ជាតិ
នយោបាយជាតិ
លោក ហ៊ុន សែន ស្នើសុំឲ្យរដ្ឋសភាបន្ថែមថវិកាព្យាបាលតំណាងរាស្ត្របក្សប្រឆាំង
× ក្រោយពីត្រឡប់មកពីទីក្រុងប៉ារីសភ្លាម លោកនាយករដ្ឋមន្ត្រី ហ៊ុន សែន នៅល្ងាចថ្ងៃពុធនេះបានស្នើសុំឲ្យរដ្ឋសភាបន្ថែមថវិកាដើម្បីព្យាបាលតំណាងរាស្ត្របក្សប្រឆាំងទាំងពីររូប។ តំណាងរាស្ដ្រទាំងពីររូបកំពុងព្យាបាលនៅក្នុងប្រទេសថៃ។ នាពេលកន្លងមក លោក ហេង សំរិន ប្រធានរដ្ឋសភាជាតិបានបញ្ចេញថវិកាចំនួន២ម៉ឺនដុល្លាររួចហើយដើម្បីផ្តល់ជូនដល់តំណាងរាស្ត្រទាំងពីររូប ក្នុងនោះ សមាជិករដ្ឋសភាបក្សប្រឆាំងម្នាក់ៗទទួលបាន១ម៉ឺនដុល្លារដើម្បីព្យាបាលជំងឺ។
នៅល្ងាចថ្ងៃនេះដដែល លោក ហ៊ុន សែន បានស្នើសុំឲ្យរដ្ឋសភាបញ្ចេញថវិកាបន្ថែមដើម្បីព្យាបាលពួកគេឲ្យជាសះស្បើយ។ លើសពីនេះទៅទៀត រដ្ឋសភាត្រូវចេញប្រាក់ដើម្បីជួសជុលរថយន្តរបស់តំណាងរាស្ត្រដែលខូតខាតផងដែរ។
ស្របពេលជាមួយគ្នា លោកនាយករដ្ឋមន្ត្រី ហ៊ុន សែន បានបញ្ជាឲ្យសមត្ថកិច្ចតាមចាប់ខ្លួនជនល្មើសដែលបានវាយដំតំណាងរាស្ត្របក្សសង្គ្រោះជាតិឲ្យខាងតែបាន។ ត្រូវចាប់ខ្លួនឲ្យបាន និងផ្តន្ទាទោសឲ្យស្របទៅតាមច្បាប់។ នៅក្នុងប្រទេសកម្ពុជា មានស្តង់ដាតែមួយគត់។ នៅក្នុងគេហទំព័ររបស់ខ្លួន លោក ហ៊ុន សែន អំពាវនាវឲ្យអ្នកពាក់ព័ន្ធទាំងឡាយចូលរួមផ្តល់ព័ត៌មានដើម្បីឈានទៅដល់ការចាប់ខ្លួនជនល្មើស៕
© រក្សាសិទ្ធិដោយ thmeythmey.com