អន្តរជាតិ
នយោបាយអន្តរជាតិ
កូរ៉េខាងជើងព្រមានកូរ៉េខាងត្បូងនឹងមានការប្រឈមមុខយោធា បើបន្តការបាញ់គំរាមនៅដែនសមុទ្រ
×![]()
ដោយ: & ទេព ពិទូរ្យ
កងនាវាជើងទឹកកូរ៉េខាងត្បូង បានបាញ់គំរាមដល់នាវាកូរ៉េខាងជើងដែលបានចូលទៅបំពានក្នុងតំបន់ សមុទ្រជម្លោះប្រទេសទាំងពីរ ក៏ប៉ុន្តែ មិនមានការបាញ់តបពីកូរ៉េខាងជើងវិញនោះទេ។ ការប្រឈមមុខ គ្នា កើតឡើងខណៈពេលការជួបជុំបងប្អូនកូរ៉េទាំងពីរ កំពុងតែអនុវត្តទៅតាមកិច្ចព្រមព្រៀងនៃរដ្ឋាភិបាលទាំងពីរ។
លោក មុំ ពិទូរ្យ លម្អិតព័ត៌មាននេះ
លោក មុំ ពិទូរ្យ លម្អិតព័ត៌មាននេះ
កាលពីចុងសបា្តហ៍កន្លងទៅនេះ ទាហានជើងទឹកកូរ៉េខាងត្បូង និង កូរ៉េខាងជើង បានប្រឈមមុខគ្នានៅតំបន់ជម្លោះសមុទ្រព្រំដែនកូរ៉េទាំងពីរដែលកន្លងមកតំបន់នោះធ្លាប់មានការប៉ះទង្គិចគ្នារហូតដល់មានទាហានទាំងសងខាងជាច្រើននាក់បានស្លាប់ផងដែរ។ ការប្រឈមមុខគ្នាបែបនេះ បានកើតឡើងជាបន្តបន្ទាប់ ព្រោះ អវត្តមាននៃកិច្ចព្រមព្រៀងស្តីពីតំបន់ព្រំដែនតាំងពីកូរ៉េទាំងពីរបែងចែកគ្នាជាពីរ។
ឧប្បទ្ទវហេតុមួយ បានកើតឡើងនៅក្នុងតំបន់សមុទ្រព្រំដែនកូរ៉េទាំងពីរ។ ក្នុងនោះ ទាហានកូរ៉េខាង ត្បូង បានបាញ់គំរាមកូរ៉េខាងជើងជាច្រើនគ្រាប់ ដើម្បីឲ្យចាកចេញពីតំបន់ដែលមិនទាន់បានដោះស្រាយគ្នាដាច់ស្រេច។ ក៏ប៉ុន្តែ មិនមានការបាញ់តបពីភាគីកូរ៉េខាងជើងនោះទេ។
ជុំវិញបញ្ហានេះ អ្នកនាំពាក្យកូរ៉េខាងជើង បានអះអាងថាសកម្មភាពកូរ៉េខាងត្បូងក្នុងការបាញ់គំរាមនៅ ក្នុងតំបន់ជម្លោះគឺជាទម្លាប់មួយទៅហើយ។ ជាមួយគ្នានេះ កូរ៉េខាងជើង ក៏បានព្រមានកូរ៉េខាងត្បូង បើនៅតែបន្តសកម្មភាពនេះទៀត នឹងអាចធ្វើឲ្យមានការប្រឈមមុខគ្នារវាងកងកម្លាំងទាំងពីរ។
អ្វីដែលគួរឲ្យកត់សម្គាល់នោះ ឧប្បទ្ទវហេតុនេះ ផ្ទុះឡើងខណៈពេលប្រជាជនកូរ៉េទាំងពីរ កំពុងអនុវត្តកិច្ច ព្រមព្រៀងដែលរដ្ឋាភិបាលទាំងពីរធ្វើឡើងកាលពីថ្ងៃ២៥ខែសីហា ដែលផ្តួចផ្តើមឲ្យប្រជាជនទាំងពីរ អាចជួបជុំគ្នាចាប់ពីថ្ងៃទី២០ដល់២៦តុលា ក្រោយពីមានការបាញ់គ្រាប់ផ្លោង ដាក់គ្នានៅតាមតំបន់ព្រំដែន។
សួមរម្លឹកផងដែរថា កាលពីឆ្នាំ១៩៩៩ នាវាកូរ៉េទាំងពីរ បានបុកគ្នានៅតំបន់ជម្លោះសមុទ្រ ដែលបាន បណ្តាលឲ្យទាហានកូរ៉េទាំងពីរជាច្រើននាក់បានស្លាប់។ ក្រោយមក នៅឆ្នាំ២០១០ នាវាកូរ៉េខាងត្បូង បានលិចដោយសារការវាយប្រហារដោយគ្រាប់បែកបាញ់នាវាដែលកូរ៉េខាងត្បូងចោទថាជាការទទួលខុសត្រូវរបស់កូរ៉េជើង ប៉ុន្តែត្រូវកូរ៉េខាងជើងបដិសេធ។
ចាប់តាំងពីការបញ្ចប់សង្គ្រាមឆ្នាំ១៩៥០-១៩៥៣ មិនមានកិច្ចព្រមព្រៀងបទឈប់បាញ់ ឬ កិច្ចព្រមព្រៀងសន្តិភាពរវាងកូរ៉ទាំងពីរត្រូវបានធ្វើឡើងនោះឡើយ។ បើតាមបច្ចេកទេសយោធា ស្ថានភាពឧបទ្វីបកូរ៉េកំពុងស្ថិតក្នុងសង្គ្រាម៕
Tag:
កូរ៉េខាងត្បូង-កូរ៉េខាងជើង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
