អន្តរជាតិ
នយោបាយអន្តរជាតិ
×![]()
សល់ត្រឹមតែ៦ថ្ងៃទៀតតែប៉ុណ្ណោះ ការបោះឆ្នោតសភាមីយ៉ាន់ម៉ា ដែលត្រូវបានគេរំពឹងថាជាការបោះ ឆ្នោតលទ្ធិប្រជាធិបតេយ្យលើកដំបូងក្នុងប្រវត្តិសាស្ត្រ នឹងប្រព្រឹត្តឡើងហើយ។ ខណៈការបោះឆ្នោត កាន់តែខិតជិតមកដល់ មានបាតុភាពនៃភាពមិនប្រក្រតីមួយចំនួន បានកើតឡើងជាបន្តបន្ទាប់ដែលបញ្ហា នេះកំពុងតែគំរាមដល់ការបោះឆ្នោតដែលមិនអាចប្រព្រឹត្តដោយយុត្តិធម៌ និង ត្រឹមត្រូវ។
សូមស្ដាប់ព័ត៌មានលម្អិត៖
ថ្ងៃទី០៨ ខែវិច្ឆិកាខាងមុខនេះ មីយ៉ាន់មា់ នឹងបើកទំព័រប្រវត្តិសាស្ត្រដំបូងនៃដំណើរឆ្ពោះទៅកាន់លទ្ធិប្រជាធិបតេយ្យតាមរយៈការបោះឆ្នោតសកលឬ បោះឆ្នោតសភាដែលមានគណបក្សប្រមាណ៩០បក្សបានចូលរួមប្រកួតប្រជែង។ រឿងដែលគួរឲ្យសោកស្តាយនោះ ការឃោសនាស្វែងរកសំឡេងឆ្នោត បានប្រព្រឹត្តទៅដោយរលូនកាលពីពេលចាប់ផ្តើម តែបែរជាជួបនឹងភាពល្អក់កករនៅពេលដែលការ បោះឆ្នោតកាន់តែកៀកនឹងមកដល់ទៅវិញ។
ក្នុងក្រសែភ្នែកសហគមន៍អន្តរជាតិ បានចាត់ទុកការបោះឆ្នោតមីយ៉ាន់ម៉ា នឹងជួយឲ្យរដ្ឋដែលបានចាក់ដោយរបបសឹកយោធាជាយូរឆ្នាំមកហើយនោះអាចឃើញពន្លឺលទ្ធិប្រជាធិបតេយ្យបាន។ ទោះជាយ៉ាងណាក៏ដោយ ការផ្លាស់ប្តូរមួយពិតប្រាកដក្នុងបរិបទនយោបាយមីយ៉ាន់ម៉ានៅតែស្មុគស្មាញ ហើយការសង្ឃឹមថា ការបោះឆ្នោតនឹងផ្លាស់ប្តូរនយោបាយនិងលើកកម្ពស់ប្រជាធិបតេយ្យូបនីយកម្មនៅក្នុងប្រទេសនេះនៅមានកម្រិតតិចនៅឡើយ។ វាលែងតែបក្សលោកស្រី អ៊ុងសាន ស៊ូជី ឈ្នះឆ្នោតភ្លូកទឹកភ្លូកដី បានប្រទេសមីយ៉ាន់ម៉ាអាចស្គាល់ការផ្លាស់ប្តូរមួយពិតប្រាកដ ហើយឥទ្ធិពលយោធាអាចនឹងសាបរលាបពីនយោបាយដឹកនាំប្រទេសនេះផង។
អ្វីដែលគួរឲ្យសោកស្តាយនោះ កាលពីពីរបីថ្ងៃកន្លងទៅនេះ សមាជិកសភាដែលជាតំណាងរាស្ត្រមកពី បក្សប្រឆាំងលោកស្រីអង់សានជី ត្រូវបានជនមិនស្គាល់មុខ វាយប្រហារយ៉ាងដំណំនៅក្បែរប៉ុស្តិ៍ប៉ូលីស ខណៈពេលដែល លោកកំពុងតែបន្តការឃោសនាការបោះឆ្នោត។ នេះ គឺជាការគំរាមមួយដល់បក្សប្រឆាំងសម្ពន្ធ័ជាតិ ដើម្បីលទ្ធិប្រជាធិបតេយ្យដ៏មានប្រជាប្រិយភាពនៅមីយ៉ាន់ម៉ា។ តាមពិតទៅ បញ្ហានេះ មិនត្រូវឲ្យកើត មាននោះទេ ព្រោះនេះគឺការធានានូវសមភាពនៃការទទួលខុសត្រូវលើផ្នែកសន្តិសុខដោយរដ្ឋាភិបាលមីយ៉ាន់ម៉ា។ កំហុសមួយនេះ ត្រូវមតិមួយចំនួនលើកឡើង រដ្ឋាភិបាលមិនបានគោរពគោលការណ៍ស្មើភាព របស់បក្សនយោបាយ។
បញ្ហាមិនប្រក្រតីមួយទៀតនោះ គឺរដ្ឋាភិបាលមីយ៉ាន់ម៉ា បានបរាជ័យក្នុងការផ្សព្វផ្សាយឲ្យមានការចូលរួមការបោះឆ្នោតទៅកាន់ប្រជាជនមីយ៉ាន់ម៉ាគ្រប់រូប។ យោងតាមសារព័ត៌មានថៃបាងកកប៉ុស្តិ៍ មានប្រជាជនមីយ៉ាន់ម៉ាដែលភាគច្រើនពួកគេធ្វើការជាកម្មករនៅថៃ បានសម្តែងការខឹងសម្បារនិង មិនសប្បាយ ដ្បិត ពួកគេមិនអាចទទួលបានព័ត៌មានពីការបោះឆ្នោតខាងមុខនេះ។ ក្នុងនោះ ពួកគេ បានអះអាង រដ្ឋាភិបាល បានព្យាយាមទុកពួកគេឲ្យនូវឆ្ងាយ ដ្បិត រដ្ឋាភិបាលដឹងមុនថាហើយ ប្រជាជន ស្ទើរតែទាំងអស់នឹងបោះឆ្នោតឲ្យលោកស្រីអង់សាន ស៊ូជី។
ងាកមកចាប់អារម្មណ៍ ជោគវាសនារបស់លោកស្រីអង់ស៊ានសូជីវិញ។ វានៅតែជារឿងស្រពេច ស្រពិលនៅឡើយសម្រាប់លោកស្រី អង់ សានស៊ូជី ក្នុងការឡើងកាន់តំណែងជាប្រធានាធិបតី ដ្បិតរដ្ឋធម្មនុញ្ញបន្សល់ទុកពីរបបសឹកចាស់មិនឲ្យលោកស្រីឈរឈ្មោះជាប្រធានាធិបតីបាន។ យ៉ាងណាមិញលោកស្រីនៅមានផ្លូវដើរគឺកែមាត្រា ៥២នៃរដ្ឋធម្មនុញ្ញដើម្បីត្រួសត្រាយផ្លូវសម្រាប់លោកស្រីក្នុងការឈរឈ្មោះជាប្រធានាធិបតីនេះ។ តែរឿងពិបាកបំផុតនោះគឺបក្សលោកស្រីត្រូវរកសំឡេងគាំទ្រក្នុងសភាសម្រាប់ការបោះឆ្នោតខាងមុខឲ្យបានយ៉ាងតិចជាង៦០ភាគរយនៃអាសនៈសភាទាំងអស់។ នេះក៏ដោយសារក្រុមយោធាកាន់អាសនៈ ២៥ភាគរយរួចទៅហើយ ហើយដើម្បីកែរដ្ឋធម្មនុញ្ញគេត្រូវការសំឡេង ៧៥ភាគរយ និងសំឡេងប្រជាជនគាំទ្រ៥០ ភាគរយក្នុងការធ្វើប្រជាមតិជារួមផង។ នេះមានន័យថា ការបោះឆ្នោតខាងមុខជាសមរភូមិ ដ៏ធំ និងក្តីសង្ឃឹមចុងក្រោយសម្រាប់លោកស្រី អង់សានស៊ូជីប្រើប្រាស់ដើម្បីសម្រេចមហិច្ឆតាក្លាយជាប្រធានាធិបតី៕
សូមស្ដាប់ព័ត៌មានលម្អិត៖
ថ្ងៃទី០៨ ខែវិច្ឆិកាខាងមុខនេះ មីយ៉ាន់មា់ នឹងបើកទំព័រប្រវត្តិសាស្ត្រដំបូងនៃដំណើរឆ្ពោះទៅកាន់លទ្ធិប្រជាធិបតេយ្យតាមរយៈការបោះឆ្នោតសកលឬ បោះឆ្នោតសភាដែលមានគណបក្សប្រមាណ៩០បក្សបានចូលរួមប្រកួតប្រជែង។ រឿងដែលគួរឲ្យសោកស្តាយនោះ ការឃោសនាស្វែងរកសំឡេងឆ្នោត បានប្រព្រឹត្តទៅដោយរលូនកាលពីពេលចាប់ផ្តើម តែបែរជាជួបនឹងភាពល្អក់កករនៅពេលដែលការ បោះឆ្នោតកាន់តែកៀកនឹងមកដល់ទៅវិញ។
ក្នុងក្រសែភ្នែកសហគមន៍អន្តរជាតិ បានចាត់ទុកការបោះឆ្នោតមីយ៉ាន់ម៉ា នឹងជួយឲ្យរដ្ឋដែលបានចាក់ដោយរបបសឹកយោធាជាយូរឆ្នាំមកហើយនោះអាចឃើញពន្លឺលទ្ធិប្រជាធិបតេយ្យបាន។ ទោះជាយ៉ាងណាក៏ដោយ ការផ្លាស់ប្តូរមួយពិតប្រាកដក្នុងបរិបទនយោបាយមីយ៉ាន់ម៉ានៅតែស្មុគស្មាញ ហើយការសង្ឃឹមថា ការបោះឆ្នោតនឹងផ្លាស់ប្តូរនយោបាយនិងលើកកម្ពស់ប្រជាធិបតេយ្យូបនីយកម្មនៅក្នុងប្រទេសនេះនៅមានកម្រិតតិចនៅឡើយ។ វាលែងតែបក្សលោកស្រី អ៊ុងសាន ស៊ូជី ឈ្នះឆ្នោតភ្លូកទឹកភ្លូកដី បានប្រទេសមីយ៉ាន់ម៉ាអាចស្គាល់ការផ្លាស់ប្តូរមួយពិតប្រាកដ ហើយឥទ្ធិពលយោធាអាចនឹងសាបរលាបពីនយោបាយដឹកនាំប្រទេសនេះផង។
អ្វីដែលគួរឲ្យសោកស្តាយនោះ កាលពីពីរបីថ្ងៃកន្លងទៅនេះ សមាជិកសភាដែលជាតំណាងរាស្ត្រមកពី បក្សប្រឆាំងលោកស្រីអង់សានជី ត្រូវបានជនមិនស្គាល់មុខ វាយប្រហារយ៉ាងដំណំនៅក្បែរប៉ុស្តិ៍ប៉ូលីស ខណៈពេលដែល លោកកំពុងតែបន្តការឃោសនាការបោះឆ្នោត។ នេះ គឺជាការគំរាមមួយដល់បក្សប្រឆាំងសម្ពន្ធ័ជាតិ ដើម្បីលទ្ធិប្រជាធិបតេយ្យដ៏មានប្រជាប្រិយភាពនៅមីយ៉ាន់ម៉ា។ តាមពិតទៅ បញ្ហានេះ មិនត្រូវឲ្យកើត មាននោះទេ ព្រោះនេះគឺការធានានូវសមភាពនៃការទទួលខុសត្រូវលើផ្នែកសន្តិសុខដោយរដ្ឋាភិបាលមីយ៉ាន់ម៉ា។ កំហុសមួយនេះ ត្រូវមតិមួយចំនួនលើកឡើង រដ្ឋាភិបាលមិនបានគោរពគោលការណ៍ស្មើភាព របស់បក្សនយោបាយ។
បញ្ហាមិនប្រក្រតីមួយទៀតនោះ គឺរដ្ឋាភិបាលមីយ៉ាន់ម៉ា បានបរាជ័យក្នុងការផ្សព្វផ្សាយឲ្យមានការចូលរួមការបោះឆ្នោតទៅកាន់ប្រជាជនមីយ៉ាន់ម៉ាគ្រប់រូប។ យោងតាមសារព័ត៌មានថៃបាងកកប៉ុស្តិ៍ មានប្រជាជនមីយ៉ាន់ម៉ាដែលភាគច្រើនពួកគេធ្វើការជាកម្មករនៅថៃ បានសម្តែងការខឹងសម្បារនិង មិនសប្បាយ ដ្បិត ពួកគេមិនអាចទទួលបានព័ត៌មានពីការបោះឆ្នោតខាងមុខនេះ។ ក្នុងនោះ ពួកគេ បានអះអាង រដ្ឋាភិបាល បានព្យាយាមទុកពួកគេឲ្យនូវឆ្ងាយ ដ្បិត រដ្ឋាភិបាលដឹងមុនថាហើយ ប្រជាជន ស្ទើរតែទាំងអស់នឹងបោះឆ្នោតឲ្យលោកស្រីអង់សាន ស៊ូជី។
ងាកមកចាប់អារម្មណ៍ ជោគវាសនារបស់លោកស្រីអង់ស៊ានសូជីវិញ។ វានៅតែជារឿងស្រពេច ស្រពិលនៅឡើយសម្រាប់លោកស្រី អង់ សានស៊ូជី ក្នុងការឡើងកាន់តំណែងជាប្រធានាធិបតី ដ្បិតរដ្ឋធម្មនុញ្ញបន្សល់ទុកពីរបបសឹកចាស់មិនឲ្យលោកស្រីឈរឈ្មោះជាប្រធានាធិបតីបាន។ យ៉ាងណាមិញលោកស្រីនៅមានផ្លូវដើរគឺកែមាត្រា ៥២នៃរដ្ឋធម្មនុញ្ញដើម្បីត្រួសត្រាយផ្លូវសម្រាប់លោកស្រីក្នុងការឈរឈ្មោះជាប្រធានាធិបតីនេះ។ តែរឿងពិបាកបំផុតនោះគឺបក្សលោកស្រីត្រូវរកសំឡេងគាំទ្រក្នុងសភាសម្រាប់ការបោះឆ្នោតខាងមុខឲ្យបានយ៉ាងតិចជាង៦០ភាគរយនៃអាសនៈសភាទាំងអស់។ នេះក៏ដោយសារក្រុមយោធាកាន់អាសនៈ ២៥ភាគរយរួចទៅហើយ ហើយដើម្បីកែរដ្ឋធម្មនុញ្ញគេត្រូវការសំឡេង ៧៥ភាគរយ និងសំឡេងប្រជាជនគាំទ្រ៥០ ភាគរយក្នុងការធ្វើប្រជាមតិជារួមផង។ នេះមានន័យថា ការបោះឆ្នោតខាងមុខជាសមរភូមិ ដ៏ធំ និងក្តីសង្ឃឹមចុងក្រោយសម្រាប់លោកស្រី អង់សានស៊ូជីប្រើប្រាស់ដើម្បីសម្រេចមហិច្ឆតាក្លាយជាប្រធានាធិបតី៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
