អន្តរជាតិ
×![]()
ចិនបានបញ្ចេញនូវយន្តហោះដឹកអ្នកដំណើរដើម្បីប្រកួតប្រជែងក្នុងទីផ្សារ នៅឯព្រលានយន្តហោះក្រុងស៊ាងហៃ។ ការបញ្ចេញយន្តហោះដឹកអ្នកដំណើរលើកនេះ ត្រូវបានមើលឃើញថាជាការកាត់បន្ថយការពឹងផ្អែកលើការនាំចូលយន្តហោះពីបរទេស ខណៈប្រទេសចិនគឺជាទីផ្សារអាកាសចរណ៍ធំមួយនៅក្នុងតំបន់។
កាលពីថ្ងៃម្សិលមិញ រដ្ឋាភិបាលចិន បានបញ្ចេញយន្តហោះដឹកអ្នកដំណើរជាលើកដំបូង។ យន្តហោះនេះ ជាប្រភេទយន្តហោះ C919 មានម៉ាស៊ីន២ និងផលិតដោយក្រុមហ៊ុនអាកាសចរណ៍ពាណិជ្ជកម្មចិន (COMAC) ដែលជាក្រុមហ៊ុនរបស់រដ្ឋ។ យន្តហោះនេះអាចផ្ទុកអ្នកដំណើរបានចំណុះ១៦៨នាក់ ហើយអាចនឹងត្រៀមហោះហើរសាកល្បងជាលើកដំបូងនៅឆ្នាំ២០១៦ ។
ទីផ្សារអាកាសចរណ៍របស់ចិនកំពុងតែមានការរីកដុះដាលយ៉ាងខ្លាំង តែចិនមានការពឹងផ្អែកយ៉ាងខ្លាំងលើការនាំចូលយន្តហោះពីបរទេសជាពិសេសពីក្រុមហ៊ុនយក្សពីរគឺBoeingនិង Airbus ។
យ៉ាងណាក៏ដោយ ដើម្បីបន្ថយការនាំចូលយន្តហោះដែលបានបណ្ដាលឱ្យចិនខាតថវិកាជាច្រើនពាន់លានដុល្លារនោះ រដ្ឋាភិបាលក្រុងប៉េកាំង ត្រូវតែផលិតយន្តហោះដោយខ្លួនឯងវិញ។ ក្រៅពីការកាត់បន្ថយចំនួននាំចូល នេះក៏ប្រហែលជាចេតនារបស់ចិនក្នុងការប្រកួតប្រជែងក្នុងទីផ្សារយន្តហោះផងដែរ។
នាយកអាកាសចរណ៍ស៊ីវិលចិន Li Jiaxiang ដែលចូលរួមពិធីសម្ភោធយន្តហោះថ្មីបានបញ្ជាក់ពីមហិច្ឆតារបស់រដ្ឋាភិបាលចិនក្នុងការអភិវឌ្ឍន៍ឧស្សាហកម្មយន្តហោះឱ្យកាន់តែធំបន្តទៀត។ លោកថា ឧស្សាហកម្មយន្តហោះមិនគួរពឹងតែលើការនាំចូលពីបរទេសនោះទេ។ ប្រទេសធំដូចជាចិន ត្រូវតែមានរបស់ផ្ទាល់ខ្លួនឯង។
អ្វីដែលគួរកត់សម្គាល់នោះ បើទោះជាយន្តហោះប្រភេទនេះផលិតក្នុងស្រុកក៏ដោយ គ្រឿងម៉ាស៊ីនជាច្រើនត្រូវបាននាំចូលពីបរទេសនៅឡើយ ។ នោះ ក៏ព្រោះតែចិនមិនទាន់មានសមត្ថភាពផលិតឧបករណ៍ដែលត្រូវការបច្ចេកវិទ្យាខ្ពស់នោះទេ។
មកទល់ពេលនេះ មានការបញ្ជាទិញយន្តហោះប្រភេទនេះចំនួន៥១៧ហើយ ដែលភាគច្រើនជាក្រុមហ៊ុនក្នុងស្រុក។ ចំណែកក្រុមហ៊ុនអាកាសចរណ៍មួយរបស់ថៃ ក៏បានបញ្ជាទិញចំនួន១០គ្រឿងផងដែរ។ ប៉ុន្តែ គេត្រូវរង់ចាំដល់ឆ្នាំ២០១៩ ទើបក្រុមហ៊ុនចែកចាយដល់អតិថិជនដែលបានបញ្ជាទិញទាំងអស់បាន៕
កាលពីថ្ងៃម្សិលមិញ រដ្ឋាភិបាលចិន បានបញ្ចេញយន្តហោះដឹកអ្នកដំណើរជាលើកដំបូង។ យន្តហោះនេះ ជាប្រភេទយន្តហោះ C919 មានម៉ាស៊ីន២ និងផលិតដោយក្រុមហ៊ុនអាកាសចរណ៍ពាណិជ្ជកម្មចិន (COMAC) ដែលជាក្រុមហ៊ុនរបស់រដ្ឋ។ យន្តហោះនេះអាចផ្ទុកអ្នកដំណើរបានចំណុះ១៦៨នាក់ ហើយអាចនឹងត្រៀមហោះហើរសាកល្បងជាលើកដំបូងនៅឆ្នាំ២០១៦ ។
ទីផ្សារអាកាសចរណ៍របស់ចិនកំពុងតែមានការរីកដុះដាលយ៉ាងខ្លាំង តែចិនមានការពឹងផ្អែកយ៉ាងខ្លាំងលើការនាំចូលយន្តហោះពីបរទេសជាពិសេសពីក្រុមហ៊ុនយក្សពីរគឺBoeingនិង Airbus ។
យ៉ាងណាក៏ដោយ ដើម្បីបន្ថយការនាំចូលយន្តហោះដែលបានបណ្ដាលឱ្យចិនខាតថវិកាជាច្រើនពាន់លានដុល្លារនោះ រដ្ឋាភិបាលក្រុងប៉េកាំង ត្រូវតែផលិតយន្តហោះដោយខ្លួនឯងវិញ។ ក្រៅពីការកាត់បន្ថយចំនួននាំចូល នេះក៏ប្រហែលជាចេតនារបស់ចិនក្នុងការប្រកួតប្រជែងក្នុងទីផ្សារយន្តហោះផងដែរ។
នាយកអាកាសចរណ៍ស៊ីវិលចិន Li Jiaxiang ដែលចូលរួមពិធីសម្ភោធយន្តហោះថ្មីបានបញ្ជាក់ពីមហិច្ឆតារបស់រដ្ឋាភិបាលចិនក្នុងការអភិវឌ្ឍន៍ឧស្សាហកម្មយន្តហោះឱ្យកាន់តែធំបន្តទៀត។ លោកថា ឧស្សាហកម្មយន្តហោះមិនគួរពឹងតែលើការនាំចូលពីបរទេសនោះទេ។ ប្រទេសធំដូចជាចិន ត្រូវតែមានរបស់ផ្ទាល់ខ្លួនឯង។
អ្វីដែលគួរកត់សម្គាល់នោះ បើទោះជាយន្តហោះប្រភេទនេះផលិតក្នុងស្រុកក៏ដោយ គ្រឿងម៉ាស៊ីនជាច្រើនត្រូវបាននាំចូលពីបរទេសនៅឡើយ ។ នោះ ក៏ព្រោះតែចិនមិនទាន់មានសមត្ថភាពផលិតឧបករណ៍ដែលត្រូវការបច្ចេកវិទ្យាខ្ពស់នោះទេ។
មកទល់ពេលនេះ មានការបញ្ជាទិញយន្តហោះប្រភេទនេះចំនួន៥១៧ហើយ ដែលភាគច្រើនជាក្រុមហ៊ុនក្នុងស្រុក។ ចំណែកក្រុមហ៊ុនអាកាសចរណ៍មួយរបស់ថៃ ក៏បានបញ្ជាទិញចំនួន១០គ្រឿងផងដែរ។ ប៉ុន្តែ គេត្រូវរង់ចាំដល់ឆ្នាំ២០១៩ ទើបក្រុមហ៊ុនចែកចាយដល់អតិថិជនដែលបានបញ្ជាទិញទាំងអស់បាន៕
Tag:
ចិន
© រក្សាសិទ្ធិដោយ thmeythmey.com
