ជាតិ
សង្គមជាតិ
×![]()
សៀមរាប៖ ភាពយន្តលំដាប់ហូលីវូដ ដែលនិយាយអំពីសោកនាដកម្មក្នុងរបបខ្មែរក្រហម ដែលដឹកនាំដោយអ្នកស្រី អែនជេលីណា ចូលី ភីត (Angelina Jolie-Pitt) នឹងចាប់ផ្តើមថតនៅអំឡុងពាក់កណ្តាលខែវិច្ឆិកាខាងមុខនេះហើយ។ ភាពយន្តនេះ ចាប់ផ្តើមថតនៅទីតាំងសំខាន់ៗមួយចំនួនក្នុងខេត្តសៀមរាប និងខេត្តបាត់ដំបង។
រឿង ជាដំបូងពួកគេសម្លាប់ឪពុករបស់ខ្ញុំ (The first they killed my father) ដែលដឹកនាំផលិត ដោយតារាភាពយន្តហូលីវូដ អ្នកស្រី អែនជេលីណា នឹងចាប់ផ្តើមថតក្នុងខេត្តសៀមរាប ចាប់ពីថ្ងៃទី១២ ខែវិច្ឆិកា ឆ្នាំ២០១៥ រហូតដល់ចុងខែមករា ឆ្នាំ២០១៦ ។ សាច់រឿងនេះ នឹងជ្រើសរើសយកទីតាំងថតសំខាន់ៗមួយចំនួន រួមមានប្រាសាទអង្គរជាដើម។
នៅព្រឹកថ្ងៃពុធម្សិលមិញ តំណាងអ្នកស្រី អែនជេលីណា បានជួបសម្តែងការគួរសមនឹងអាជ្ញាធរខេត្តសៀមរាប ដើម្បីស្នើសុំកិច្ចសហការ ដើម្បីផលិតខ្សែភាពយន្ត។ ផលិតករខ្សែភាពយន្ត និងជាតំណាងអ្នកស្រី អែនជេលីណា ចូលី លោក ប៊ីល វីលសុន (Bill Wilson) បានឲ្យដឹងថា គោលបំណងនៃការជួបពិភាក្សានេះ ដើម្បីឲ្យសាលាខេត្តជួយសម្រួលដល់ការថតខ្សែភាពយន្ត។ តាមការបញ្ជាក់របស់លោក វីលសុន មានឈុតឆាកខ្លះ ត្រូវការផ្ទុះអាវុធ និងមានមនុស្សច្រើន ហើយអាចបិទផ្លូវរយៈពេល២ទៅ៣ម៉ោងឯណោះ។ ក្នុងនោះ ក៏មានឈុតឆាកជម្លៀសប្រជាជនក្នុងរបបខ្មែរក្រហមផង។
តាមការលើកឡើងរបស់ផលិតករភាពយន្ត សាច់រឿងប្រមាណ៩០ភាគរយ គឺថតនៅសៀមរាប។ ក្នុងការថតនោះដែរ ត្រូវការជួលប្រជាពលរដ្ឋខ្មែរប្រមាណ៣០០០នាក់ ដើម្បីសម្តែងឈុតមួយចំនួន។ អំឡុងពេល៣ខែ នៅខេត្តសៀមរាប ភាពយន្តលំដាប់ហូលីវូដ គ្រោងនឹងថតនៅទីតាំងសំខាន់ៗមួយចំនួន រួមមាន ប្រាសាទអង្គរវត្ត បាយ័ន ផ្លូវខ្លះក្នុងក្រុងសៀមរាប ស្រុកពួក ស្រុកប្រាសាទបាគង ស្រុកបន្ទាយស្រី និងនៅរុនតាឯកជាដើម។ យ៉ាងណា លោក វីលសុន ដែលជាផលិតករ នៅមិនទាន់បញ្ជាក់ពីពេលវេលាជាក់លាក់ នៅតាមទីតាំងមួយៗបាននៅឡើយ។
អភិបាលខេត្តសៀមរាប លោក ឃឹម ប៊ុនសុង បានស្វាគមន៍ចំពោះការផលិតខ្សែភាពយន្តរបស់អ្នកស្រី អែនជេលីណា នៅខេត្តរបស់ខ្លួន។ លោកសន្យានឹងបញ្ជូនផ្នែកពាក់ព័ន្ធ ដើម្បីសហការឲ្យបានល្អ តែលោកស្នើឲ្យថតឈុតបន្ទុះគ្រាប់បែកនៅឆ្ងាយក្រុងបន្តិច ជៀសវាងការភ័យខ្លាចដល់ប្រជាពលរដ្ឋ ជាយថាហេតុ។
ទាក់ទងនឹងការផលិតខ្សែភាពយន្តលំដាប់ហូលីវូដនៅខេត្តសៀមរាប លោក ផាវ ព្រឿន ប្រធានសមាគមទីភ្នាក់ងារទេសចរណ៍កម្ពុជាប្រចាំខេត្តសៀមរាប យល់ថាជារឿងល្អ។ យ៉ាងណា លោក ព្រឿន មិនហ៊ានសន្និដ្ឋានថា តើវាមានភាពរីកចម្រើនដល់វិស័យទេសចរណ៍ដល់កម្រិតណានៅឡើយទេ ព្រោះនេះមិនមែនជាលើកទីមួយទេ ដែលអ្នកស្រី អែនជេលីណា ចូលី ថតភាពយន្តនៅខេត្តសៀមរាប។ តែលោក នៅតែមានសុទិដ្ឋិនិយមថា អាចទាក់ទាញដល់ភ្ញៀវទេសចរខ្លះ។
គួរបញ្ជាក់ថា ក្រៅពីចប់ការថតខ្សែភាពយន្ត «ជាដំបូងពួកគេសម្លាប់ឪពុកខ្ញុំ» នៅខេត្តសៀមរាបហើយនោះ ក្រុមការងារគ្រោងនឹងថតបន្តនៅខេត្តបាត់ដំបង ចាប់ពីខែកុម្ភៈតទៅ៕
រឿង ជាដំបូងពួកគេសម្លាប់ឪពុករបស់ខ្ញុំ (The first they killed my father) ដែលដឹកនាំផលិត ដោយតារាភាពយន្តហូលីវូដ អ្នកស្រី អែនជេលីណា នឹងចាប់ផ្តើមថតក្នុងខេត្តសៀមរាប ចាប់ពីថ្ងៃទី១២ ខែវិច្ឆិកា ឆ្នាំ២០១៥ រហូតដល់ចុងខែមករា ឆ្នាំ២០១៦ ។ សាច់រឿងនេះ នឹងជ្រើសរើសយកទីតាំងថតសំខាន់ៗមួយចំនួន រួមមានប្រាសាទអង្គរជាដើម។
នៅព្រឹកថ្ងៃពុធម្សិលមិញ តំណាងអ្នកស្រី អែនជេលីណា បានជួបសម្តែងការគួរសមនឹងអាជ្ញាធរខេត្តសៀមរាប ដើម្បីស្នើសុំកិច្ចសហការ ដើម្បីផលិតខ្សែភាពយន្ត។ ផលិតករខ្សែភាពយន្ត និងជាតំណាងអ្នកស្រី អែនជេលីណា ចូលី លោក ប៊ីល វីលសុន (Bill Wilson) បានឲ្យដឹងថា គោលបំណងនៃការជួបពិភាក្សានេះ ដើម្បីឲ្យសាលាខេត្តជួយសម្រួលដល់ការថតខ្សែភាពយន្ត។ តាមការបញ្ជាក់របស់លោក វីលសុន មានឈុតឆាកខ្លះ ត្រូវការផ្ទុះអាវុធ និងមានមនុស្សច្រើន ហើយអាចបិទផ្លូវរយៈពេល២ទៅ៣ម៉ោងឯណោះ។ ក្នុងនោះ ក៏មានឈុតឆាកជម្លៀសប្រជាជនក្នុងរបបខ្មែរក្រហមផង។
តាមការលើកឡើងរបស់ផលិតករភាពយន្ត សាច់រឿងប្រមាណ៩០ភាគរយ គឺថតនៅសៀមរាប។ ក្នុងការថតនោះដែរ ត្រូវការជួលប្រជាពលរដ្ឋខ្មែរប្រមាណ៣០០០នាក់ ដើម្បីសម្តែងឈុតមួយចំនួន។ អំឡុងពេល៣ខែ នៅខេត្តសៀមរាប ភាពយន្តលំដាប់ហូលីវូដ គ្រោងនឹងថតនៅទីតាំងសំខាន់ៗមួយចំនួន រួមមាន ប្រាសាទអង្គរវត្ត បាយ័ន ផ្លូវខ្លះក្នុងក្រុងសៀមរាប ស្រុកពួក ស្រុកប្រាសាទបាគង ស្រុកបន្ទាយស្រី និងនៅរុនតាឯកជាដើម។ យ៉ាងណា លោក វីលសុន ដែលជាផលិតករ នៅមិនទាន់បញ្ជាក់ពីពេលវេលាជាក់លាក់ នៅតាមទីតាំងមួយៗបាននៅឡើយ។
អភិបាលខេត្តសៀមរាប លោក ឃឹម ប៊ុនសុង បានស្វាគមន៍ចំពោះការផលិតខ្សែភាពយន្តរបស់អ្នកស្រី អែនជេលីណា នៅខេត្តរបស់ខ្លួន។ លោកសន្យានឹងបញ្ជូនផ្នែកពាក់ព័ន្ធ ដើម្បីសហការឲ្យបានល្អ តែលោកស្នើឲ្យថតឈុតបន្ទុះគ្រាប់បែកនៅឆ្ងាយក្រុងបន្តិច ជៀសវាងការភ័យខ្លាចដល់ប្រជាពលរដ្ឋ ជាយថាហេតុ។
ទាក់ទងនឹងការផលិតខ្សែភាពយន្តលំដាប់ហូលីវូដនៅខេត្តសៀមរាប លោក ផាវ ព្រឿន ប្រធានសមាគមទីភ្នាក់ងារទេសចរណ៍កម្ពុជាប្រចាំខេត្តសៀមរាប យល់ថាជារឿងល្អ។ យ៉ាងណា លោក ព្រឿន មិនហ៊ានសន្និដ្ឋានថា តើវាមានភាពរីកចម្រើនដល់វិស័យទេសចរណ៍ដល់កម្រិតណានៅឡើយទេ ព្រោះនេះមិនមែនជាលើកទីមួយទេ ដែលអ្នកស្រី អែនជេលីណា ចូលី ថតភាពយន្តនៅខេត្តសៀមរាប។ តែលោក នៅតែមានសុទិដ្ឋិនិយមថា អាចទាក់ទាញដល់ភ្ញៀវទេសចរខ្លះ។
គួរបញ្ជាក់ថា ក្រៅពីចប់ការថតខ្សែភាពយន្ត «ជាដំបូងពួកគេសម្លាប់ឪពុកខ្ញុំ» នៅខេត្តសៀមរាបហើយនោះ ក្រុមការងារគ្រោងនឹងថតបន្តនៅខេត្តបាត់ដំបង ចាប់ពីខែកុម្ភៈតទៅ៕
Tag:
ខ្មែរក្រហម
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
