សេដ្ឋកិច្ចអន្តរជាតិ
អន្តរជាតិ
×![]()
បច្ចុប្បន្ននេះ ក្រុមហ៊ុន សាំស៊ុង (Samsung) ក្លាយជាក្រុមហ៊ុនមួយក្នុងចំណោមក្រុមហ៊ុនកូរ៉េឯទៀតដែលត្រូវបានគេទទួលស្គាល់លើពិភពលោកនិងមានឈ្មោះបោះសំឡេងខ្លាំង។ ក្រុមហ៊ុនធំៗដូចជា Samsungនេះមិនត្រឹមតែល្បីល្បាញខ្លាំងប៉ុណ្ណោះទេ វាក៏មានឥទ្ធិពលខ្លាំងលើស្ថាប័ននយោបាយ ដើរតួរជាក្រុមបញ្ចុះបញ្ចួលស្ថាប័ននីតិបញ្ញត្តិ ហើយវាក៏រួមចំណែកលើកស្ទួយសេដ្ឋកិច្ចប្រទេសកូរ៉េខ្លាំងផងដែរ។ដោយសាររឿងរ៉ាវទាំងអស់នេះហើយ គេហៅប្រទេសនេះថាជាសាធារណរដ្ឋ Samsung តែម្តង។ 
ក្រុមហ៊ុន Samsung មានឥទ្ធិពល លើជីវភាពរស់នៅប្រចាំថ្ងៃរបស់ ប្រជាជនកូរ៉េខាងត្បូងទាំង។ ប្រជាជនភាគច្រើននិយមប្រើប្រាស់ទូរសព្ទដៃទំនើបរបស់ Samsung ហើយក្នុងដៃកាន់កាតក្រេឌីត Samsungដើម្បីទិញសម្ភារៈប្រើប្រាស់របស់ក្រុមហ៊ុន Samsungដែលមានតាំងពីគ្រឿងអេឡិចត្រូនិក ទូរទស្សន៍ សម្ភារៈសំណង់ កីឡាជាដើម។ ក្រៅពីនេះពួកគេក៏រស់នៅក្នុងអាផាតមិន ដែលសាងសង់ដោយក្រុមហ៊ុន Samsungថែមទៀត។
ក្រៅពីមានឥទ្ធិពលគ្របដណ្តប់ជីវិតរស់នៅប្រចាំថ្ងៃរបស់ប្រជាជន ក្រុមហ៊ុនមួយនេះមានឥទ្ធិពលខ្លាំង និងពេលខ្លះមានអំណាចខ្លាំងជាងរដ្ឋាភិបាលទៅទៀត។ តាមពិតទៅក្រុមហ៊ុននេះ មិនខុសពីក្រុមហ៊ុនធំៗនៅក្នុងប្រទេសកូរ៉េដូចជា LG , Lotte, Hyundia, KIA ឡើយ ហើយវាបានត្រូវគេចាត់ទុកជាជំនួញមួយបែបដែលគ្រប់គ្រងលក្ខណៈគ្រួសារ (Family control business) ដែលជាភាសាកូរ៉េហៅថា Chaebol ។
ក្រុមហ៊ុន Samsungនេះត្រូវបានបង្កើតឡើងក្នុងឆ្នាំ ១៩៣៨ ដោយអ្នកជំនួញកូរ៉េម្នាក់គឺលោក Byung-Chul Lee។ ក្រុមហ៊ុននេះ ដើមឡើយជាដៃគូរបស់រដ្ឋាភិបាល ព្រោះកាលបង្កើតឡើងដោយមានការជ្រោមជ្រែងនិងទំនុកបម្រុងពីរដ្ឋាភិបាល។ ប៉ុន្តែក្រោយនៅទសវត្សទី៩០ ជាពិសេសក្រោយវិបត្តិសេដ្ឋកិច្ចនៅអាស៊ីឆ្នាំ ១៩៩៧ បរិបទសេដ្ឋកិច្ចកូរ៉េប្រែប្រួល ហើយជំនួញដែលគ្រប់គ្រងបែបគ្រួសារដូចជា Samsungនេះចាប់ផ្តើមផ្លាស់ប្តួរជំហរ ដូចគ្នា។ ជំនួញទាំងឡាយដែលមិនក្ស័យធនក្រោយវិបត្តិសេដ្ឋកិច្ច ចាប់ផ្តើមទាញយកប្រយោជន៍ ហើយត្រលប់មកដើរតួរជាអ្នកបញ្ចុះបញ្ចូលនិងប្រើឥទ្ធិពលលើអ្នកនយោបាយឲ្យបង្កើតគោលនយោបាយបម្រើប្រយោជន៍ក្រុមហ៊ុនខ្លួនវិញ។ ដើម្បីសម្រេចជោគជ័យ ស្ថាប័នជំនួញធំៗទាំងនេះរួមទាំង Samsungប្រើប្រាស់លុយដើម្បីសូកប៉ាន់ និងប្រើប្រាស់សកម្មភាពពុករលួយផ្សេងទៀតផងដែរ។
ទោះចង់មិនចង់ក៏ដោយ រដ្ឋាភិបាលកូរ៉េចាំបាច់តម្រូវចិត្តក្រុមហ៊ុនធំៗដូចជា Samsungនេះ ព្រោះក្រុមហ៊ុនទាំងនោះមានទុនធំកប់ក្តោង និងមានចំណែកទ្រទ្រង់សេដ្ឋកិច្ចជាតិកូរ៉េខាងត្បូងមិនអាចអាចខ្វះបានឡើយតាមការបង់ពន្ធ បង្កើតការងារ និងជំរុញការនាំចេញ។ បើតាមរបាយការណ៍ស្ថាប័នមូលនិធិរូបីយវត្ថុអន្តរជាតិឆ្នាំ ២០១៣ គ្រាន់តែក្រុមហ៊ុន Samsungមួយមានចំណែកស្មើនឹង១៧ភាគរយផលិតផលក្នុងស្រុកសរុបរបស់ប្រទេសកូរ៉េខាងត្បូងទាំងមូល (១០៨២ពាន់លានដុល្លារ)។ នេះបញ្ជាក់ថា បើសិនក្រុមហ៊ុនទាំងនេះមានបញ្ហា វាជារឿងចៀសមិនផុតឡើយ ដែលថា ប្រទេសកូរ៉េទាំងមូលនឹងត្រូវប្រឈមបញ្ហាធំដូចគ្នានោះ។
ក្រៅថា ពីមានអំណាចស្ទើរស្មើរដ្ឋាភិបាល ក្រុមហ៊ុននេះ ក៏ប្រើប្រាស់អំណាចលុយកាក់របស់ខ្លួនដើម្បីគ្រប់គ្រងស្ថាប័នសារព័ត៌មានផងដែរ។ ជារឿងសំខាន់បំផុតដែលក្រុមហ៊ុនធំៗទាំងនេះត្រូវមានឥទ្ធិពលលើប្រព័ន្ធផ្សព្វផ្សាយ និងសារព័ត៌មាន ព្រោះវានឹងមិនមានរឿងអាក្រក់ណាមួយទាក់ទិននឹងក្រុមហ៊ុនទាំងនេះត្រូវលាតត្រដាងឡើងទេ។ អ្នកកាសែតជាច្រើនមិនហ៊ានសរសេររិះគន់ឬធ្វើឲ្យប៉ះពាល់ដល់ក្រុមហ៊ុនដូចជា Samsung នេះឡើយព្រោះបើសរសេរ មិនខុសពីបំផ្លាញឆ្នាំងបាយខ្លួនឡើយ។
ប៉ុន្តែនៅមានស្ថាប័នសារព័ត៌មានខ្លះដែលមាននិន្នាការសេរី ព្យាយាមរិះគន់ជំនួញធំៗដូចជា Samsungប៉ុន្តែពួកគេប្រឈមការលំបាក និងមិនមានប្រាក់បៀរវត្សន៍ច្រើនដូចអ្នកសារព័ត៌មានដែលបម្រើការងារឲ្យស្ថាប័នមាននិន្នាការអភិរក្សដែលគាំទ្រក្រុមហ៊ុនដូចជា Samsungនោះឡើយ៕
ក្រុមហ៊ុន Samsung មានឥទ្ធិពល លើជីវភាពរស់នៅប្រចាំថ្ងៃរបស់ ប្រជាជនកូរ៉េខាងត្បូងទាំង។ ប្រជាជនភាគច្រើននិយមប្រើប្រាស់ទូរសព្ទដៃទំនើបរបស់ Samsung ហើយក្នុងដៃកាន់កាតក្រេឌីត Samsungដើម្បីទិញសម្ភារៈប្រើប្រាស់របស់ក្រុមហ៊ុន Samsungដែលមានតាំងពីគ្រឿងអេឡិចត្រូនិក ទូរទស្សន៍ សម្ភារៈសំណង់ កីឡាជាដើម។ ក្រៅពីនេះពួកគេក៏រស់នៅក្នុងអាផាតមិន ដែលសាងសង់ដោយក្រុមហ៊ុន Samsungថែមទៀត។
ក្រៅពីមានឥទ្ធិពលគ្របដណ្តប់ជីវិតរស់នៅប្រចាំថ្ងៃរបស់ប្រជាជន ក្រុមហ៊ុនមួយនេះមានឥទ្ធិពលខ្លាំង និងពេលខ្លះមានអំណាចខ្លាំងជាងរដ្ឋាភិបាលទៅទៀត។ តាមពិតទៅក្រុមហ៊ុននេះ មិនខុសពីក្រុមហ៊ុនធំៗនៅក្នុងប្រទេសកូរ៉េដូចជា LG , Lotte, Hyundia, KIA ឡើយ ហើយវាបានត្រូវគេចាត់ទុកជាជំនួញមួយបែបដែលគ្រប់គ្រងលក្ខណៈគ្រួសារ (Family control business) ដែលជាភាសាកូរ៉េហៅថា Chaebol ។
ក្រុមហ៊ុន Samsungនេះត្រូវបានបង្កើតឡើងក្នុងឆ្នាំ ១៩៣៨ ដោយអ្នកជំនួញកូរ៉េម្នាក់គឺលោក Byung-Chul Lee។ ក្រុមហ៊ុននេះ ដើមឡើយជាដៃគូរបស់រដ្ឋាភិបាល ព្រោះកាលបង្កើតឡើងដោយមានការជ្រោមជ្រែងនិងទំនុកបម្រុងពីរដ្ឋាភិបាល។ ប៉ុន្តែក្រោយនៅទសវត្សទី៩០ ជាពិសេសក្រោយវិបត្តិសេដ្ឋកិច្ចនៅអាស៊ីឆ្នាំ ១៩៩៧ បរិបទសេដ្ឋកិច្ចកូរ៉េប្រែប្រួល ហើយជំនួញដែលគ្រប់គ្រងបែបគ្រួសារដូចជា Samsungនេះចាប់ផ្តើមផ្លាស់ប្តួរជំហរ ដូចគ្នា។ ជំនួញទាំងឡាយដែលមិនក្ស័យធនក្រោយវិបត្តិសេដ្ឋកិច្ច ចាប់ផ្តើមទាញយកប្រយោជន៍ ហើយត្រលប់មកដើរតួរជាអ្នកបញ្ចុះបញ្ចូលនិងប្រើឥទ្ធិពលលើអ្នកនយោបាយឲ្យបង្កើតគោលនយោបាយបម្រើប្រយោជន៍ក្រុមហ៊ុនខ្លួនវិញ។ ដើម្បីសម្រេចជោគជ័យ ស្ថាប័នជំនួញធំៗទាំងនេះរួមទាំង Samsungប្រើប្រាស់លុយដើម្បីសូកប៉ាន់ និងប្រើប្រាស់សកម្មភាពពុករលួយផ្សេងទៀតផងដែរ។
ទោះចង់មិនចង់ក៏ដោយ រដ្ឋាភិបាលកូរ៉េចាំបាច់តម្រូវចិត្តក្រុមហ៊ុនធំៗដូចជា Samsungនេះ ព្រោះក្រុមហ៊ុនទាំងនោះមានទុនធំកប់ក្តោង និងមានចំណែកទ្រទ្រង់សេដ្ឋកិច្ចជាតិកូរ៉េខាងត្បូងមិនអាចអាចខ្វះបានឡើយតាមការបង់ពន្ធ បង្កើតការងារ និងជំរុញការនាំចេញ។ បើតាមរបាយការណ៍ស្ថាប័នមូលនិធិរូបីយវត្ថុអន្តរជាតិឆ្នាំ ២០១៣ គ្រាន់តែក្រុមហ៊ុន Samsungមួយមានចំណែកស្មើនឹង១៧ភាគរយផលិតផលក្នុងស្រុកសរុបរបស់ប្រទេសកូរ៉េខាងត្បូងទាំងមូល (១០៨២ពាន់លានដុល្លារ)។ នេះបញ្ជាក់ថា បើសិនក្រុមហ៊ុនទាំងនេះមានបញ្ហា វាជារឿងចៀសមិនផុតឡើយ ដែលថា ប្រទេសកូរ៉េទាំងមូលនឹងត្រូវប្រឈមបញ្ហាធំដូចគ្នានោះ។
ក្រៅថា ពីមានអំណាចស្ទើរស្មើរដ្ឋាភិបាល ក្រុមហ៊ុននេះ ក៏ប្រើប្រាស់អំណាចលុយកាក់របស់ខ្លួនដើម្បីគ្រប់គ្រងស្ថាប័នសារព័ត៌មានផងដែរ។ ជារឿងសំខាន់បំផុតដែលក្រុមហ៊ុនធំៗទាំងនេះត្រូវមានឥទ្ធិពលលើប្រព័ន្ធផ្សព្វផ្សាយ និងសារព័ត៌មាន ព្រោះវានឹងមិនមានរឿងអាក្រក់ណាមួយទាក់ទិននឹងក្រុមហ៊ុនទាំងនេះត្រូវលាតត្រដាងឡើងទេ។ អ្នកកាសែតជាច្រើនមិនហ៊ានសរសេររិះគន់ឬធ្វើឲ្យប៉ះពាល់ដល់ក្រុមហ៊ុនដូចជា Samsung នេះឡើយព្រោះបើសរសេរ មិនខុសពីបំផ្លាញឆ្នាំងបាយខ្លួនឡើយ។
ប៉ុន្តែនៅមានស្ថាប័នសារព័ត៌មានខ្លះដែលមាននិន្នាការសេរី ព្យាយាមរិះគន់ជំនួញធំៗដូចជា Samsungប៉ុន្តែពួកគេប្រឈមការលំបាក និងមិនមានប្រាក់បៀរវត្សន៍ច្រើនដូចអ្នកសារព័ត៌មានដែលបម្រើការងារឲ្យស្ថាប័នមាននិន្នាការអភិរក្សដែលគាំទ្រក្រុមហ៊ុនដូចជា Samsungនោះឡើយ៕
Tag:
កូរ៉េខាងត្បូង
© រក្សាសិទ្ធិដោយ thmeythmey.com
