ក្មេងស្រីអាយុ៦ឆ្នាំ ចេះគូររូបអប្សរានៅលើទឹកដីអង្គរ បានទទួលអាហាររូបករណ៍ចូលរៀន

ជាតិ

សង្គមជាតិ

ក្មេងស្រីអាយុ៦ឆ្នាំ ចេះគូររូបអប្សរានៅលើទឹកដីអង្គរ បានទទួលអាហាររូបករណ៍ចូលរៀន

31, Oct 2015 , 2:53 pm

រូបភាព

ដោយ: ថ្មីៗ

ក្រោយពីលោក សុខ សង្វារ អគ្គនាយករងអាជ្ញាធរអប្សរា បានសន្យាថានឹងជួយឲ្យកុមារី ស្រីណុច បានចូលរៀនថ្នាក់ចំណេះដឹងទូទៅ ភាសាអង់គ្លេស និងថ្នាក់ជំនាញផ្សេងៗទៀតនោះកុមារី ស្រីណុច ដែលមានទេពកោសល្យផ្នែកគូរគំនូរនេះ បានចូលរៀនក្នុងសាលាអន្តរជាតិហ្គោ គ្លូប៊លនៅខេត្តសៀមរាប ។ នេះបើតាមហ្វេសប៊ុកផ្លូវការរបស់អាជ្ញាធរជាតិអប្សារា។

លោក សុខ សង្វារ បានបញ្ជាក់ថា សាលាអន្តរជាតិ ហ្គោ គ្លូប៊ល បានឯកភាពផ្តល់អាហារូបករណ៍ដល់ស្រីណុច សម្រាប់ថ្នាក់សិក្សាពេញម៉ោង ទាំងចំណេះដឹងទូទៅនិងភាសាបរទេស រហូតដល់បញ្ចប់ថ្នាក់ទី១២ ។ជាមួយគ្នានេះសាលាក៏ផ្តល់សំលៀកបំពាក់ សម្ភារះសិក្សា និងអាហារថ្ងៃត្រង់ទៀតផង។

គួរបញ្ជាក់ថា កុមារី ស្រីណុច ដែលទើបមានអាយុ៦ឆ្នាំ មានទេពកោសល្យខ្ពស់ផ្នែកគំនូរ ធ្វើឲ្យអ្នកទេសចរចាប់អារម្មណ៍នូវគំនូររបស់នាង ហើយត្រូវបានគេបង្ហោះពេញក្នុងបណ្តាញសង្គមហ្វេសប៊ុក ដោយកោតសរសើរពីទឹកដៃក្នុងការគូររូបនេះ។ក្រៅពីរូបអប្សរា កុមារី ស្រីណុច ក៏អាចចេះគូររូបមនុស្សបានយ៉ាងស្ទាត់ផងដែរ។

ស្រីណុច មានឪពុកជាសន្តិសុខ និងម្តាយជាអ្នកលក់ដូរបន្តិចបន្តូចក្នុងតំបន់អង្គរ ហើយនាងមានបងប្អូនចំនួន៧នាក់។ ស្រីណុច គឺជាកូនពៅនៅក្នុងគ្រួសារ។

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

5 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

3 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ថ្ងៃ

«ប្រេសិត»មានន័យដូចម្តេច?

4 ថ្ងៃ

អត្ថបទពេញនិយមបន្ថែម