឿងនេះដែរ»។ មហាសេដ្ឋីអ៊ីតាលីរូបនេះបញ្ជាក់បន្ថែមបែបនេះថា៖«ខ្ញុំសុំទោស ប្រសិនបើគាត់មានអារម្មរណ៍ថាគេមិនផ្តល់តម្លៃឲ្យគាត់។ បើខ្ញុំត្រូវសងជំងឺចិត្តគាត់ ២០លានអឺរ៉ូនោះ ខ្ញុំនឹងឲ្យគាត់ផ្ទាល់ដៃ»។
© រក្សាសិទ្ធិដោយ thmeythmey.com