អន្តរជាតិ
នយោបាយអន្តរជាតិ
ជំនួបត្រីភាគីចិន-ជប៉ុន-កូរ៉េខាងត្បូងហាក់ដូចជាបញ្ចប់ភាពតានតឹងបីឆ្នាំកន្លងមក
×![]()
ដោយ: តន ចាន់រិទ្ធារ៉ា
បញ្ហាសន្តិសុខនិងពាណិជ្ជកម្ម គឺជាប្រធានបទសំខាន់ក្នុងជំនួបកំពូលត្រីភាគីចិន ជប៉ុននិងកូរ៉េខាងត្បូង ដែលបានធ្វើឡើងកាលពីថ្ងៃទី១ ខែវិច្ឆកា ម្សិលមិញនេះនៅក្នុងរដ្ឋធានីសេអ៊ូល នៃប្រទេសកូរ៉េខាងត្បូង។ នេះជាជំនួបលើកទី១ហើយ ក្នុងរយៈពេលបីឆ្នាំកន្លងមកនេះ ដ្បិតដានប្រវត្តិសាស្ត្រនិងជម្លោះដែនអធិបតេយ្យតែងតែបង្អាក់ទំនាក់ទំនងប្រទេសជិតខាងគ្នាទាំងបីនេះ។
លោក មុំ ពិទូរ្យ លម្អិតព័ត៌មាននេះ
កាលពីថ្ងៃអាទិត្យម្សិលមិញ ជំនួបកំពូលត្រីភាគីចិន ជប៉ុន និងកូរ៉េខាងត្បូង បានប្រព្រឹត្តឡើង ដោយរលូនតាមការកំណត់។ ជំនួបនេះ មានវត្តមានមេដឹកនាំបីរូបដែលរួមមានលោកស្រី ប្រធានាធិបតីកូរ៉េខាងត្បូង ផាក ហ្គនហេ ដែលជាម្ចាស់ផ្ទះ លោកនាយករដ្ឋមន្ត្រីចិន លី ខេជាង និងលោកនាយករដ្ឋមន្ត្រី ជប៉ុន ស្ហ៊ិន ហ្សូអាបេ។
លទ្ធផលជាផ្លែផ្កាមួយចំនួនត្រូវបានសម្រេច ហើយជំនួបលើកនេះត្រូវបានគេមើលឃើញថា ជាជំហានដ៏សំខាន់ក្នុងការស្តារទំនាក់ទំនងប្រទេសទាំងបីឡើងវិញ។ ប្រទេសមហាយក្សតំបន់ទាំងបីនេះ រំពឹងថានឹងទទួលបានផលប្រយោជន៍សេដ្ឋកិច្ចតាមរយៈកិច្ចសហប្រតិបត្តិការជិតស្និទ្ធ ក៏ដូចជាការពង្រឹងទំនាក់ទំនងការទូតដែលមិនសូវជាមានភាពល្អប្រសើរនាពេលកន្លងមក។
ក្នុងជំនួបនេះដែរ ការពិភាក្សាបានផ្ដោតលើទំនាក់ទំនងសេដ្ឋកិច្ច ដោយមេដឹកនាំប្រទេសទាំងបី បានបង្ហាញពីបំណងក្នុងការលើកកម្ពស់ការតភ្ជាប់ពាណិជ្ជកម្មរវាងគ្នានឹងគ្នា។ ម្យ៉ាងទៀត មេដឹកនាំទាំងបី ក៏បានសន្យាបង្កើតតំបន់សេដ្ឋកិច្ចសេរីត្រីភាគី ចិន ជប៉ុន កូរ៉េខាងត្បូង និង បានជំរុញឱ្យមានទីផ្សារអាស៊ីខាងកើតតាមរយៈយន្តការនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាគំនិតផ្ដួចផ្ដើមដោយចិន។
អ្វីដែលជាការកត់សម្គាល់នោះ បញ្ហានុយក្លេអ៊ែរបស់កូរ៉េខាងជើង ក៏ត្រូវបានលើកយកមកពិភាក្សាផងដែរ។ កម្មវិធីនុយក្លេអ៊ែរបស់ក្រុងព្យុងយ៉ាង បានបង្កជាការគំរាមដល់សន្តិសុខក្នុងតំបន់និងប្រទេសជិតខាងរបស់ខ្លួនជាពិសេសជប៉ុន កូរ៉េខាងត្បូង ក៏ដូចជាចិន ដែលជាសម្ព័ន្ធមិត្តជិតស្និទ្ធ និងតែងតែជួយទំនុកបម្រុងរដ្ឋកុំមុយនីសមួយនេះរហូតមក។
លើសពីនេះទៅទៀត មេដឹកនាំទាំងបីប្រទេសក៏បានស្នើឱ្យចាប់ផ្ដើមឡើងវិញនូវការចរចា៦ភាគី សំដៅដល់ការបញ្ចប់ទាំងស្រុងកម្មវិធីអភិវឌ្ឍនុយក្លេអ៊ែរផងដែរ។ កិច្ចពិភាក្សា៦ភាគីនេះបានជាប់គាំងមិនដំណើការអស់រយៈពេលជាច្រើនឆ្នាំមកហើយ ពោលគឺចាប់តាំងពីមានការដើរចេញពីតុចរចារបស់កូរ៉េខាងជើងនៅក្នុងឆ្នាំ២០០៩ ។
សូមបញ្ជាក់ផងដែរថា កិច្ចប្រជុំត្រីភាគី ចិន ជប៉ុន និងកូរ៉េខាងត្បូងនេះ បានក្លាយជាវេទិកាដ៏សំខាន់សម្រាប់សម្រួលទំនាក់ទំនងប្រទេសទាំងបី ដែលតែងតែមានការរង្គោះរង្គើដោយសារបញ្ហាប្រវត្តិសាស្ត្រកាលពីសម័យសង្គ្រាមលោកលើកទី២ និងជម្លោះដែនកោះរវាងចិន-ជប៉ុន និងជប៉ុន-កូរ៉េខាងត្បូង ដែលនៅតែមិនទាន់ដោះស្រាយដាច់ស្រេចនៅឡើយ៕
លោក មុំ ពិទូរ្យ លម្អិតព័ត៌មាននេះ
កាលពីថ្ងៃអាទិត្យម្សិលមិញ ជំនួបកំពូលត្រីភាគីចិន ជប៉ុន និងកូរ៉េខាងត្បូង បានប្រព្រឹត្តឡើង ដោយរលូនតាមការកំណត់។ ជំនួបនេះ មានវត្តមានមេដឹកនាំបីរូបដែលរួមមានលោកស្រី ប្រធានាធិបតីកូរ៉េខាងត្បូង ផាក ហ្គនហេ ដែលជាម្ចាស់ផ្ទះ លោកនាយករដ្ឋមន្ត្រីចិន លី ខេជាង និងលោកនាយករដ្ឋមន្ត្រី ជប៉ុន ស្ហ៊ិន ហ្សូអាបេ។
លទ្ធផលជាផ្លែផ្កាមួយចំនួនត្រូវបានសម្រេច ហើយជំនួបលើកនេះត្រូវបានគេមើលឃើញថា ជាជំហានដ៏សំខាន់ក្នុងការស្តារទំនាក់ទំនងប្រទេសទាំងបីឡើងវិញ។ ប្រទេសមហាយក្សតំបន់ទាំងបីនេះ រំពឹងថានឹងទទួលបានផលប្រយោជន៍សេដ្ឋកិច្ចតាមរយៈកិច្ចសហប្រតិបត្តិការជិតស្និទ្ធ ក៏ដូចជាការពង្រឹងទំនាក់ទំនងការទូតដែលមិនសូវជាមានភាពល្អប្រសើរនាពេលកន្លងមក។
ក្នុងជំនួបនេះដែរ ការពិភាក្សាបានផ្ដោតលើទំនាក់ទំនងសេដ្ឋកិច្ច ដោយមេដឹកនាំប្រទេសទាំងបី បានបង្ហាញពីបំណងក្នុងការលើកកម្ពស់ការតភ្ជាប់ពាណិជ្ជកម្មរវាងគ្នានឹងគ្នា។ ម្យ៉ាងទៀត មេដឹកនាំទាំងបី ក៏បានសន្យាបង្កើតតំបន់សេដ្ឋកិច្ចសេរីត្រីភាគី ចិន ជប៉ុន កូរ៉េខាងត្បូង និង បានជំរុញឱ្យមានទីផ្សារអាស៊ីខាងកើតតាមរយៈយន្តការនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាគំនិតផ្ដួចផ្ដើមដោយចិន។
អ្វីដែលជាការកត់សម្គាល់នោះ បញ្ហានុយក្លេអ៊ែរបស់កូរ៉េខាងជើង ក៏ត្រូវបានលើកយកមកពិភាក្សាផងដែរ។ កម្មវិធីនុយក្លេអ៊ែរបស់ក្រុងព្យុងយ៉ាង បានបង្កជាការគំរាមដល់សន្តិសុខក្នុងតំបន់និងប្រទេសជិតខាងរបស់ខ្លួនជាពិសេសជប៉ុន កូរ៉េខាងត្បូង ក៏ដូចជាចិន ដែលជាសម្ព័ន្ធមិត្តជិតស្និទ្ធ និងតែងតែជួយទំនុកបម្រុងរដ្ឋកុំមុយនីសមួយនេះរហូតមក។
លើសពីនេះទៅទៀត មេដឹកនាំទាំងបីប្រទេសក៏បានស្នើឱ្យចាប់ផ្ដើមឡើងវិញនូវការចរចា៦ភាគី សំដៅដល់ការបញ្ចប់ទាំងស្រុងកម្មវិធីអភិវឌ្ឍនុយក្លេអ៊ែរផងដែរ។ កិច្ចពិភាក្សា៦ភាគីនេះបានជាប់គាំងមិនដំណើការអស់រយៈពេលជាច្រើនឆ្នាំមកហើយ ពោលគឺចាប់តាំងពីមានការដើរចេញពីតុចរចារបស់កូរ៉េខាងជើងនៅក្នុងឆ្នាំ២០០៩ ។
សូមបញ្ជាក់ផងដែរថា កិច្ចប្រជុំត្រីភាគី ចិន ជប៉ុន និងកូរ៉េខាងត្បូងនេះ បានក្លាយជាវេទិកាដ៏សំខាន់សម្រាប់សម្រួលទំនាក់ទំនងប្រទេសទាំងបី ដែលតែងតែមានការរង្គោះរង្គើដោយសារបញ្ហាប្រវត្តិសាស្ត្រកាលពីសម័យសង្គ្រាមលោកលើកទី២ និងជម្លោះដែនកោះរវាងចិន-ជប៉ុន និងជប៉ុន-កូរ៉េខាងត្បូង ដែលនៅតែមិនទាន់ដោះស្រាយដាច់ស្រេចនៅឡើយ៕
Tag:
ចិន
ជប៉ុន
© រក្សាសិទ្ធិដោយ thmeythmey.com
