អន្តរជាតិ
សត្វឆ្កែមួយក្បាលខាំពាំទារកទើបកើតដែលត្រូវបោះបង់ចោលម្នាក់ ទៅឲ្យមនុស្សជួយ
×![]()
×![]()
ដោយ: ធីតា
កាលពីពេលថ្មីៗនេះ រូបថតសត្វឆ្កែមួយក្បាលដែលខាំពាំទារកទើបចាប់កំណើតម្នាក់ ធ្វើឲ្យរំជើបរំជួលពេញផ្ទៃប្រទេសអារ៉ាប៊ី សាអ៊ូឌីត។ សត្វឆ្កែនោះបានខាំពាំទារកដែលមានទងផ្សិតជាប់នៅឡើយ យកទៅដាក់នៅមុខផ្ទះមួយ រួចព្រូសនៅមាត់ទ្វារដើម្បីទាក់ទាញចំណាប់អារម្មណ៍មនុស្សក្នុងផ្ទះ ឲ្យចេញមកខាងក្រៅ នេះបើតាមការចុះផ្សាយរបស់គេហទំព័រ Emirates247.com ។
អត្ថបទដែលមានចំណងជើងថា Sada ជាភាសាអារ៉ាប់ មិនបានបញ្ជាក់ថា តើហេតុការណ៍នេះកើតឡើងនៅពេលណា ហើយកើតនៅក្នុងរដ្ឋអារ៉ាប់ណាមួយពិតប្រាកដទេ អ្នកនិពន្ធអត្ថបទគ្រាន់តែបញ្ជាក់ថា ទារកនោះត្រូវគេបោះបង់ចោលនៅជិតធុងសំរាម ហើយក៏ត្រូវសត្វឆ្កែមួយក្បាលជួយសង្គ្រោះ ដោយពាំទៅស្វែងរកជំនួយពីមនុស្សក្នុងផ្ទះមួយ។ ម្ចាស់ផ្ទះបានចេញមកក្រៅ ហើយក៏បានឃើញទារិកានៅមាត់ទ្វាររបស់ខ្លួន ពួកគេប្រញាប់ប្រញាល់បញ្ជូនក្មេងនេះទៅកាន់មន្ទីរពេទ្យជាបន្ទាន់។
ទារិកាដ៏មានសំណាងបានគេចផុតពីសេចក្តីស្លាប់ នាងគ្រាន់តែត្រូវរបួសសើរស្បែកបន្តិចបន្តួចប៉ុណ្ណោះ។ ចំណែកឯសត្វឆ្កែដ៏អាថ៌កំបាំងក៏បានបាត់ខ្លួនទៅ។ គ្មាននរណាម្នាក់ដឹងថា តើសុនខនោះជាសត្វមានម្ចាស់ ឬជាឆ្កែអនាថាដែលត្រូវគេបោះបង់ចោលដែរឬយ៉ាងណាទេ។ បណ្តាញសង្គម និងព័ត៌មានជាច្រើននៅមជ្ឈិមបូព៌ាបានចុះផ្សាយរឿងរ៉ាវរបស់សត្វសុនខនេះជាបន្តបន្ទាប់ ប៉ុន្តែគ្មានប្រភពព័ត៌មានណាដែលអាចបញ្ជាក់ពីអត្តសញ្ញាណរបស់សត្វឆ្កែនេះទេ។ ទោះជាយ៉ាងណា ទឹកចិត្តដ៏ល្អរបស់សត្វឆ្កែនេះបានដក់ជាប់យ៉ាងជ្រៅក្នុងក្រអៅបេះដូងរបស់ពលរដ្ឋនានានៅមជ្ឈិមបូព៌ា៕
Tag:
ប្លែក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
