ជាតិ
សង្គមជាតិ
អាជ្ញាធរថៃ ចាប់បញ្ជូនព្រះសង្ឃក្លែងក្លាយ៧នាក់មកកម្ពុជាវិញ
× អាជ្ញាធរថៃចាប់បញ្ជូនបុរសខ្មែរចំនួន៧នាក់មកកម្ពុជាវិញកាលពីថ្ងៃព្រហស្បតិ៍ម្សិលមិញ ក្រោយពីពួកគេបានក្លែងខ្លួនជាព្រះសង្ឈក្លែងក្លាយ ធ្វើសកម្មភាពដើរបិណ្ឌបាតនៅក្នុងប្រទេសថៃ។
បើតាមអគ្គស្នងការដ្ឋាននគរបាលជាតិ បុរសដែលជាព្រះសង្ឃក្លែងក្លាយទាំងនោះ បានចូលទៅប្រទេសថៃដោយសារជឿតាមពាក្យសម្ដីមេខ្យល់ប្រាប់ថា ការក្លែងខ្លួនជាព្រះសង្ឃដើរបិណ្ឌបាតគឺជារឿងងាយស្រួល ក្នុងការរកប្រាក់នៅក្នុងប្រទេសថៃ ។
ក្រោយពីអាជ្ញាធរថៃបញ្ជូនខ្លួនជនខិលខូចទាំងនោះមកវិញ អាជ្ញាធរកម្ពុជាបញ្ជូនពួកគេទៅកាន់វត្តត្រាច ដើម្បីឲ្យព្រះគ្រូអនុគុណដោះស្បង់ជីវរចេញ និងឲ្យពួកគេធ្វើកិច្ចសន្យាបញ្ឈប់សកម្មភាពទង្វើអាក្រក់ ដែលបង្កផលប៉ះពាល់ទៅលើវិស័យព្រះពុទ្ធសាសនានេះ ៕
© រក្សាសិទ្ធិដោយ thmeythmey.com